Reazzjoni iebsa minn Juventus, Barcellona u Real Madrid għall-ftehim milħuq mill-Uefa mad-disa’ klabbs l-oħra
Juventus, Barcellona u Real Madrid ħarġu stqarrija conġunta wara li d-disa’ klabbs l-oħra fundaturi tas-Super League laħqu ftehim mal-Uefa biex jabbanduna is-Super League. Fl-istqarrija naqra li hu inaċċettabbli li t-12-il klabb fundatur fl-aħħar ġimgħat safa ta’ pressjoni, theddid u offiżi min-naħa ta’ terzi. Dan minkejja li l-Qrati diġa’ qatgħuha li l-Uefa u l-Fifa ma jistgħux jieħdu passi biex iwaqqfu l-inizjattiva tas-Super League. Ġie mtenni li l-proġett twaqqaf bil-għan li tinstab soluzzjoni għall-problemi li jeżistu fid-dinja tal-futbol. Dal-proġett sar b’rispett lejn l-istrutturi li diġa’ jeżistu u s-Super League se tkun qed tibda biss malli tkun rikonoxxuta mill-Uefa u/jew mill-FIFA. Issemma li parti mid-dħul li se tiġġenera s-Super League kien se jmur biex jiġu megħjuna klabbs oħra.
L-istqarrija ttemm tgħid li t-tliet klabbs lesti jikkunsidraw partijiet mill-proġett tas-Super League u li se jkomplu jaħdmu biex titwaqqaf anki jekk l-Uefa tkompli theddidhom. L-intenzjoni tal-klabbs involuti hu li jkun hemm diskussjoni flimkien mal-Uefa u mal-Fifa, diskussjoni bbażata fuq rispett reċiproku u li tħares is-saltna tad-dritt.
Matthew Scerri
L-ewwel paġni tal-gazzetti Taljani (8 ta’ Mejju 2021)
Qed inwasslulkom l-ewwel paġni tal-gazzetti Taljani tal-isports tal-lum it-8 ta’ Mejju 2021.
Disgħa mit-tnax-il tim fundatur tas-Super League jilħqu ftehim mal-Uefa
L-Uefa ħabbret li ntlaħaq ftehim ma’ disgħa mit-tnax-il klabb fundatur tas-Super League u qed tirriserva d-dritt li tieħu passi dixxiplinari fil-konfront tat-timijiet li s’issa għadhom ma ħarġux mis-Super League (Juventus, Real Madrid u Barcellona). Id-disa’ timijiet aċċettaw li jħallsu 15-il miljun kull wieħed, liema flus se jiġu investiti mill-Uefa fin-nurseries. Barra minn hekk, għal staġun wieħed biss, kull klabb se jingħata mill-Uefa 5% inqas mid-dħul li suppost ikun intitolat għalih għas-sehem fil-kompetizzjonijiet Ewropej. Il-klabbs intrabtu wkoll li jħallsu 100 miljun Ewro jekk jilagħbu f’kompetizzjoni bħas-Super League jew 50 miljun Ewro jekk jiksbu xi punt ieħor tal-ftehim mal-Uefa. Tajjeb ngħidu li permezz ta’ dal-ftehim is-Super League m’għadhiex teżisti iktar peress li skont l-istatut tat-twaqqif tagħha, is-Super League tiġi xolta malli disgħa mit-tnax-il klabb fundatur jiddeċidu li jabbadunaw dil-kompetizzjoni.
Matthew Scerri
Bħal-lum fil-passat ( 8 ta’ Mejju)
Is-sena hi l-2005. Fit-8 ta’ Mejju Juventus marru f’San Siro f’dak li kien konfront dirett bejn l-ewwel żewġ timijet tal-klassifika. Il-Bianconeri jirbħu 0-1 b’gowl ta’ ħadd ħlief minn wieħed mill-mistednin speċjali tal-Club tagħna ftit tas-snin ilu, David Trezeguet. L-azzjoni tal-gowl hi waħda magħrufa: rovesciata ta’ Del Piero li tefa’ l-ballun fil-kaxxa u Trezeguet jitfa’ l-ballun fix-xibka b’daqqa ta’ ras.
