Bħal-lum fil-passat (15 ta’ April)
Bħal-lum fl-1973 Juventus lagħbu f’darhom kontra Palermo. L-iskor finali tal-partita kien ta’ 4-1 għall-Bianconeri.
Il-Curva tibqa’ miftuħa (għalissa)
Il-Curva Sud Primo Anello se tkun qed tilqa’ lis-supporters Juventini bħas-soltu fil-partita kontra Napoli (għallinqas għalissa). Fil-fatt il-Qorti tal-Appell laqgħet ir-rikors urġenti mressaq minn Juventus kontra d-deċiżjoni tal-Imħallef tal-Isport li l-Curva Sud tinżamm magħluqa għal partita waħda minħabba l-korijiet razzisti fil-konfront ta’ Lukaku. Il-Qorti tal-Appell issospendiet din id-deċiżjoni u għamret li l-kwistjoni tinqata’ minn Tribunal ieħor. Fi kliem ieħor għalissa l-Curva Sud se tibqa’ miftuħa sakemm it-Tribunal jaqta’ s-sentenza tiegħu. Mhux magħruf meta se jiltaqa’ dat-Tribunal. Skont l-aġenzija tal-aħbarijiet Ansa s-sentenza tat-Tribunal se toħroġ qabel it-23 ta’ April meta Juventus se jkunu qed jerġgħu jilagħbu f’darhom fil-kampjonat bl-avversarji jkunu Napoli.
Matthew Scerri
Manovra stipendi. X’ġara dil-ġimgħa
Għall-kuntrarju ta’ dak li forsi qed jaħsbu ħafna, dil-ġimgħa l-Procuratore Federale Chine’ ma ddeċidiex li jiftaħ kawża kontra Juventus quddiem il-Ġustizzja Sportiva. Hu għarraf lil Juventus u lil eks uffiċċjali tagħha li għalaq l-investigazzjoni tiegħu dwar il-manovra stipendi, il-partnership ma’ klabbs oħra u r-rapporti tal-klabb ma’ xi aġenti. Fit-tliet każijiet hu qed jikkuntesta l-ksur tal-lealta’ sportiva (l-Artiklu 4 tal-Kodiċi tal-Ġustizzja Sportiva).
Juventus għandhom ħmistax-il ġurnata biex iressqu memorja difensiva tagħhom dwar dan kollu li qed ikun ikkuntestat lilhom. Chine’ mbagħad ikollu tletin ġurnata biex jiddeċiedi għandux jiftaħ kawża kontra Juventus quddiem il-Ġustizzja Sportiva, liema kawża tibda minnufih u l-ewwel seduta tkun skedata f’temp ta’ għaxart ijiem minn meta Chine’ jiftaħ il-kawża.
Ovvjament Chine’ jista’ ma jiftaħx il-kawża jekk ikun hemm risposta b’saħħitha fil-memorja difensiva ta’ Juventus.
Juventus ħarġu stqarrija li fiha kitbu li huma mxew mal-proċeduri ta’ accounting system internazzjonali. Nafu, imma, kif taħdem il-Ġustizzja Sportiva li ma tagħti lil ħadd l-opportunita’ li jiddibatti u jiddefendi ruħu sew waqt is-seduti. Minħabba f’hekk qed jissemma ħafna li Juventus se jkun qed jitolbu patteġġament. Jekk dan se jkun il-każ, tajjeb ngħidu li jekk it-talba għall-patteġġament issir qabel tibda l-kawża, Juventus ikunu intitolati għal skont ta’ nofs il-piena. Mill-banda l-oħra jekk it-talba għall-patteġġament titressaq wara li tibda l-kawża, Juventus jieħdu biss skont ta’ terz tal-piena.
Punti finali: jekk il-kawża verament tinfetaħ u tilħaq tintemm qabel it-30 ta’ Ġunju, il-piena tkun tgħodd f’dan l-istaġun. Imma jekk tinqabeż did-data, allura l-piena tidħol fis-seħħ fl-istaġun li jmiss.
Matthew Scerri
Rebha Sofferta
Waslet rebha sofferta fl-europa league li naturalment aktar ma’ navvanzaw aktar insibu timijiet sodi u ta’ certu esperjenza u sporting lisbon huwa wiehed minn dawk it-timijiet li ghandu kemm certa sodizza u anka certu esperjenza f’dawn il-livelli, filfatt irnexxilhom jeliminaw lil arsenal biex waslu sal-loghba tal-bierah.
