Is-soltu teatrin! Għad m’hemmx deċiżjoni dwar Genoa-Torino u Juventus-Napoli

/in /by

Il-Lega Calcio lbieraħ ma waslet għal ebda konklużjoni dwar jekk il-partiti Genoa-Torino u Juventus-Napoli għandhomx jitħassru jew le. B’mod partikolari kien hemm diskussjoni twila dwar Genoa-Torino hekk kif issa Genoa għandhom 15-il persuna infettata (11-il plejer u 4 persuni mill-istaff tal-kowċ). Jidher li Torino bdew jopponu li l-partita titħassar anki għax ir-regolamenti ma jgħidu xejn dwar dan kollu. Evviva l-isportività ta’ Torino, imma, li jridu li l-partita tintlagħab għax se jkollu l-vantaġġ li l-avversarji jkunu b’nofs tim. Genoa jidhru rrabjati ferm u uffiċċjali tagħhom stqarrew pubblikament li l-partita ma tistax tintlagħab peress li t-tim kollu jinsab taħt kwarantina. Illum il-Lega Calcio għandha tieħu d-deċiżjoni finali.

Intant illum ukoll il-plejers u l-istaff ta’ Napoli se jerġgħu jagħmlu swab tests. Kif għidna lbieraħ hu veru li s’issa kulħadd irriżulta negattiv, biss hu veru wkoll li l-esperti dejjem qalulna li jekk it-test isir kmieni wisq, il-virus ma jinqabadx. Apparti l-iswab tests tal-lum, se jerġa’ jkun hemm swab tests oħra s-Sibt filgħodu. Hu ovvju li jekk jinstab numru sostanzjali ta’ plejers ta’ Napoli pożittivi għall-Covid, anki Juventus-Napoli tkun fir-riskju li titħassar.

Matthew Scerri

L-ewwel paġni tal-gazzetti Taljani (1 ta’ Ottubru 2020)

/in /by

Qed inwasslulkom l-ewwel paġni tal-gazzetti Taljani tal-isports tal-lum l-1 ta’ Ottubru 2020.

Ramsey mgħajjat mat-tim nazzjonali

/in /by

Aaron Ramsey reġa’ ġie mgħajjat mat-tim nazzjonali ta’ Wales għall-partiti li se jilagħbu kontra l-Ingilterra, l-Irlanda u l-Ungerija bejn it-8 u l-14 ta’ Ottubru.

Matthew Scerri

Proposta għal bdil bejn Emerson Palmieri u De Sciglio

/in /by

Fil-jiem li għaddew Juventus allegatament ipproponew lil Chelsea bdil ta’ plejers b’self bejn Emerson Palmieri u De Sciglio. Skont Calciomercato.com Juventus riedu li l-plejers jiġu mibdula b’self dis-sena bid-dritt li jkunu akkwistati għal kollox is-sena d-dieħla għall-prezz differenti (20-25 miljun għal Emerson Palmieri; 10-15-il miljun għal De Sciglio). Chelsea madankollu rrifjutaw din l-offerta.

Matthew Scerri

L-aġent ta’ Dybala għadu Turin

/in /by

Jorge Antun, l-aġent ta’ Dybala, għadu Turin skont IlBianconero.com. Hu wasal l-Italja madwar ħmistax-ilu u kien qed jakkumpanja lil omm Dybala. Issa jidher li se jibqa’ Turin sabiex, wara li jkun għalaq is-suq tat-trasferimenti, ikompli jiddiskuti l-kuntratt il-ġdid ta’ Dybala.

Matthew Scerri

Għadu ‘l bogħod il-ftehim bejn Juventus u Khedira

/in /by

Khedira ma jridx jaf! Hu assolutament ma jridx jaċċetta somma inqas minn 6 miljuni biex jittermina l-kuntratt ma’ Juventus. Il-Bianconeri min-naħa tagħhom qed joffrulu 2.5 miljuni. Kollox jindika li l-partijiet għadhom ‘il bogħod milli jsibu ftehim u jista’ jkun li finalment Khedira se jqatta’ sena oħra ma’ Juventus, mifrud f’daru basta jaqla’ s-6 miljuni tiegħu.

Matthew Scerri

Kean eqreb lejn ritorn ma’ Juventus

/in /by

Carlo Ancelotti m’għandu l-ebda oġġezzjoni li Kean jinbigħ u allura Raiola qed imexxi t-taħdidiet ma’ Everton biex l-attakkant Taljan jirritorna ma’ Juventus. Il-Bianconeri qed jipproponu self għal sentejn u wara jkun hemm dritt li jixtruh għal kollox, liema dritt isir obbligu jekk jintlaħqu ċerta miri stabbiliti minn qabel.

Matthew Scerri

Ħadd mit-tim ta’ Napoli m’għandu l-Covid!

/in /by

L-iswab tests tal-plejers u l-istaff ta’ Napoli kellhom kollha riżultat negattiv u allura s’issa ħadd ma jidher li ħa l-virus mingħand il-plejers ta’ Genoa l-Ħadd li għadda. Ma ninsewx, però, li t-tobba dejjem qalulna li jekk it-test isir kmieni wisq, il-virus jaf ma jinqabadx. Għada waranofsinhar se jsiru testijiet oħra.

Matthew Scerri

Frabotta daqt se jkun offrut kuntratt ġdid

/in /by

Il-wirjiet tajba mat-tim ta’ Pirlo se jwasslu biex daqt Gianluca Frabotta jkun offrut kuntratt ġdid. Hu se jkun qed jaqla’ paga li ftit plejers tas-Serie C għandhom, jiġifieri 200,000 Ewro fis-sena.

Matthew Scerri

Il-Ministru Spadafora: “Mhuwiex il-każ li tieqaf is-Serie A”

/in /by

Il-Ministru Taljan tal-Isports, Vincenzo Spadafora stqarr illum li għalissa mhuwiex il-każ li tieqaf is-Serie A minħabba l-Covid-19. Fi kliemu l-protokoll tal-FIGC hu tajjeb ħafna u ma jeħtieġ ebda bidla.

Matthew Scerri