L-ewwel paġni tal-gazzetti Taljani (7 ta’ Mejju 2021)
Qed inwasslulkom l-ewwel paġni tal-gazzetti Taljani tal-isports tal-lum is-7 ta’ Mejju 2021.
Bħal-lum fil-passat (7 ta’ Mejju)
Il-filmat tal-lum se joħodna għas-sena 1961 meta Juventus għelbu lil Lecco 4-2 bil-gowls ta’ Charles (2), Sivori u Nicolé.
Il-kundizzjonijiet ta’ Juventus biex ibigħu lil McKennie
Weston McKennie jista’ jitlaq lil Juventus. Ilna nisimgħu u naqraw li McKennie jaf ikun mibjugħ minħabba li Juventus jeħtieġu jagħmlu plusvalenze sat-30 ta’ Ġunju meta tagħlaq is-sena finanzjarja. McKennie sewa lil Juventus 18.5 miljun Ewro flimkien ma’ 6.5 miljun Ewro oħra f’bonuses. Dan ifisser li biex Juventus ibigħuh trid taslilhom offerta minn tal-inqas ta’ 30 miljun Ewro. Barra minn hekk din l-offerta trid tasal sal-aħħar ta’ Ġunju. Wara Lulju, jekk ħadd ma jkun ressaq offerta għalih, hu probabbli li Juventus jagħżlu li jżommu lil McKennie magħhom għall-istaġun li jmiss dejjem jekk ikun iridu l-kowċ tas-sena d-dieħla. Fil-fatt f’Lulju tibda sena finanzjarja oħra u Juventus ikollhom sena żmien biex isaħħu l-qagħda finanzjarja tagħhom.
Matthew Scerri
L-Uefa ma tistax tieħu passi kontra t-timijiet fundaturi tas-Super League
Tard ilbieraħ ESPN irrapurtaw li Juventus, Barcellona, Real Madrid, Inter u Milan kienu qed jirriskjaw li jiġu esklużi għal sentejn mill-kompetizzjonijiet Ewropej bħala kastig talli formalment għadhom jagħmlu parti mis-Super League (Inter però jidhru li jinsabu qrib li jilħqu ftehim biex joħorġu mis-Super League). Jidher imma li dan il-pass dixxiplinari ma jistax jittieħed mill-Uefa hekk kif hemm sentenza ta’ Qorti f’Madrid li torbot idejn il-Uefa u ma tħallihomx jieħu passi kontra l-klabbs fundaturi. Dis-sentenza tgħodd anki fl-Iżvizzera (fejn hemm il-Kwartieri Ġenerali tal-Uefa) minħabba ftehim bilaterali bejn il-pajjiżi.
Matthew Scerri
Ir-referees tal-partiti tal-35 Ġurnata tas-Serie A
Is-Sibt 8 ta’ Mejju 2021, 3.00 p.m.
Spezia-Napoli: Irrati
Udinese-Bologna: Santoro
Is-Sibt 8 ta’ Mejju 2021, 6.00 p.m.
Inter-Sampdoria: Ayroldi
Is-Sibt 8 ta’ Mejju 2021, 8.45 p.m.
Fiorentina-Lazio: Maresca
Il-Ħadd 9 ta’ Mejju 2021, 12.30 p.m.
Genoa-Sassuolo: Mariani
Il-Ħadd 9 ta’ Mejju 2021, 3.00 p.m.
Benevento-Cagliari: Doveri
Verona-Torino: Massa
Parma-Atalanta: Giua
Il-Ħadd 9 ta’ Mejju 2021, 6.00 p.m.
Roma-Crotone: Sozza
Il-Ħadd 9 ta’ Mejju 2021, 8.45 p.m.
Juventus-Milan: Valeri
Matthew Scerri