Adrien Rabiot se jkun sospiż kontra Udinese. Hu fil-fatt kellu jiskonta partita sospensjoni kontra Napoli f’Ottubru li għadda. Peress li l-partita kienet ingħatat bħala walkover, kien tqis li Rabiot skonta s-sospensjoni. Issa, però, li l-partita ta’ Napoli se jkollha tintlagħab, Rabiot se jkun sospiż għall-partita li jmiss, dik kontra Udinese.
Matthew Scerri
Il-Collegio di Garanzia tal-CONI laqa’ r-rikors imressaq minn Napoli u qata’ l-Appell favurihom. Juventus-Napoli se jkollha tintlagħab. Napoli ngħataw lura l-punt li ttiħdilhom fil-klassifika. S’issa għadu mhux magħruf meta se tintlagħab Juventus-Napoli. Li hu żgur hu li qed nassistu għas-soltu teatrin Taljan fejn sentenzi jinqalbu ta’ taħt fuq. Hu gravissimu li l-FIGC naqset milli tipprovdi d-dokumenti b’rabta mal-każ u lanqas biss dehret fis-smigħ tal-Appell. Juventus ukoll naqsu milli jidhru, u għaldaqstant l-Collegio di Garanzia sema’ biss il-verżjoni ta’ Napoli.
Matthew Scerri
Il-Procura tal-FIGC fetħet inkjest dwar l-allegata dagħwa ta’ Buffon fil-grawnd waqt Parma-Juventus. L-Imħallef tal-Isports ma ħax passi kontra Buffon dil-ġimgħa minħabba li fir-rapport tar-referee ma hemm ebda indikazzjoni dwar dan l-episodju. Issa l-Procura Federale trid tistabilixxi jekk verament intqalitx did-dagħwa u eventwalment tara huwiex il-każ li jittieħdu passi dixxiplinari.
Matthew Scerri
Illum qed jinstema’ l-Appell imressaq minn Napoli b’rabta mas-sentenza ta’ telfa walkover kontra Juventus u punt imnaqqas fil-klassifika. Illjela stess hu probabbli li nkunu nafu kif inqatgħet is-sentenza.
Matthew Scerri
Il-plejers mgħajta minn Pirlo għall-partita tal-lejla kontra Fiorentina huma:
Gowlers: Szczesny, Pinsoglio, Buffon.
Difensuri: Chiellini, De Ligt, Alex Sandro, Danilo, Cuadrado, Bonucci, Dragusin, Frabotta.
Plejers ta’ nofs il-grawnd: Ramsey, McKennie, Chiesa, Rabiot, Bentancur, Bernardeschi, Portanova, Kulusevski.
Attakkanti: Ronaldo, Morata, Dybala, Da Graca.
Matthew Scerri
Ronaldo ġie magħżul mill-qarrejja tal-website tagħna bħala l-Aqwa Plejer tal-partita bejn Parma u Juventus. Fil-votazzjoni li saret online hu kiseb 39% tal-voti, segwit minn Bentancur b’29% tal-voti, filwaqt li fit-tielet post insibu lil De Ligt b’10% tal-voti. Grazzi lil kulmin ħa sehem.
Matthew Scerri
Qed inwasslulkom l-ewwel paġni tal-gazzetti Taljani tal-isports tal-lum it-22 ta’ Diċembru 2020.
Juventus (4-4-2): Szczesny; Cuadrado, Bonucci, De Ligt, Danilo; McKennie, Bentancur, Rabiot, Chiesa; Morata, Ronaldo.
Fiorentina (3-5-2): Dragowski; Milenkovic, Pezzella, Caceres; Venuti, Bonaventura, Amrabat, Castrovilli, Biraghi; Vlahovic, Ribery.
Sors: Sky