Problema fiżika ta’ natura differenti għal Arthur u Ramsey
Arthur u Ramsey ma setgħux ikomplu l-partita kontra Ferencvaros. Arthur jidher li kellu problema fl-istonku u għalhekk inbidel bejn l-ewwel u t-tieni taqsima. Ramsey, mill-banda l-oħra, rajnieh jaqa’ mal-art minħabba problema muskolari. Għada nkunu nafu kif jinsabu.
Matthew Scerri
Ivvota għall-Aqwa Plejer ta’ Ferencvaros-Juventus
Segwi dal-link biex tivvota għall-Aqwa Plejer ta’ Ferencvaros-Juventus:
https://app.ex.co/stories/jcvmac10/ivvota-g-all-aqwa-plejer-ta-ferencvaros-juventus
Ferencvaros-Juventus 1-4
Juventus lura għar-rebħ anki fiċ-Champions League. Il-Bianconeri komplew juru progress kemm mil-lat atletiku kif ukoll mill-aspett tattiku. Iktar ma jilagħbu flimkien, aktar qed tikber il-kunfidenza fost il-plejers Bianconeri. Morata qed ikun miċidjali fil-kaxxa avversarja f’kull partita. Arthur, imbagħad, qed jidħol iktar fil-mekkaniżmi tat-tim. Danilo fuq wara qed ikun attent u jidher li hu plejer totalment differenti minn dak tas-sena li għaddiet. Ma’ dawn, irridu nżidu l-bqija tal-plejers fit-tim ta’ Pirlo peress li llum kulħadd kien tajjeb u ta sehmu għal dawn it-tliet punti. L-avversarju kien li kien, biss dawn ir-rebħiet jgħinu lit-tim biex jaħdem bi trankwillità. F’das-sens żgur li l-gowl(s) ta’ Dybala se jservuh biex isib ftit tal-paċi wara xhur diffiċli jikkumbatti ma’ injury. Dybala flimkien ma’ sħabu l-oħra issa jridu jkompli jaħdmu ħalli jkollhom wirjiet aqwa fil-partiti li jmiss.
FERENCVAROS-JUVENTUS 1-4
Skurjaw: 2 Morata (J), 1 Dybala (J), Dvali (awtogol) (J), Boli (F)
Ferencvaros (4-5-1): Dibusz; Lovrencsics, Blazic, Dvali, Botka (Heister); Zubkov (Uzuni), Siger, Kharatin, Somalia, Nguen (Mak); Isael (Boli). Kowċ: Rebrov
Juventus (3-4-1-2): Szczesny; Bonucci, Chiellini, Danilo; Cuadrado (Frabotta), Arthur (Bentancur), Rabiot, Chiesa (Bernardeschi); Ramsey (McKennie); Morata (Dybala), Ronaldo. Kowċ: Pirlo.
Referee: Grinfeld
Karti sofor: Botka (F)
Matthew Scerri
Premijiet għal Ronaldo u Morata
Cristiano Ronaldo kien ivvutat bħala l-Aqwa Plejer għax-xahar ta’ Settembru, filwaqt li Alvaro Morata hu l-MVP ta’ Ottubru 2020. Il-votazzjoni saret online fost il-Juventus Members.
Matthew Scerri
Il-JMuseum magħluq għalissa
Il-miżuri li ttieħdu mill-Gvern Taljan kontra l-imxija tal-Covid-19 se jaffettaw lill-JMuseum. Fil-fatt sat-3 ta’ Diċembru l-bibien tal-mużew Juventini se jibqgħu magħluqin. Anki l-iStadium Tours twaqqfu għalissa. Fi kliem ieħor sa Diċembru s-supporters Bianconeri m’għandhom l-ebda mod biex jidħlu fil-binja tal-Allianz Stadium.
Matthew Scerri
Paratici: “Inħobbu ħafna lil Pogba”
Qabel il-partita kontra Ferencvaros, Fabio Paratici tkellem fost l-oħrajn dwar Paul Pogba. Fi kliem Paratici, Juventus iħobbu ħafna lil Pogba, bħalma jħobbu lill-plejers kollha li fil-passat taw sehem kbir lit-tim Juventin. Madankollu għalissa għadu kmieni ħafna biex wieħed jibda jaħseb dwar is-suq tat-trasferimenti.
Matthew Scerri
Plejer ieħor tal-Under 23 pożittiv għall-Covid-19
Id-difensur ta’ Juventus Under 23, Raffaele Alcibiade nstab pożittiv għall-Covid-19. Kif jitlob il-protokoll, it-tim kollu tpoġġa f’iżolament ‘fiduciario’ sabiex il-plejers l-oħra tat-tim jkunu jistgħu jkomplu bit-training u bil-logħob.
Matthew Scerri
Uffiċjali: Kif se jibdew Ferencvaros u Juventus
Ferencvaros (4-5-1): Dibusz; Lovrencsics, Blazic, Dvali, Botka; Zubkov, Siger, Kharatin, Somalia, Nguen; Isael.
Juventus (3-4-1-2): Szczesny; Bonucci, Chiellini, Danilo; Cuadrado, Arthur, Rabiot, Chiesa; Ramsey; Morata, Ronaldo.
Inkjesta dwar swab tests fi ħdan it-tim ta’ Lazio
Immobile, Strakosha u Leiva llejla mhux qed jilagħbu għal Lazio fiċ-Champions League. Fl-aħħar erbgħa u għoxrin siegħa kien hemm dibattitu sħiħ dwarhom. Fil-fatt ilbieraħ għamlu swab tests quddiem uffiċċjali mqabbda mill-Uefa u rriżultaw pożittiv. Ftit minuti wara t-tobba ta’ Lazio għamlulhom swab tests oħra li taw riżultat negattiv. L-Uefa ma ħallithomx jilagħbu u qed tinvestiga l-każ. L-FIGC ordnat inkjesta wkoll sabiex ikun aċċertat li l-iswab tests fi tmiem il-ġimgħa li għaddiet kienu regolari. Intant huma jidhru li se jkunu jistgħu jilagħbu kontra Juventus nhar il-Ħadd, dejjem jekk fil-jiem li ġejjin ma jittestjawx pożittivi mill-ġdid. Tajjeb infakkru wkoll li fl-aħħar għaxart ijiem Lazio kienu milquta sew mill-każijiet ta’ Covid.
Matthew Scerri