L-ewwel paġni tal-gazzetti Taljani (1 ta’ Marzu 2021)
Qed inwasslulkom l-ewwel paġni tal-gazzetti Taljani tal-isports tal-lum l-1 ta’ Marzu 2021.
Il-prezz ta’ Locatelli
Il-konkorrenza għall-akkwist ta’ Manuel Locatelli qed tiħrax hekk kif apparti Juventus, hemm anki Real Madrid u Manchester City li qed juru interess fih. Sassuolo qed ikomplu jitolbu 40 miljun Ewro għalih.
Matthew Scerri
Pirlo u Ronaldo jridu lil Varane ma’ Juventus
Fl-aħħar jumejn Don Balon kitbu ħafna dwar interess ta’ Juventus f’Raphael Varane. L-ewwel intqal li kien Pirlo li talab l-akkwist tiegħu u issa qed jinkiteb ukoll li Ronaldo qed jagħmel pressjoni biex Varane jingħaqad ma’ Juventus. Il-prezz tiegħu, però, hu tassew għoli: 50 miljun Ewro.
Matthew Scerri
Ir-riżultati tal-partiti tal-24 Ġurnata tas-Serie A
Is-Sibt 27 ta’ Frar 2021, 3.00 p.m.
Spezia-Parma 2-2
Is-Sibt 27 ta’ Frar 2021, 6.00 p.m.
Bologna-Lazio 2-0
Is-Sibt 27 ta’ Frar 2021, 8.45 p.m.
H.Verona-Juventus 1-1
Il-Ħadd 28 ta’ Frar 2021, 12.30 p.m.
Sampdoria-Atalanta 0-2
Il-Ħadd 28 ta’ Frar 2021, 3.00 p.m.
Crotone-Cagliari 0-2
Inter-Genoa 3-0
Udinese-Fiorentina 1-0
Il-Ħadd 28 ta’ Frar 2021, 6.00 p.m.
Napoli-Benevento 2-0
Il-Ħadd 28 ta’ Frar 2021, 8.45 p.m.
Roma-Milan 1-2
L-Erbgħa 17 ta’ Marzu 2021, 3.00 p.m.
Torino-Sassuolo 3-2
Matthew Scerri
L-ewwel paġni tal-gazzetti Taljani (28 ta’ Frar 2021)
Qed inwasslulkom l-ewwel paġni tal-gazzetti Taljani tal-isports tal-lum it-28 ta’ Frar 2021.
Se jkun imġedded is-self ta’ Morata
Skont Calciomercato.com hu probabbli li fis-sajf Juventus ma jixtruh lil Morata għal kollox u minflok jużaw id-dritt li jġeddu s-self għal sena oħra bil-ħlas ta’ 10 miljuni oħra. Għandna nifhmu li dan se jkun qed issir minħabba li Juventus għandhom xi dubji dwar l-valur ta’ Morata. Nafu, imma, li d-dejn tal-klabb u d-dħul limitat li l-klabb qed ikollu b’rabta mal-Covid-19, Juventus iridu jkunu iktar prudenti fl-investimenti tagħhom. Fi kliem ieħor Juventus jippreferu jġeddu s-self għax ikun ifisser li s-sena d-dieħla tidher fl-accounts tagħhom is-somma ta’ 10 miljuni biss u mhux somma ikbar għax-xiri tal-attakkant Spanjol.
Matthew Scerri
Verona-Juventus 1-1
Juventus kisbu punt f’dar Verona. Il-wirja Bianconera reġgħet kienet simili għal dawk li rajna fl-aħħar ħarġiet. It-tim qed jagħżel li jikkontrolla kemm jista’ l-logħba u jagħlaq l-ispazji fuq wara għall-avversarji. B’dan l-istil ta’ logħob Juventus qed ikunu xi ftit difensivisti żżejjed u allura l-attakk qed ibati xi ftit. It-im mhuwiex jilgħab ħażin, biss nemmnu li Pirlo jista’ jagħti xejra kemxejn iktar offensiva lit-tim. Veru li hemm ħafna plejers importanti barra bħalissa u li fl-attakk prattikament għandna lil Ronaldo biss, però partiti bħal dik tal-lejla trid tirbaħha akkost ta’ kollox jekk trid verament jimmira għar-rebħ tal-kampjonat. Li nibqgħu naraw l-istess affarijiet ġimgħa wara l-oħra ma jixhed xejn tajjeb għall-kumplament tal-istaġun. Mentalment it-tim dis-sena jidher li ħa daqqa lura. L-inkonsistenza, in-nuqqas ta’ playmaker u l-iżbalji meta ntellgħu l-ballun minn wara huma l-leitmotiv ta’ dan l-istaġun. Jekk irrid nagħtu żvolta lill-istaġun, Pirlo jrid jara kif se jsolvi malajr kemm jista’ jkun dal-problemi.
VERONA-JUVENTUS 1-1
Skurjaw: Ronaldo (J), Barak (V)
Verona (3-4-2-1): Silvestri; Magnani, Gunter, Lovato; Faraoni (Dawidowicz), Ilic (Veloso), Sturaro (Vieira, Dimarco (Lazovic); Barak, Zaccagni (Bessa); Lasagna. Kowċ: Juric.
Juventus (3-5-2): Szczesny; Demiral, De Ligt, Alex Sandro; Chiesa, Bentancur, Rabiot, Ramsey (McKennie), Bernardeschi; Kulusevski, Cristiano Ronaldo. Kowċ: Pirlo.
Referee: Maresca.
Karti sofor: Ramsey (J), De Ligt (J) Barak (V), Dawidowicz (V).
Matthew Scerri