Alvaro Morata llum ma ttrenjax minħabba li għad għandu problemi ta’ saħħa b’rabta ma’ virus li ilu jkiddu ftit tal-jiem. Hu ngħata l-mistrieħ bit-tama li jfieq għal kollox u jkun jista’ jerġa’ jilgħab fl-attakk Juventin flimkien ma’ Ronaldo.
Matthew Scerri
Se jkun interessanti ħafna li naraw b’liema soluzzjoni se joħroġ Pirlo hekk kif għall-partita kontra Verona mhux se jkollu la lil Cuadrado u wisq inqas lil Danilo. M’hemmx iktar plejers li jistgħu jilagħbu f’dik il-pożizzjoni għajr Ragusin. Xi siti mhux jeskludu li Pirlo jista’ jagħżel li jibdel is-sistema ta’ logħob għal 3-5-2, b’Demiral, De Ligt u Alex Sandro fuq wara. Jidhru inqas realistiċi l-ideat li Alex Sandro jista’ jilgħab fuq il-lemin jew li McKennie jintuża bħala full-back mal-linja l-leminija.
Matthew Scerri
Qed inwasslulkom l-ewwel paġni tal-gazzetti Taljani tal-isports tal-lum l-24 ta’ Frar 2021.
Diversi klabbs importanti qed isegwu mill-qrib lil Florian Neuhaus ta’ Borussia Moenchengladbach. Il-plejer ta’ nofs il-grawnd hu wieħed minn dawk li l-aktar impressjona dis-sena u qed jattira fuqu l-interess ta’ klabbs kbar. Fost dawn, il-Liverpool Echo jsemmi anki lil Juventus. Apparti l-Bianconeri jriduh anki Liverpool, Borussia Dortmund u Bayern Munich.
Matthew Scerri
Cristiano Ronaldo ġie magħżul mill-qarrejja tal-website tagħna bħala l-Aqwa Plejer tal-partita bejn Juventus u Crotone. Fil-votazzjoni li saret online hu kiseb 39% tal-voti, segwit minn Chiesa b’38% tal-voti, filwaqt li fit-tielet post insibu lil Danilo b’8% tal-voti. Grazzi lil kulmin ħa sehem!
Matthew Scerri
Qed inwasslulkom ġabra ta’ ritratti tal-aqwa mumenti tal-partita Juventus-Crotone. Din il-photogallery hi magħmula minn ritratti li ġew ippubblikati fil-websajt ta’ Juventus.
Sors: Juventus.com
Qed inwasslulkom l-ewwel paġni tal-gazzetti Taljani tal-isports tal-lum it-23 ta’ Frar 2021.
Tliet punti oħra miksuba minn Juventus fil-kampjonat. Minkejja numru kbir ta’ plejers neqsin, it-tim ta’ Pirlo rnexxilu did-darba jegħleb lil Crotone b’wirja tajba. Il-Juventus tal-lejla kienu attenti, organizzati, kompatti u mentalment ippreparati sew għal dil-partita. Kienu Juventus ferm differenti minn dawk li rajna kontra Napoli u, fuq kollox, Porto. Jekk Juventus jagħrfu jilagħbu hekk dejjem minn issa sa tmiem il-kampjonat, ninsabu ċerti li għandhom kollox biex jiġġieldu għar-rebħ tal-kampjonat. Iridu jilagħbu bħal-lejla imma, mingħajr in-nuqqasijiet li rajna kemm-il darba f’dan l-istaġun.
JUVENTUS-CROTONE 3-0
Skurjaw: 2 Ronaldo (J), McKennie (J)
Juventus (4-4-2): Buffon; Danilo, Demiral, De Ligt, Alex Sandro (Frabotta); Chiesa (Di Pardo), Bentancur (Fagioli), McKennie, Ramsey (Bernardeschi); Kulusevski (Morata), Ronaldo. Kowċ: Pirlo.
Crotone (4-4-2): Cordaz; Pedro Pereira, Magallan, Golemic, Luperto (Marrone); Messias, Molina (Zanellato), Vulic, Reca (Rispoli); Ounas (Simy), Di Carmine (Riviere). Kowċ: Stroppa.
Referee: Marini.
Karti sofor: Ramsey (J), Danilo (J), Marrone (C), Frabotta (J).
Matthew Scerri