L-ewwel paġni tal-gazzetti Taljani (17 ta’ Jannar 2021)
Qed inwasslulkom l-ewwel paġni tal-gazzetti Taljani tal-isports tal-lum is-17 ta’ Jannar 2021.
Bħal-lum fil-passat: 17 ta’ Jannar 1996 Juve jirbħu l-ewwel Super Cup tal-Italja
Fis-17 ta’ Jannar 1996 Juventus rebħu għall-ewwel darba fl-istorja tagħhom is-Super Cup tal-Italja.
Kif x’aktarx se jilagħbu Inter u Juventus
Inter (3-5-2): Handanovic; Skriniar, De Vrij, Bastoni; Hakimi, Barella, Brozovic, Vidal, Young; Martinez, Lukaku.
Juventus (4-4-2): Szczesny; Danilo, Bonucci, Chiellini, Frabotta; Chiesa, McKennie, Bentancur, Ramsey; Morata, Ronaldo.
Sors: Sportmediaset
Aktar każijiet ta’ Covid-19 fit-tim Under 23 ta’ Juventus
Żewġ membri tal-istaff ta’ Juventus Under 23 instabu pożittivi għall-Covid-19. Kif jitlob il-protokoll tal-FIGC, it-tim kollu jinsab f’iżolament ‘fiduciario’.
Matthew Scerri
Locatelli fil-mira ta’ Manchester City
Manuel Locatelli jinsab fil-mira ta’ Manchester City. Fil-jiem li għaddew it-tim ta’ Guardiola għamel kuntatt ma’ Sassuolo bil-għan li jakkwistat Locatelli. Sassuolo, però, mhux se jitilquh minn idejhom qabel is-sajf. Skotnt xi siti Locatelli ma jridx jingħaqad ma’ Sassuolo peress li ta l-kelma tiegħu lil Juventus li fis-sajf se jingħaqad magħhom. Il-konkorrenza ta’ Manchester City tista’ twassal biex jogħla l-prezz ta’ Locatelli. Infakkru li fis-sajf li għadda Sassuolo kienu qed jitolbu 40 miljun Ewro għalih.
Matthew Scerri
Coccolo lejn self ma’ Cremonese
Luca Coccolo mistenni jitlaq lil Juventus Under 23 fis-sigħat li ġejjin biex jingħaqad b’self ma’ Cremonese. Il-kowċ ta’ Cremonese hu Fabio Pecchia li s-sena li għaddiet kien imexxi lil Juventus Under 23 u jidher li kien hu stess li talab li Coccolo jingħaqad ma’ Cremonese.
Matthew Scerri
Giroud, Pellé u Scamacca. Negozjati mhux faċli
Fabio Paratici jinsab attiv ferm biex jagħti attakkant ieħor lil Andrea Pirlo. L-affarijiet f’dan l-istadju ma tantx jidhru sbieħ. Fil-fatt skont Calciomercato.com Juventus għamlu tentattiv ieħor ma’ Chelsea biex jiksbu lil Giroud, biss l-Ingliżi ma jridux iħalluh jitlaq. Pellé, imbagħad, mhux lest jiffirma għal sitt xhur biss u qed jitlob kuntratt ta’ sena u nofs, ħaġa li Juventus ma jixtiqux. Jifdal, għaldaqstant, Scamacca li għandu prezz għoli. Juventus u Sassuolo jidhru li lesti jilħqu ftehim għal self ta’ sena u nofs. Il-problema tibqa’ li Sassuolo jridu li Juventus ikollhom l-obbligu li jixtruh għal kollox, filwaqt li l-Bianconeri jridu li jkollhom id-dritt mingħajr ebda obbligu. Qed ikun irrapurtat li Sassuolo talbu lil Dragusin fil-ftehim, imma Juventus ma aċċettawx.
Matthew Scerri
L-ewwel paġni tal-gazzetti Taljani (16 ta’ Jannar 2021)
Qed inwasslulkom l-ewwel paġni tal-gazzetti Taljani tal-isports tal-lum is-16 ta’ Jannar 2021.
Bħal-lum fil-passat: 16/1/1985 Juventus jirbħu s-Super Cup tal-Ewropa
36 sena ilu bħal-lum Juventus rebħu għall-ewwel darba s-Super Cup tal-Ewropa. Kien proprju fis-16 ta’ Jannar 1985 li Juventus laqghu f’darhom lil Liverpool f’partita li ntlagħbet minkejja l-ħafna silġ kesa l-pitch. U dakinhar l-eroj ta’ Juventus kien Zibi Boniek, il-‘Bello di notte’, li skorja d-doppjetta deċiżiva għall-Bianconeri.