Għall-ewwel darba Juventus jidhru disposti li jisimgħu l-offerti ta’ klabbs oħra għal Rodrigo Bentancur. L-Urugwajan ma jinsabx għall-bejgħ, biss, għall-kuntrarju tas-snin l-oħra, Juventus jidhru disposti jbigħuh jekk taslilhom l-offerta t-tajba. Skont Calciomercato.com, Juventus lest jilqgħu offerti li jibdew minn 35 miljun Ewro.
Matthew Scerri
Qed inwasslulkom l-ewwel paġni tal-gazzetti Taljani tal-isports tal-lum id-19 ta’ Marzu 2021.
Il-Ġimgħa 19 ta’ Marzu 2021, 8.45 p.m.
Parma-Genoa: Doveri
Is-Sibt 20 ta’ Marzu 2021, 3.00 p.m.
Crotone-Bologna: Fourneau
Is-Sibt 20 ta’ Marzu 2021, 6.00 p.m.
Spezia-Cagliari: Mariani
Is-Sibt 20 ta’ Marzu 2021, 8.45 p.m.
Inter-Sassuolo: Fabbri
Il-Ħadd 21 ta’ Marzu 2021, 12.30 p.m.
Verona-Atalanta: Pairetto
Il-Ħadd 21 ta’ Marzu 2021, 3.00 p.m.
Juventus-Benevento: Abisso
Udinese-Lazio: Maresca
Sampdoria-Torino: Orsato
Il-Ħadd 21 ta’ Marzu 2021, 6.00 p.m.
Fiorentina-Milan: Guida
Il-Ħadd 21 ta’ Marzu 2021, 8.45 p.m.
Roma-Napoli: Di Bello
Matthew Scerri
Inter-Sassuolo mhux se tintlagħab. Fil-fatt l-awtoritajiet tas-saħħa tal-belt ta’ Milan ordnaw kwarantina lit-tim kollu ta’ Inter wara li nstabu erba’ plejers pożittivi għall-Covid-19 (D’Ambrosio, Handanovic, De Vrij u Vecino). Skont l-ordni tal-ATS ta’ Milan, Inter iridu jwaqqfu kull attività sportiva sal-Ħadd 21 ta’ Marzu; ma jistgħux jilagħbu kontra Sassuolo nhar is-Sibt 20 ta’ Marzu; u l-plejers tagħhom ma jistgħux jingħaqdu mat-timijiet nazzjonali.
Matthew Scerri
Kollox jindika li Juventus se jiftħu negozjati ma’ Atalanta għall-akkwist ta’ Gosens. Hu meqjus bħala plejer ideali biex il-Bianconeri jkollhom sostitut validu għal Cuadrado u Alex Sandro, hekk kif dawn it-tnejn bdew jikbru. Gosens ilu sejjer tajjeb ma’ Atalanta u llum għandu valur ta’ madwar 35-40 miljun Ewro. Juventus għandhom relazzjonijiet tajba ferm ma’ Atalanta u qed jittamaw li jilħqu ftehim magħhom fuq bażi ta’ self bid-dritt li jixtruh għal kollox fl-istaġuni ta’ wara. Prattikament Juventus lesti jintrabtu li jixtru lil Gosens għal kollox, biss iridu ftehim bejn il-ħlas ikun imqassam fuq numru ta’ snin.
Matthew Scerri
Qed inwasslulkom l-ewwel paġni tal-gazzetti Taljani tal-isports tal-lum it-18 ta’ Marzu 2021.
Il-futur ta’ Memphis Depay għadu inċert immens. Juventus u Barcelona qed jittamaw li jiffirmawh b’xejn hekk kif f’Ġunju jintemmlu l-kuntratt ma’ O.Lyon. Madankollu mhuwiex ċert li l-Olandiż se jitlaq lil O.Lyon. Fil-fatt il-President tagħhom, Aulas, stqarr illum li għadu jittama li Depay jaċċetta l-proposta li ressqulu.
Matthew Scerri
Kien proprju fis-17 ta’ Marzu 1935 li Raimundo Orsi skorja l-aħħar gowl tiegħu bl-flokk ta’ Juventus (Juventus-Lazio 6-1). Hu kien l-istilla tat-tim Juventin fis-snin tal-ħames scudetti konsekuttivi (il-famuż Quinquennio d’oro). Orsi kien winger Arġentin magħruf għat-teknika, il-ħeffa u d-dribbling tiegħu. Jingħad li l-familja Agnelli xtratu wara li ġġennet warajh hekk kif fil-Logħob Olimpiku kiseb il-midalja tal-Fidda mall-Arġentina. Juventus xtrawh għal somma rekord għal dak iż-żmien: 100,000 Lira Taljana. L-akkwist tiegħu seħħ anki jekk fl-istaġun 1928/29 ma kienx permess li jiġu reġistrati barranin. Tant kienu jemmnu fih, li Juventus ħaduh u ħallewh sena jittrenja biss (b’paga kbira għal dak iż-żmien ta’ 8,000 Lira Taljana fix-xahar). Sena wara, imbagħad, Orsi seta’ jilgħab mal-Bianconeri. B’kollox libes il-flokk ta’ Juventus għal 177 partita b’total ta’ 77 gowl. Peress li hu kien ‘oriundo’, jiġifieri b’dixxendenti Taljani, seta’ jilgħab għall-Italja u fl-1934 rebaħ it-Tazza tad-Dinja mal-Azzurri, wara li skorja fil-finali kontra ċ-Ċekoslovakkja.
Matthew Scerri
Qed inwasslulkom l-ewwel paġni tal-gazzetti Taljani tal-isports tal-lum is-17 ta’ Marzu 2021.
Chelsea u Tottenham huma lesti joffru 55 miljun Ewro għal Paulo Dybala skont France Football u The Sun. Il-prezz ta’ Dybala qed jitbaxxa peress li hu għandu kuntratt ma’ Juventus li jiskadi fl-2022. Konvinti li jekk Dybala mhuwiex se jiffirma kuntratt ġdid ma’ Juventus fix-xahrejn li ġejjin, se nqattgħu sajf sħiħ nisimgħu b’timijiet interessati li jiksbuh. Min-naħa tagħna nemmnu li Dybala ħaqqu kuntratt ġdid ma’ Juventus (speċjlament meta tqis li hu dejjem stqarr li ma jridx jitlaq) u, fuq kollox, li tkun ħaġa stupida immens li Juventus jirriskjaw li jitilfuh b’xejn sena u nofs oħra.
Matthew Scerri