L-ewwel paġni tal-gazzetti Taljani (10 ta’ April 2021)
Qed inwasslulkom l-ewwel paġni tal-gazzetti Taljani tal-isports tal-lum l-10 ta’ April 2021.
Bħal-lum fil-passat (10 ta’ April)
Fl-10 ta’ April 1960 Juventus ġabu fix-xejn lil Genoa b’rebħa kbira bl-iskor ta’ 2-6. Dakinhar għall-Bianconeri kienu protagonist Boniperti, Charles u Sivori.
Dybala-Juventus. Il-ftehim għall-kuntratt il-ġdid se jinstab?
Il-gowl li skurja kontra Napoli jaf ibiddel il-futur ta’ Dybala. Skont Tuttosport f’Mejju Juventus se jiltaqgħu mill-ġdid mal-aġent ta’ Dybala. L-offerta tal-Bianconeri hi ta’ 10 miljuni fis-sena u mhux se togħla. Dybala s’issa dejjem talab 15-il miljun fis-sena, biss jista’ jkun li finalment jaċċetta l-proposta Juventin. Dan l-għaliex, skont La Gazzetta dello Sport, Dybala ma tantx hu konvint li jingħaqad ma’ tim ieħor bi tpartit ma’ xi ħaddieħor (Icardi, Griezmann, Dembele jew Pogba). Ir-raġuni hi li Dybala jibża’ li ma jkunx fiċ-ċentru tal-proġett ma’ tim ieħor daqshekk hu ma’ Juventus.
Matthew Scerri
Juventus għandhom ftehim ma’ Sassuolo għal Traoré
Wieħed mill-ewwel plejers li x’aktarx Juventus se jkunu qed jixtru das-sajf hu Hamed Junior Traoré. Sassuolo se jkunu qed jixtruh għal kollox das-sajf mingħand Empoli. Juventus, min-naħa tagħhom, għandhom ftehim verbali ma’ Sassuolo biex jixtru lil Traoré mingħandhom għal 18-il miljun Ewro. Dis-sena Traoré kellu staġun mill-aqwa u għaldaqstant hu probabbli ferm li Juventus jixtruh.
Matthew Scerri
Uffiċjali: Dragusin ġedded il-kuntratt ma’ Juventus
Juventus ħabbru llum li Radu Dragusin iffirma kuntratt ġdid magħhom sal-2025. Diversi klabbs ikkuntattjaw lil Dragusin u ressqulu offerta. Madankollu r-rieda tiegħu minn dejjem kienet li jkompli jilbes il-flokk ta’ Juventus.
Matthew Scerri
Chiesa hu l-Aqwa Plejer ta’ Juventus-Napoli
Federico Chiesa ġie magħżul mill-qarrejja tal-website tagħna bħala l-Aqwa Plejer tal-partita bejn Juventus u SNapoli. Fil-votazzjoni li saret online hu kiseb 56% tal-voti, segwit minn Dybala b’19% u minn Buffon b’13% tal-voti. Grazzi lil kulmin ħa sehem!
Matthew Scerri
Chiellini r-raba’ plejer li lagħab l-aktar għal Juventus
Kontra Napoli Giorgio Chiellini lagħab il-partita numru 528 fil-karriera tiegħu bil-flokk ta’ Juventus f’partiti uffiċjali. Hu laħaq lil Furino fir-raba’ post tal-klassifika tal-plejers li lagħbu l-aktar għal Juventus f’kull żmien. It-tliet plejers li lagħbu iktar minn Chiellini u Furino huma: Del Piero (705), Buffon (682) u Scirea (552).
Matthew Scerri
It-timijiet interessati f’Castrovili
Minkejja l-istaġun ta’ Fiorentina kien wieħed mill-aktar deludenti, Gaetano Castrovili kompla juri t-talent tiegħu. Milan, Roma, Juventus u Atalanta jidhru li għadhom interessati ferm fih u skont Il Corriere dello Sport das-sajf se jagħmlu tentattiv biex jixtruh.
Matthew Scerri
L-ewwel paġni tal-gazzetti Taljani (9 ta’ April 2021)
Qed inwasslulkom l-ewwel paġni tal-gazzetti Taljani tal-isports tal-lum id-9 ta’ April 2021.