Ir-rizultat huwa wiehed minimu izda mportantissimu ghalina ghaliex li ma’ taqlax gowl huwa mportanti u sejrin il-Portugall b’gowl vantagg li jiswa mmens. Tattikament ma’ konna xejn sew u nista nghid tul id-disghin minuta b’konfuzjoni kontinwa u nazzarda nghid biza kbira tul il-loghba donnu regghet waqat certu biza fil-players dawn l-ahhar loghbiet.
Personalment nahseb illi s-sistema 3-4-3 kienet wahda azzardata l-bierah ghaliex bi Chiesa li ghadu l-boghod mil-Chiesa ta’ qabel l-injury, mhux fi stat li jinzel jghin midfield u difiza tul il-loghba kolla u filfatt kemm hu u kemm Kostic sofrew l-avversarju tul il-partita kolla specjalment fit-tieni taqsima meta l-gheja bdiet taghmel taghha.
Nota negattiva kien fl-opinjoni tieghi Angel di Maria, nistenna hafna aktar minnu f’partiti ta’ dan il-livell fejn anka hu flimkien ma’ Locatelli u Rabiot zbaljaw serje twila ta’ passes li lanqas tghoddom fuq subajk. Milik ghalkemm kien bhas-soltu tattikament generuz jidher li wara l-injury ghadu lura wkoll minn forma denja ta’ dawn il-partiti.
Fuq nota pozittiva Federico Gatti assolutament man of the match, generuz, umli, dixxiplinat u leader flimkien ma’ Bremer u Danilo kien perfett u premjat meritatament bil-gowl tant importanti. Kellu bzonn kulhadd bhalu! U xi nghidu ghal Mattia Perin, salvatur u salvana minn dro cert; dahal kiesah u biered wara li Sczcesny hasad lil kulhadd bl-ugiegh f’sidru. Jidher xejn gravi u nisperaw li l-bqija tat-testijiet jibqaw johorgu tajbin.
Din il-partita kif ghidt kienet mportanti u r-rizultat mhux anqas, mhux ha tkun facli fil-Portugall izda ghandna bazi soda u possibiltajiet kbar, kollox jiddependi minna u hadt aktar.
FORZA JUVE DEJJEM
STQARRIJA – 48 sena ta’ storja
Għeluq it-48 sena tal-klabb. Stqarrija mill-president Joseph Fenech
🎊🥂 Happy Anniversary lill-klabb uniku għall-Juventini Maltin kollha.
48 Sena ta Storja u Suċċessi. B’wicci minn quddiem ngħid li aħna minn dejjem konna minn ta l-ewwel u uniċi f’kollox.
Minn QALBI ngħid GRAZZI lilkom il-membri tas-sostenn tagħkom tul dawn iż-żminijiet.
🥂 Awguri JCMVA 🥂
48 sena ilu twaqqaf il-Juventus Club (Malta)
Illum qed niċċelebraw l-isbaħ u l-iktar anniversarju għal qalbna, dak tat-twaqqif tal-Juventus Club DOC Vero Amore (Malta 1975). Kien proprju fit-13 ta’ April 1975 li ssejħet l-ewwel Laqgħa Ġenerali tal-Club u dakinhar kien imwaqqaf uffiċjalment il-Club tagħna.
Ftit xhur qabel, preċiżament fit-8 ta’ Frar 1975, fil-gazzetta ‘Il-Ħajja’ deher avviż li permezz tiegħu l-Juventini kollha ta’ dawn il-gżejjer ġew mistiedna jingħaqdu u jerġgħu jagħtu ħajja ġdida lill-Club Nazionale Amici della Juve (Malta), li kien imwaqqaf f’Malta fl-1964 u li kien spiċċa fix-xejn ftit snin wara.
L-avviż tal-1975 kien sar minn Tony Dimech, illum wieħed mill-Presidenti Onorarji tal-Club, li fl-avviż stieden lil dawk kollha interessati b’dan il-kliem: “Il-partitarji kollha juventini li jixtiequ jsiru membri tal-Club Nazionale Amici della Juve (Malta) huma ġentilment mitluba jiktbu u jibagħtu 1c 5m f’bolol lil Tony Dimech, Barbara Bastion, il-Belt.”
