Ivvota għall-Aqwa Plejer ta’ Juventus-Benevento
Segwi dil-ħolqa biex tivvota għall-Aqwa Plejer ta’ Juventus-Benevento:
https://app.ex.co/stories/juveky10/ivvota-g-all-aqwa-plejer-ta-juventus-benevento
Juventus-Benevento 0-1
Telfa li tista’ titqies bħala l-abdikazzjoni ta’ Juventus. Iċ-champions renjanti għal disa’ snin sħaħ illum tilfu l-aħħar ċans biex jidħlu bl-opportunità li jirbħu l-kampjonat. Kif ktibna drabi oħra, Juventus kellhom kollox fuq il-karta biex jirbħu l-kampjonat anki dis-sena, biss fil-grawnd rarissimu wrew li huma aħjar mill-avversarji. Fi seba’ xhur Pirlo ma rnexxilu jibni tim. Il-kwalità tal-logħob kważi dejjem kienet fjakka u f’ħafna partiti t-tim żbalja totalment l-approċċ għall-partita. Kontra tim ta’ kwalità baxxa bħal Benevento, Juventus kisbu biss punt f’żewġ partiti (u ma kienx ħaqqhom iktar minn hekk!). Xbajna naraw tim jilgħab ħażin, plejers iqassmu ħażin u jagħmlu żbalji li lanqas it-tfal iż-żgħar ma jagħmlu. Juventus dis-sena ma ħaqqhomx jirbħu l-kampjonat għal dak li wrew illum u fil-maġġor parti tal-partiti ta’ dis-sena!
JUVENTUS-BENEVENTO 0-1
Skurja: Gaich (B)
Juventus (4-4-2): Szczesny; Danilo, Bonucci, De Ligt, Bernardeschi; Chiesa, Arthur (Bentancur), Rabiot (McKennie), Kulusevski; Morata, Cristiano Ronaldo. Kowċ: Pirlo.
Benevento (3-5-2): Montipò; Tuia, Barba, Caldirola; Improta, Hetemaj (Dabo) , Viola, Ionita, Foulon (Tello); Lapadula (Caprari), Gaich (Di Serio). Kowċ: Inzaghi.
Referee: Abisso.
Karti sofor: Tuia (B), Bernardeschi (J), Barba (B), Tello (B), Bentancur (J).
Matthew Scerri
Uffiċjali: Kif se jibdew Juventus u Benevento
Juventus (4-4-2): Szczesny; Danilo, Bonucci, De Ligt, Bernardeschi; Chiesa, Arthur, Rabiot, Kulusevski; Morata, Cristiano Ronaldo.
Benevento (3-5-2): Montipò; Tuia, Barba, Caldirola; Improta, Hetemaj, Viola, Ionita, Foulon; Lapadula, Gaich.
De Sciglio: “Nixtieq nibqa’ ma’ O. Lyon”
F’kumment mogħti lil 20 Minutes, Mattia De Sciglio stqarr li x-xewqa tiegħu hi li jibqa’ ma’ O. Lyon, għalkemm sostna wkoll li d-deċiżjoni finali se tittieħed min-naħa ta’ Juventus. De Sciglio kkonferma wkoll li fil-passat kien qrib li jingħaqad ma’ PSG bi tpartit ma’ Kurzawa biss imbagħad kollox sfaxxa fix-xejn fuq deċiżjoni ta’ Juventus.
Matthew Scerri
L-ewwel paġni tal-gazzetti Taljani (21 ta’ Marzu 2021)
Qed inwasslulkom l-ewwel paġni tal-gazzetti Taljani tal-isports tal-lum il-21 ta’ Marzu 2021.
Il-plejers Juventini mgħajta għall-partita kontra Benevento
Rodrigo Bentancur reġa’ ġie mgħajjat minn Pirlo wara li fieq mill-Covid, filwaqt li anki Buffon irkupra mill-injury li żammu ‘l bogħod mill-azzjoni fl-aħħar jiem.
Il-plejers kollha mgħajta minn Pirlo għall-partita kontra Benevento huma:
Gowlers: Szczesny, Pinsoglio, Buffon;
Difensuri: Chiellini, De Ligt, Danilo, Bonucci, Di Pardo, Dragusin, Frabotta;
Plejers ta’ nofs il-grawnd: Arthur, McKennie, Chiesa, Rabiot, Bentancur, Bernardeschi, Fagioli, Kulusevski;
Attakkanti: Ronaldo, Morata.
Matthew Scerri
Kif x’aktarx se jilagħbu Juventus u Benevento
Juventus (4-4-2): Szczesny; Danilo, Bonucci, De Ligt, Bernardeschi; Kulusevski, Arthur, Rabiot, Chiesa; Morata, Ronaldo.
Benevento (4-3-2-1): Montipò; Improta, Tuia, Caldirola, Barba; Tello, Hetemaj, Viola; Ionita, Caprari, Lapadula.
Sors: Sky
Ronaldo u Girelli huma l-Aqwa Plejers għall-istaġun 2019/20
Cristiano Ronaldo ġie ppremjat waqt il-Gran Galà del Calcio bħala l-Aqwa Plejer tas-Serie A għall-istaġun 2019/20. Cristiana Girelli ta’ Juventus Women hi l-Aqwa Plejer tas-sena fost in-nisa. Bonucci u Dybala jiffurmaw parti mit-tim tas-sena tal-irġiel.
L-Aqwa Ħdax tal-Irġiel: Donnarumma, Theo Hernandez, De Vrij, Bonucci, Gosens; Barella, Gomez, Luis Alberto; Dybala, Immobile, Cristiano Ronaldo. Kowċ: Gasperini.
L-Aqwa Ħdax tan-Nisa: Laura Giuliani (Juventus), Alia Guagni (Atletico Madrid), Linda Sembrant (Juventus), Lisa Boattin (Juventus), Elisa Bartoli (Roma), Aurora Galli (Juventus), Manuela Giugliano (Roma), Valentina Cernoia (Juventus), Daniela Sabatino (Sassuolo), Tatiana Bonetti (Fiorentina), Cristiana Girelli (Juventus).
Ingħataw premijiet anki lil Atalanta bħala l-Aqwa Klabb tas-Sena, kif ukoll lil Daniele Orsato li ġie magħżul bħala l-Aqwa Referee.
Matthew Scerri