Kienet se terġa’ tirrepeti ruħha l-istorja ta’ Juventus-Napoli imma did-darba l-ASL ġabet ruħha b’mod differenti

/in /by

Telgħu għal ħamsa l-plejers ta’ Parma pożittivi għall-Covid-19. Skont Il Corriere della Sera, l-ASL ta’ Parma għall-ewwel ma riedx jawtorizza lit-tim ta’ Parma jivvjaġġa lejn Udine. Jidher li saru xi telefonati bejn uffiċċjali tal-ASL u rappreżentanti tal-Lega Calcio sabiex jiddiskutu dak li kellu jiġri. Wara xi erba’ sigħat l-ASL tat permess lit-tim ta’ Parma jmur Udine għall-partita t’għada kontra Udinese.

Matthew Scerri

Il-plejers Juventini mgħajta għall-partita kontra Crotone

/in /by

Il-plejer mgħajta minn Pirlo għall-partita tal-lejla kontra Crotone huma:

Szczesny, Chiellini, Arthur, Morata, Dybala, Danilo, Cuadrado, Bonucci, Chiesa, Rabiot, Demiral, Bentancur, Pinsoglio, Bernardeschi, Frabotta, Portanova, Vrioni, Kulusevski, Rafia, Peeters, Buffon.

Matthew Scerri

Dragus ta’ Crotone pożittiv għall-Covid-19

/in /by

Ftit sigħat qabel Crotone-Juventus, tħabbar li l-plejer ta’ Crotone, Denis Dragus instab pożittiv għall-Covid-19. Fil-jiem li għaddew hu kien impenjat mat-tim nazzjonali Rumen ta’ taħt il-21 sena. F’dawn iż-żminijiet hi ħaġa tassew ridikola li l-FIFA u l-UEFA komplew għaddejjin bil-partita tat-timijiet nazzjonali qisu xejn mhu xejn. It-taħlit u l-ħafna vjaġġi tal-plejers żgur li huma mezz kif il-virus se jkompli jinfirex fid-dinja tal-futbol.

Matthew Scerri

Chiesa jitlob il-paga sal-5 ta’ Ottubru lil Fiorentina

/in /by

Wara li għajruh traditur u insultaw anki lil ħuh, issa s-supporters ta’ Fiorentina qed ikomplu jiġu mxewxa kontra Chiesa. Is-sit Fiorentinanews qed jirraporta li Chiesa talab lil Fiorentina li jħallsulu l-paga għall-ewwel ħamest ijiem ta’ Ottubru meta kien għadu plejer ta’ Fiorentina. M’hemmx xi ngħidu, Chiesa għandu kull dritt li jitlob dal-pagament u min qed ixewwex lis-supporters ta’ Fiorentina żgur li għandu aġenda moħbija.

Matthew Scerri

Tliet każijiet oħra ta’ Covid-19 fl-Under 23

/in /by

Żewġ plejers u membru tal-istaff tal-Under 23 ittestjaw pożittivi għall-Covid-19 fl-iswab tests tal-bieraħ. Il-plejers huma Bucosse u Wesley. It-tim kollu tal-Under 23 jinsab f’iżolament ‘fiduciario’ li tajjeb infakkru li jfisser li t-tim jinsab qed jgħix maqtugħ mill-bqija tal-komunità imma jista’ jittrenja xorta waħda.

Matthew Scerri

L-ewwel paġni tal-gazzetti Taljani (17 ta’ Ottubru 2020)

/in /by

Qed inwasslulkom l-ewwel paġni tal-gazzetti Taljani tal-isports tal-lum is-17 ta’ Ottubru 2020.

Botta u risposta bejn Ronaldo u l-Ministru Spadafora

/in /by

Waqt Live fuq Instagram, Ronaldo stqarr li hu ma kisirx il-protokoll fl-ebda mument u anzi tenna li mexa mar-regolamenti kif kien mistenni. Ftit wara waslet ir-risposta tal-Ministru Spadafora li baqa’ jsostni li Ronaldo kiser il-protokoll għax ma baqax fil-JHotel sakemm saru l-iswab tests meħtieġa biex seta’ joħroġ. Żied anki: “Il-fama u l-bravura ta’ ċerta plejers tagħmilhom arroganti, ma jirrispettawx l-awtoritajiet u twassalhom anki biex jigbdu.” Ir-riferiment kien ovvjament għal Ronaldo. Fil-fehma tagħna, Ministru m’għandux joqgħod jidħol f’polemiki ta’ dat-tip. L-awtoritajiet għandhom il-mezzi kollha għall-infurzar u min jikser ir-regolamenti hu xieraq li jħallas, mingħajr ovvjament ma jiġi mgħajjar giddieb mill-Ministru.

Matthew Scerri

Interess f’Dybala mill-Ingilterra

/in /by

Is-sit todofichajes.com qed isostni li klabbs Ingliżi għadhom interessati ferm fl-akkwist ta’ Paulo Dybala. Il-klabbs huma: Chelsea u Manchester United. Il-prezz li Juventus qed jitolbu għalih hu ta’ 85 miljun Ewro.

Matthew Scerri