Ivvota għall-Aqwa Plejer ta’ Juventus-Crotone
Segwi dil-ħolqa biex tivvota għall-Aqwa Plejer ta’ Juventus-Crotone:
https://app.ex.co/stories/juveclubm10/story-2-22-2021-10-28-54-pm-
Rekord Ewropew għal Buffon
Kontra Crotone Gigi Buffon lagħab il-partita numru 654 fil-karriera tiegħu fis-Serie A. Dan mhuwiex biss rekord għall-Italja, imma għall-aqwa ħames kampjonati Ewropej. Fil-fatt ħadd fl-Ingilterra, l-Italja, Spanja l-Ġermanja u Franza ma lagħab daqsu f’kull żmien. Sal-lejla r-rekord kien qed jaqsmu ma’ Gareth Barry li lagħab 653 partita fil-Premier League. Issa, madankollu, Buffon sar ir-recordman ta’ kull żmien b’654 partita fil-kampjonat domestiku.
Matthew Scerri
Paratici jitkellem dwar il-kuntratt il-ġdid ta’ Dybala
“Il-kuntratt ta’ Dybala? Tkellimna, qegħdin nitkellmu u se nkomplu nitkellmu fil-jiem u fix-xhur li ġejjin.” Kliem ta’ Fabio Paratici qabel Juventus-Crotone. Kliem li jixhed li l-partijiet qed jiddiskutu imma li ninsabu ftit ‘il bogħod għalissa milli jinstab il-ftehim biex Dybala jiffirma kuntratt ġdid mal-Bianconeri.
Matthew Scerri
Danilo se jkun sospiż għall-partita kontra Verona
Il-karta safra li Danilo qala’ kontra Crotone se tfisser li hu se jkun sospiż kontra Verona. Hu kien fil-lista tad-diffidati u għaldaqstant bil-karta s-safra li qala’ awtomatikament se jkun sospiż għal partita waħda.
Matthew Scerri
Uffiċjali: Kif se jibdew Juventus u Crotone
Juventus (4-4-2): Buffon; Danilo, Demiral, De Ligt, Alex Sandro; Chiesa, Bentancur, McKennie, Ramsey; Kulusevski, Ronaldo.
Crotone (4-4-2): Cordaz; Pedro Pereira, Magallan, Golemic, Luperto; Messias, Molina, Vulic, Reca; Ounas, Di Carmine
Juventus u Inter f’kuntatt ma’ Aguero
Skont El Chiringuito Juventus u Inter kellhom kuntatti ma’ Sergio Aguero li għandu kuntratt ma’ Manchester City li wasal biex jintemm. Fuqu hemm anki interess min-naħa ta’ Barcellona.
Matthew Scerri
Il-plejers mgħajta għal Juventus-Crotone
Il-plejers mgħajta minn Pirlo għal Juventus-Crotone huma:
GOWLERS: Szczesny, Pinsoglio, Buffon
DIFENSURI: De Ligt, Alex Sandro, Danilo, Demiral, Di Pardo, Dragusin, Frabotta
PLEJERS TA’ NOFS IL-GRAWND: Ramsey, McKennie, Chiesa, Bentancur, Bernardeschi, Fagioli, Kulusevski, Peeters
ATTAKKANTI: Ronaldo, Morata
Matthew Scerri
L-ewwel paġni tal-gazzetti Taljani (22 ta’ Frar 2021)
Qed inwasslulkom l-ewwel paġni tal-gazzetti Taljani tal-isports tal-lum it-22 ta’ Frar 2021.
Min se jilgħab minflok Arthur kontra Crotone?
Arthur se jitlef Juventus-Crotone peress li għadu ma fieqx. F’nofs il-grawnd Pirlo għadu indeċiż dwar min se jilgħab minfloku. Fil-konferenza tal-aħbarijiet tal-lum, Pirlo stqarr li għadu jrid jiddeċiedi min se jmexxi n-nofs il-grawnd ta’ Juventus kontra Crotone. Hu semma tliet plejers: Ramsey, Bentancur u Fagioli. Dan tal-aħħar qed ikun imsemmi minn diversi siti bħala l-playmaker ta’ Juventus fil-partita kontra Crotone. Bentancur, fil-fatt, iddeluda kemm-il darba f’dik il-pożizzjoni, filwaqt li Ramsey jilgħab aħjar meta jkun aktar avvanzat. Fagioli, għaldaqstant, jista’ jkun jingħata ċ-ċans li jibda mill-ewwel minuta.
Matthew Scerri
Kif x’aktarx se jilagħbu Juventus u Crotone
Juventus (4-4-2): Buffon; Danilo, Demiral, De Ligt, Alex Sandro; Chiesa, Bentancur, McKennie, Ramsey; Kulusevski, Ronaldo.
Crotone (3-5-2): Cordaz; Djidji, Marrone, Magallan; Pereira, Messias, Cigarini, Petriccione, Reca; Ounas, Di Carmine.
Sors: Sportmediaset