L-inizjattiva ta’ Tony Dimech qanqlet mill-ġdid l-interess ta’ diversi Juventini Maltin, fosthom in-Nutar Cachia u Manwel Scerri. Huma bdew jiltaqgħu u jaraw kif setgħu jħejju għat-twaqqif tal-Club il-ġdid fuq bażi iktar sodi minn dawk tas-Snin Sittin.
Fis-16 ta’ Marzu 1975, fil-Każin tal-Banda La Vallette fil-Belt, saret laqgħa informali għal dawk kollha interessati f’din l-inizjattiva. Dakinhar inħatret Kummissjoni Speċjali bl-għan li tħejji l-preparattivi u s-sejħa għal-Laqgħa Ġenerali li fiha kellu jitwaqqaf uffiċjalment il-Club u jinħatar l-ewwel Kumitat Eżekuttiv li kellu jmexxi lill-Club.
Il-Kummissjoni sejħet l-ewwel Laqgħa Ġenerali fl-istorja tal-Club nhar il-Ħadd 13 ta’ April 1975 u għaliha kien preżenti 46 persuna. Għal darb’oħra intużat is-Sala tal-Każin La Vallette. Il-Laqgħa Ġenerali approvat it-twaqqif tal-Club bl-isem ta’ Juventus Club (Malta) fost entuzjażmu kbir ta’ dawk kollha preżenti.
Matul il-Laqgħa ġie wkoll elett l-ewwel Kumitat Eżekuttiv li mexxa lill-Club għas-sena 1975/76. In-Nutar Joseph Cachia bħala Chairman u s-Sinjuri Richard Muscat u Robert Caruana kienu magħżula biex imexxu l-elezzjoni. Immedjatament iċ-Chairman staqsa min fost il-membri preżenti xtaq jikkontesta l-elezzjoni. Kien hemm ħdax-il persuna interessata, fosthom anki mara (ħaġa mhux daqstant komuni għal dawk iż-żminijiet meta n-nisa ftit li xejn kienu jinteressaw ruħhom fil-futbol). Minn dawn kellhom jintgħażlu seba’ persuni biex jiffurmaw l-ewwel kumitat. Wara li ntlaqgħu n-nominazzjonijiet kollha, beda l-proċess tal-votazzjoni. Ir-riżultat tal-votazzjoni kien:
| Riżultati tal-votazzjoni għall-Kumitat 1975/76 | |
| Tony Dimech | 46 vot |
| Manwel Scerri | 42 vot |
| Joseph Aloisio | 40 vot |
| Carmelo Vella | 38 vot |
| Albert Callus | 36 vot |
| Charles Galea | 28 vot |
| Publius Vassallo | 22 vot |
| Joe Attard u Josephine Galea | 20 vot |
| Mario Troisi | 14-il vot |
| Lino Bonello | 10 voti |
Bil-qari tar-riżultat tal-votazzjoni, saru magħrufa l-ismijiet tal-ewwel seba’ eletti li ffurmaw l-ewwel Kumitat Eżekuttiv fl-istorja tal-club li kellu jservi għall-perjodu ta’ sena 1975/76.
Fi tmiem il-laqgħa, in-Nutar Joseph Cachia u s-Sur Franco Facchetti (illum t-tnejn mejta) kienu unanimament maħtura l-ewwel Presidenti Onorarji fl-istorja tal-Club bħala rikonoxximent għall-ħidma, il-kollaborazzjoni u l-għajnuna bla qies li taw biex setgħet tibda t-triq twila iżda glorjuża tal-Juventus Club (Malta).
Minn dakinhar għaddew 48 sena. Tmienja u erbgħin sena ta’ storja rikka immens, snin ta’ ħbiberija u għaqda li dejjem irrenjat fil-Club tagħna, snin ta’ imħabba inkundizzjonata lejn it-tim Juventin. Illum ninsabu kburin immens li l-Club wasal għal dan l-anniversarju u ninsabu konvinti li għad fadallu ħafna paġni sbieħ x’jikteb.
Matthew Scerri u Manwel Scerri
