L-ewwel paġni tal-gazzetti Taljani (24 ta’ Marzu 2021)
Qed inwasslulkom l-ewwel paġni tal-gazzetti Taljani tal-isports tal-lum l-24 ta’ Marzu 2021.
De Ligt captain ta’ Juventus?
Fil-ħarġa tal-lum ta’ Tuttosport naqraw li jekk verament Chiellini se jirtira, Juventus se jagħtu l-faxxa ta’ captain lil De Ligt. Jekk dan ikun ikkonfermat, allura jkollna bidla radikali mill-prassi tal-aħħar snin fejn il-faxxa tal-captain intlibset dejjem mill-plejer li jkun ilu l-iktar jilgħab għal Juventus.
Matthew Scerri
Chiesa hu l-Aqwa Plejer ta’ Juventus-Benevento
Federico Chiesa ġie magħżul mill-qarrejja tal-website tagħna bħala l-Aqwa Plejer tal-partita bejn Juventus u Benevento. Fil-votazzjoni li saret online hu kiseb 28% tal-voti, segwit minn Ronaldo b’21% tal-voti. Grazzi lil kulmin ħa sehem!
Matthew Scerri
Min jista’ jieħu post Pirlo
Kif kien mistenni wara t-telfa kontra Benevento beda l-għidut dwar min jista’ jieħu post Pirlo bħala kowċ ta’ Juventus. Ħafna supporters qed joħolmu li jkun hemm ritorn ta’ Allegri, biss jidher li min-naħa tiegħu jinsab iktar interessat f’timijiet oħra (Roma, Napoli jew Tottenham). Zidane għadu jkun indikat bħala l-favorit ta’ Agnelli, imma anki hawn wieħed irid jara kemm verament se jkun qed jitlaq lil Real Madrid. Ismijiet oħra li qed isiru huma dawk ta’ Simone Inzaghi, Gasperini, Mihajlovic u Spalletti. Inzaghi, b’mod partikolari, għadu ma sbax ftehim ma’ Lazio għall-kuntratt il-ġdid u qed jissemma li se jitlaqhom. Gasperini u Mihajlovic huma meqjusa bħala profili li jistgħu jgħinu fit-tiġdid tal-klabb billi jdaħħlu fis-sistema tagħhom ħafna talenti żgħar. Spalletti, imbagħad, hu kowċ rebbieħ li ġej minn esperjenza negattiva ma’ Inter (imma bħalu kważi kulħadd falla ma’ Inter fl-aħħar għaxar snin!).
Matthew Scerri
L-ewwel paġni tal-gazzetti Taljani (23 ta’ Marzu 2021)
Qed inwasslulkom l-ewwel paġni tal-gazzetti Taljani tal-isports tal-lum it-23 ta’ Marzu 2021.
Ħafna għidut. Pirlo qed jirriskja li jitlef postu!
Fl-aħħar erbgħa u għoxrin siegħa kellna ħafna aħbarijiet dwar il-futur ta’ Pirlo ma’ Juventus. Sportmediaset taw l-aħbar li saret laqgħa bejn Pirlo, Agnelli, Nedved u Paratici. S’issa, però, ma kellna ebda konferma li dil-lagħa seħħet verament. Tuttosport, imbagħad, qed tirraporta li Juventus għarrfu lil Pirlo li jekk jitlef partita oħra se jitkeċċa. Sorsi oħra qed isostnu li Pirlo ġie kkonfermat sa tmiem l-istaġun, biss jaf li jekk Juventus ma jidħlux fiċ-Champions League, mhux se jibqa’ kowċ tal-Bianconeri s-sena d-dieħla. X’inhi l-verità ħadd ma jaf eżattament. Li hu ċert hu li resqin lejn bidla fit-tmexxija tat-tim, bidla li tista’ sseħħ fil-qrib jew fis-sajf. Nemmnu li m’hemmx il-kundizzjonijiet biex Pirlo jibqa’ ma’ Juventus fl-2021/22.
Matthew Scerri
Messaġġ mill-isbaħ min-naħa ta’ Dybala
Laqgħa importanti dwar l-istaġun Juventin
Illum waranofsinhar allegatament għaddejja laqgħa li għaliha huma preżenti Andrea Agnelli, Pavel Nedved, Fabio Paratici u Andrea Pirlo. John Elkann ukoll mistenni jingħaqad magħhom permezz ta’ videocall. Skont Sportmediaset dil-laqgħa qed issir biex ikun hemm analiżi sew tal-mument delikat li Juventus għaddejjin minnu hekk kif tilfu l-opportunità li jirbħu l-kampjonat u ċ-Champions League. La Stampa qed tirraporta li wara l-partita tal-bieraħ fid-dressing room ta’ Juventus l-ambjent ma kienx pjaċevoli b’ħafna għajjat u insulti. Pirlo stess wara l-partita qal kliem iebes fil-konfront tal-plejers. Jirriżulta li Agnelli hu urtat immens bil-mod kif sejrin l-affarijiet u, ngħiduha kif inhi, il-biża’ ta’ kulħadd issa hi li Juventus ma jiġux lanqas mal-ewwel erba’ fil-klassifika. Minn dak li nafu, jidher li għalissa m’hemmx ir-riskju li Pirlo jitkeċċa b’mod immedjat, għalkemm xejn ma jista’ jiġi eskluż.
Matthew Scerri
Allegri jispjega x’wassal biex ma baqax kowċ ta’ Juventus
“Infridna b’mod kważi naturali. Kienet għażla tal-President li jkun hemm bidla fit-tmexxija tat-tim. Għaddejna ħames snin sbieħ immens. Naħseb fattur li wassal għall-firda kien li wara ħames snin kienet qed issir diffiċli nibqa’ ngħaddi l-ideat tiegħi lill-plejers. Bqajt, però, f’relazzjoni tajba ma’ Agnelli u mad-dinja Juventina.” Kliem ta’ Allegri fl-intervista mogħtija lil Sky ilbieraħ filgħaxija.
Matthew Scerri
L-ewwel paġni tal-gazzetti Taljani (22 ta’ Marzu 2021)
Qed inwasslulkom l-ewwel paġni tal-gazzetti Taljani tal-isports tal-lum it-22 ta’ Marzu 2021.
