Bħal-lum fil-passat (18 ta’ Jannar)
Fis-sena 2004, proprju bħal-lum it-18 ta’ Jannar, fl-Istadio Delle Alpi Juventus kienu laqgħu lil Siena. Il-grawnd kien miksi bis-silġ, biss dan ma waqqafx lit-tim formidabbli ta’ Juventus milli jikseb rebħa kbira. L-iskor finali tal-partita kien ta’ 4-2, b’hattrick ta’ Del Piero u gowl ieħor ta’ Trezeguet.
Inter-Juventus bir-ritratti
Qed inwasslulkom ġabra ta’ ritratti tal-aqwa mumenti tal-partita Inter-Juventus. Din il-photogallery hi magħmula minn ritratti li ġew ippubblikati fil-websajt ta’ Juventus.
Sors: Juventus.com
Ivvota għall-Aqwa Plejer ta’ Inter-Juventus
Segwi dil-ħolqa biex tivvota għall-Aqwa Plejer ta’ Inter-Juventus:
https://app.ex.co/stories/jcvmam10/ivvota-g-all-aqwa-plejer-ta-inter-juventus
Inter-Juventus 2-0
Inter kien ħaqqhom jirbħu u daqshekk. Illum kien hemm wisq neqsin u ma naħsibx li stajna nistennew xi ħaġa aħjar. Li hu żgur hu li minkejja d-difetti (is-soltu storja tal-aħħar tliet snin: midfield u full-backs) xorta waħda għandna tim tajjeb biżżejjed għall-Italja, però fil-grawnd ilna nuru li ma ħaqqniex nirbħu. Pirlo kien riskju żejjed għax dat-tim għandhom bżonn kowċ ta’ esperjenza mhux wieħed li għadu jibda. Id-difiża tagħmel żbalji tat-tfal iż-żgħar u taqla’ gowls bl-addoċċ. Nofs il-grawnd inkonsistenti wisq u spiss bla personalità. Dan kollu rajnieh mhux illum biss meta konna nofs tim kontra Inter. Rajnieh kontra timijiet ta’ livell baxx bħal Crotone, Benevento u Fiorentina. Mhux biżżejjed li tilgħab tajjeb kontra Milan, Lazio jew Atalanta. Kif dejjem għidna biex tirbaħ trid sensiela ta’ rebħiet konsekuttivi imma dis-sena t-tim ta’ Pirlo ma kellux konsistenza. Ħafna partiti rbaħnihom bil-klassi tal-istilel tat-tim aktar milli bl-ideat tal-logħob tat-tim. Nisperaw li l-folja ddur malajr kemm jista’ jkun u forsi jsiru xi akkwisti fil-jiem li ġejjin bil-għan li dat-tim ikun jista’ jqum fuq saqajh.
INTER-JUVENTUS 2-0
Skurjaw: Vidal (I), Barella (I)
Inter (3-5-2): Handanovic; Skriniar, de Vrij, Bastoni; Hakimi, Barella, Brozovic, Vidal (Gagliardini), Young (Darmian); Lukaku, Lautaro (Sanchez). Kowċ: Conte.
Juventus (3-5-2): Szczesny; Danilo, Bonucci, Chiellini; Chiesa, Rabiot (McKennie), Bentancur, Ramsey (Kulusevski), Frabotta (Bernardeschi); Morata, Ronaldo. Kowċ: Pirlo.
Referee: Doveri
Karti sofor: Bonucci (J), Young (I), Morata (J), Barella (I).
Matthew Scerri
Il-bewsa ta’ Vidal
Qabel bdiet Inter-Juventus, Giorgio Chiellini mar qrib Arturo Vidal u għannqu. Il-filmati qabdu lil Vidal ibus il-badge ta’ Juventus fuq il-flokk ta’ Juventus. Nafu li Vidal dejjem baqa’ qalbu marbuta ma’ Juventus, però ma nafux jekk din il-bewsa saritx b’mod intenzjonali jew inkella kinitx biss kumbinazzjoni.
Matthew Scerri
Il-150 partita fis-Serie A għal Chiesa
Federico Chiesa lagħab il-partita numru 150 fis-Serie A llejla kontra Inter. Hu ddebutta fis-Serie A fl-2016 meta kien lagħab għal Fiorentina kontra Juventus fl-ewwel Ġurnata tal-kampjonat. Minn dakinhar Chiesa kien fl-azzjoni 137 darba bil-flokk ta’ Fiorentina fis-Serie A u s’issa tlettax-il darba ma’ Juventus.
Matthew Scerri
Uffiċjali: Kif se jibdew Inter u Juventus
Inter (3-5-2): Handanovic; Skriniar, de Vrij, Bastoni; Hakimi, Barella, Brozovic, Vidal, Young; Lukaku, Lautaro.
Juventus (3-5-2): Szczesny; Danilo, Bonucci, Chiellini; Chiesa, Rabiot, Bentancur, Ramsey, Frabotta; Morata, Ronaldo.
Genoa qed ifittxu sostitut għal Scamacca
Skont Sky, Genoa kellhom kuntatt ma’ Atalanta għall-attakkant Lammers. Jekk huma jirnexxilhom jiksbuh hu probabbli li Genoa jagħtu l-kunsens tagħhom biex Scamacca jkun jista’ jitlaqhom. Nafu li Juventus iridu b’saħħa lil Scamacca u qed jinnegozjaw it-trasferiment tiegħu ma’ Sassuolo li fis-sajf kienu silfuh lil Genoa.
Matthew Scerri