Messi ħabbar li se jibqa’ ma’ Barcellona

/in /by

Lionel Messi ħabbar li mhux se jitlaq lil Barcellona. Fi kliemu l-President kienu ilu jaf l-istaġun kollu li ried jitlaq peress li kien qed iħoss li wasal iż-żmien li jwarrab. Issa Barcellona qed jgħidulu li ma jistax jitlaq iktar b’xejn minħabba li klawżola kienet tiskadi fl-10 ta’ Ġunju. Messi żied anki li biex jitlaq lil Barcellona issa jrid isib klabb lest iħallas 700 miljun (li hu impossibbli) jew inkella jiftaħ battalja legali, imma hu ma jridx jieħu l-Qorti lill-klabb fejn qatta’ ħajtu. Għaldaqstant m’għandu ebda triq oħra ħlief li jibqa’ ma’ Barcellona u jagħti dak kollu li jista’ għall-ġid tat-tim.

Matthew Scerri

Ronaldo reġa’ ma ttrenjax mal-Portugall minħabba l-injury li sofra

/in /by

Għat-tieni jum konsekuttiv, Cristiano Ronaldo ma ttrenjax ma’ sħabu tat-tim nazzjonali Portugiż. Jidher li hu għandu infjammazzjoni f’suba’ ta’ saqajh, infjammazzjoni li ġietu minħabba ferita infettata. Kważi żgur li hu mhux se jilagħab għada kontra l-Kroazja u hemm dubji kbar dwar kemm se jkun laħaq irkupra sa nhar it-Tlieta meta l-Portugall se jilagħbu kontra l-Iżvezja. Juventus huma mħassba minħabba dis-sitwazzjoni hekk kif Dybala għadu qed jirkupra mill-injury tiegħu. Jekk l-injury ta’ Ronaldo jieħu fit-tul, jaf sal-20 ta’ Settembru Pirlo ma jkollux aktar attakkanti ħlief Higuain (dejjem jekk se jibqa’ u dejjem jekk mhu se jinxtara attakkant ieħor).

Matthew Scerri

Tgħid daret il-folja?

/in /by

Kulmin jaf sew l-andament tas-suq tat-trasferimenti, jaf tajjeb li fis-sajf hu normali li wieħed jaqra minn kollox. Pereżempju, wara li għal jumejn qalulna li Juventus kellu ftehim ma’ Suarez, issa Il Corriere dello Sport qed isostni li finalment Suarez jista’ jibqa’ flimkien ma’ Messi ma’ Barcellona. Fi Spanja, però, qed jiċħdu din l-aħbar peress li Suarez se jitlaq lil Barcellona mhux minħabba l-problemi li għandu Messi, imma għax ma jridux Koeman. Min qiegħed jgħid il-verità u min qed jigdeb, ovvjament, ma nafux. Li hu ċert hu s’issa għad ma nafu xejn dwar jekk Suarez sabx ftehim ma’ Barcellona biex ixolji l-kuntratt tiegħu. Dan hu punt kruċjali għax, kif jifhem tajjeb kulħadd, Juventus bħalissa ma jaffordjawx li jagħtu paga għolja lill-plejer u jonfqu somma kbira biex jixtruh. Fi kliem ieħor, jekk Suarez ma jinħallx mill-kuntratt ma’ Barcellona, hu impossibbli li narawh ma’ Juventus. Mill-banda l-oħra, la darba Suarez ikun xolja l-kuntratt mal-Ispanjoli, hu evidenti li l-favoriti nett biex jiffirmawh huma Juventus. Nistennew u naraw!

Matthew Scerri

Klabbs mis-Serie A jridu lil Nicolussi Caviglia

/in /by

Tliet timijiet tas-Serie A, kollha mir-reġjun tal-Liguria, qed juru interess li jiksbu lil Hans Nicolussi Caviglia mingħand Juventus. S’issa l-plejer qed jittrenja fil-Continassa u x’aktarx Pirlo jixtieq jarah fl-azzjoni mill-qrib biex jifhem għandux iżommu jew le. Jekk Juventus jagħżlu li jisilfuh mill-ġdid, fuqu hemm Sampdoria, Genoa u Spezia.

Matthew Scerri

X’qed jingħad dwar il-kuntratt li Juventus offrew lil Suarez

/in /by

Skont La Gazzetta dello Sport Juventus għandhom ftehim ma’ Suarez għal kuntratt ta’ tliet snin b’paga ta’ 10 miljuni fis-sena. Fil-jiem li għaddew kien intqal li l-kuntratt kellu jkun validu għal sentejn b’paga ta’ 8 miljuni. Intant Sky ikkonfermaw li l-kwistjoni tal-passaport ta’ Suarez tista’ tissolva fi ftit jiem.

Matthew Scerri

Italja-Bożnija. Kif x’aktarx se jilagħbu llejla

/in /by

Italja (4-3-3): Donnarumma; Florenzi, Bonucci, Chiellini, Biraghi; Barella, Jorginho, Zaniolo; Chiesa, Belotti, Insigne.

Bożnija (4-3-3): Sehic; Civic, Kovacevic, Bicakcic, Kolasinac; Besic, Sabanadzovic, Cimirot; Visca, Dzeko, Duljevi.

Filmat: Intervista lil Pirlo dwar l-ewwel parti tal-preseason

/in /by
https://youtube.com/watch?v=aaCaWzSKAVo

L-ewwel paġni tal-gazzetti Taljani (4 ta’ Settembru 2020)

/in /by

Qed inwasslulkom l-ewwel paġni tal-gazzetti Taljani tal-isports tal-lum l-4 ta’ Settembru 2020.

Allegatament hemm ftehim bejn Juventus u Khedira biex ikun xolt il-kuntratt

/in /by

Fl-aħħar sigħat jidher li Juventus bdew resqin lejn ftehim ma’ Sami Khedira biex ixolju l-kuntratt tiegħu. Qed jissemma li Khedira se jingħata 3 miljuni biex itemm il-kuntratt qabel iż-żmien. Wara li jkun xolja l-kuntratt ma’ Juventus, Khedira mistenni jingħaqad ma’ Zenit.

Matthew Scerri

Dzeko: “Kull sena jgħidu li se nitlaq”

/in /by

Rai intervistaw lil Edin Dzeko li llejla se jilgħab kontra l-Italja. Hu qal: “Kull sena jgħidu li se nitlaq. Mhuwiex il-mument li nitkellmu dwar il-calciomercato. Ninsab ikkunċentrat fuq dawn il-partiti u wara naraw x’se jiġri.” Mistoqsi dwar il-possibbiltà li jilgħab ma’ Cristiano Ronaldo, Dzeko wieġeb: “Nista’ ngħid li għandi 34 sena. Ninsab tajjeb u jien kburi għal dan.”

Matthew Scerri