Sky ħadu kumment mingħand l-aġent Giovanni Branchini li kkonferma li O. Lyon huma intenzjati li jixtru għal kollox lil Mattia De Sciglio. Madankollu, O. Lyon qed iħossu l-kriżi finanzjarja u jaf ma jkollhomx ir-riżorsi biex jixtruh għal kollox fis-sajf.
Matthew Scerri
Sal-mument li fih qegħdin niktbu għad m’hemm l-ebda konferma min-naħa ta’ Juventus. Madankollu diversi sorsi qed jirrapurtaw li Merih Derimal ittestja pożittiv għall-Covid-19. Hu għaldaqstant se jitlef żgur il-partiti fl-għaxart ijiem li jmiss kontra Torino, Napoli u Genoa.
Matthew Scerri
Qed inwasslulkom l-ewwel paġni tal-gazzetti Taljani tal-isports tal-lum il-31 ta’ Marzu 2021.
“S’issa mhemmx ħjiel li se jirtira.” L-aġent Davide Lippi kien ċar fi kliemu dwar il-futur ta’ Giorgio Chiellini. Skontu s’issa m’hemmx taħdidiet ma’ Juventus sabiex Chiellini jiffirma kuntratt ġdid mal-Bianconeri. Lippi sostna li hu diffiċli li wieħed jimmaġina lil Chiellini bi flokk ieħor, biss żied li jekk plejer professjonali jħoss li għandu jkompli jilgħab, m’għandux għalfejn ma jikkunsidrax offerti oħra.
Matthew Scerri
Il-filmat tal-lum joħodna lura għall-1985. Il-partita hi Derby li ntemm b’rebħa Bianconera bl-iskor ta’ 0-2. Interessanti li fl-istorja nsibu li ntlagħbu b’kollox tliet derbies li ntlagħbu fil-31 ta’ Marzu (apparti l-partita tal-filmat, kellna anki żewġ draws: 1-1 fl-1974 u 2-2 fl-1993, b’din tal-aħħar tkun partita tal-Coppa Italia).
Aħbarijiet tajba mill-JTC tal-Continassa hekk kif illum kemm Dybala kif ukoll Ramsey ittrenjaw mal-bqija ta’ sħabhom. Dan ifisser li huma rkupraw għall-kollox mill-injuries tagħhom u se jkunu għad-dispożizzjoni ta’ Pirlo nhar is-Sibt.
Matthew Scerri
F’dawn is-sigħat hemm tħassib kbir għall-fatt li fi ħdan it-tim nazzjonali Pollakk instabu erba’ plejers pożittivi għall-Covid-19. Il-plejers li ħadu l-virus huma: Krychowiak, Piątkowski, Skorupski u Klich. Juventus qed jittamaw li Szczesny ma jiħux il-virus. Tajjeb infakkru li għad-Derby ta’ nhar is-Sibt hemm diġà nieqes Buffon għax sospiż.
Matthew Scerri
Sakemm inkunu nafu verament x’se jagħmel Buffon is-sena d-dieħla, jidher li Juventus diġà bdew jaħsbu dwar il-gowler tal-futur. Il-Bianconeri jinsabu f’taħdidiet ma’ Udinese biex jiksbu lil Manuel Gasparini (19-il sena). Hu mistenni jingħaqad ma’ Juventus u jitħalla b’self ma’ Udinese.
Matthew Scerri
Tkompli t-tfittxija ta’ talenti żgħażagħ min-naħa ta’ Juventus. Allegatament Paratici u n-nies tiegħu bħalissa qed isegwu mill-qrib lil Kang-In Lee ta’ Valencia. Il-kuntratt tiegħu jiskadi fl-2022 u x’aktarx li das-sajf hu se jkun qed jingħaqad ma’ klabb ieħor. Juventus lesti jixtruh bi ftehim ma’ klabb ieħor fejn Lee jkun jista’ jilgħab għal sena jew tnejn sakemm joħroġ il-potenzjal kollu tiegħu.
Matthew Scerri
Qed inwasslulkom l-ewwel paġni tal-gazzetti Taljani tal-isports tal-lum it-30 ta’ Marzu 2021.
