Juventus-Cagliari 2-0

/in /by

Rebħa oħra għal Juventus fil-kampjonat f’partita li kompliet turi progressi kbar kemm mill-aspett tattiku kif ukoll minn dak atletiku. Il-Bianconeri ddominaw il-partita u rnexxilhom jesprimu l-logħob li riedu. Pirlo u l-istaff tiegħu solvew ħafna mill-problemi tal-ewwel ħarġiet: it-tim issa hu ferm iktar ibbilanċjat; id-difiża hi inqas esposta għall-kontrattakki tal-avversarji; filwaqt li nofs il-grawnd qed jibda jieħu l-fiżjonomija tiegħu b’Arthur li minn partita għall-oħra qed jieħu dejjem iktar f’idejh il-midfield. Rajna futbol sabiħ, fast, mingħajr ħafna tiki taka għalxejn. Ronaldo hu l-istilla li kulħadd jaf. De Ligt hu blata fuq wara. Bernardeschi, fl-aħħar, kellu wirja tasew tajba. Ma’ dawn irridu nżidu lill-plejers kollha l-oħra għax verament kulħadd lagħab tajjeb. Naħseb li nistgħu ngħidu li din hi l-Juventus li xtaqna naraw fil-bidu tal-istaġun!

JUVENTUS-CAGLIARI 2-0

Skurja: 2 Ronaldo (J)

Juventus (4-4-2): Buffon; Cuadrado, De Ligt, Demiral, Danilo (Alex Sandro); Kulusevski (Chiesa), Arthur (Bentancur, Rabiot (McKennie), Bernardeschi; Morata (Dybala), Cristiano Ronaldo. Kowċ: Pirlo.

Cagliari (4-2-3-1): Cragno; Pisacane, Walukiewicz, Klavan (Carboni), Tripaldelli (Sottil); Marin (Caligara), Rog; Zappa, Joao Pedro, Ounas (Oliva); Simeone (Pavoletti). Kowċ: Di Francesco.

Referee: Maresca.

Karti sofor: Rabiot (J), Tripaldelli (C), Danilo (J), Arthur (J), Sottil (C).

Matthew Scerri

Paratici: “Ronaldo se jibqa’ ma’ Juventus”

/in /by

Qabel Juventus-Cagliari, Fabio Paratici tkellem dwar Ronaldo u Dybala fost l-oħrajn. Hu kkonferma li minkejja l-għidut fuq il-gazzetti, Ronaldo se jibqa’ ma’ Juventus. Dwar il-mument kemxejn diffiċli ta’ Dybala fl-ewwel partiti tal-istaġun, Paratici sostna li hu kollox marbut ma’ virus li ilu jħabbtu sa mill-ewwel waqfa għall-impenji tat-timijiet nazzjonali.

Matthew Scerri

Cuadrado hu l-captain il-lejla. Ronaldo l-viċi

/in /by

Issa nafu fiċ-ċert: il-captain ta’ Juventus kontra Cagliari se jkun Juan Cuadrado. Bħala viċi tiegħu nsibu lil Cristiano Ronaldo li hekk illum, waqt il-partita, se jkollu forsi l-opportunità li jilbes il-faxxa ta’ captain għall-ewwel darba minn kemm ilu ma’ Juventus.

Matthew Scerri

Uffiċjali: Kif se jibdew Juventus u Cagliari

/in /by

Juventus (4-4-2): Buffon; Cuadrado, De Ligt, Demiral, Danilo; Kulusevski, Arthur, Rabiot, Bernardeschi; Morata, Cristiano Ronaldo. 

Cagliari (4-2-3-1): Cragno; Pisacane, Walukiewicz, Klavan, Tripaldelli; Marin, Rog; Zappa, Joao Pedro, Ounas; Simeone. 

Il-plejers Juventini mgħajta għall-partita kontra Cagliari

/in /by

Il-plejers mgħajta minn Pirlo għall-partita kontra Cagliari huma:

Gowlkipers: Szczesny, Pinsoglio, Buffon

Difensuri: De Ligt, Alex Sandro, Danilo, Cuadrado, Demiral, Di Pardo, Frabotta

Plejers ta’ nofs il-grawnd: Arthur, McKennie, Chiesa, Rabiot, Bentancur, Bernardeschi, Portanova, Kulusevski

Attakkanti: Ronaldo, Morata, Dybala, Vrioni

Matthew Scerri

Zappa se jkun l-osservat speċjali tal-lejla

/in /by

Ilejla Fabio Paratici u n-nies tiegħu se jkollhom l-opportunità li jsegwu mill-qrib lil Gabriele Zappa. Il-full-back ta’ Cagliari hu wieħed minn dawk il-plejers li Paratici ilu jżomm taħt osservazzjoni u hu probabbli li fil-mument opportun se jressq offerta għalih biex jixtrih għal Juventus.

Matthew Scerri

Juventus lesti jbigħu lil Ramsey u jiffirmaw lil Calhanoglu minfloku

/in /by

Aaron Ramsey jista’ jitlaq lil Juventus f’każ li tasal offerta tajba fuq il-mejda ta’ Paratici. Skont Tuttosport hemm PSG u xi klabbs mill-Premier League Ingliża li qed juru interess fih. Jekk jitlaq Ramsey, postu ma’ Juventus ikun jista’ jieħdu Calhanoglu jekk verament ikun free-agent minn Frar li ġej.

Matthew Scerri

L-ewwel paġni tal-gazzetti Taljani (21 ta’ Novembru 2020)

/in /by

Qed inwasslulkom l-ewwel paġni tal-gazzetti Taljani tal-isports tal-lum il-21 ta’ Novembru 2020.