Posts

Tottenham juru interess fi plejers Juventini

/in /by

Fabio Paratici se jkun qed jaħdem għat-tim ta’ Tottenham. F’dawn is-sigħat mistennija tingħata l-aħbar uffiċjali tal-ħatra tiegħu. Hu probabbli ferm li Paratici se jkun qed jagħmel kuntatti ma’ Juventus bil-possibbiltà li l-klabbs jiftħu negozjati għal xi plejers. Qed jissemma li Paratici se jagħmel tentattiv biex jikseb lil Bonucci u lil Rabiot għal Tottenham. Issa naraw x’se jiġri verament. Li hu żgur hu li Juventus u Tottenham se jkun qed jaħdmu mill-qrib anki minħabba l-loġika tal-plusvalenze.

Matthew Scerri

Dragusin lejn self ma’ Genoa

/in /by

Qed jissemma li Genoa jinsabu f’taħdidiet ma’ Juventus biex jiksbu b’self lil Radu Dragusin.Id-difensur Rumen se jkun misluf minn Juventus biex jilgħab b’mod regolari u jikseb aktar esperjenza.

Matthew Scerri

Juventus iridu lil Audero

/in /by

Juventus għadhom interessati ferm li jiksbu lil Emil Audero. Kif nafu Juventus qed jippruvaw ibigħu lil Szczesny biex jiffirmaw lil Donnarumma. Peress li anki Buffon telaq, Juventus jeħtieġu gowler reserve u qed jikkunsidraw li jixtru lil Audero.

Matthew Scerri

Icardi jew Vlahovic għall-attakk Juventin

/in /by

Fil-laqgħa li Allegri kellu ma’ Cherubini ftit tal-jiem ilu, jidher li l-prijorità bħalissa hi li jinxtara attakkant. Hemm inċertezza sħiħa dwar jekk Ronaldo huwiex se jibqa’ ma’ Juventus. Jibqa’ jew ma jibqax, xorta waħda Juventus se jkunu qed jixtru attakkant tal-kaxxa. L-ismijiet li qed isiru huma dawk ta’ Vlahovic ta’ Fiorentina u Maurizio Icardi ta’ PSG. Vlahovic għandu valur ta’ bejn 50 u 60 miljun Ewro. Icardi, mill-banda l-oħra, ilu snin imsemmi ma’ Juventus. Did-darba jista’ jkun li hu verament jingħaqad ma’ Juventus bi tpartit proprju ma’ Ronaldo.

Matthew Scerri

Gosens mhuwiex jaħseb fis-suq tat-trasferimenti

/in /by

Mistoqsi jagħti kumment dwar il-futur tiegħu, Robin Gosens sostna li bħalissa jinsab moħħu biss fuq l-impenji mat-tim nazzjonali Ġermaniż. Kicker qed jirrapurtaw li Gosens iddikjara li għalissa ma jrid jaf xejn dwar is-suq tat-trasferimenti.

Matthew Scerri

Xejn ġdid dwar Donnarumma

/in /by

Għaddiet ġimgħa oħra u ma kellna ebda aħbar ġdida dwar Gigio Donnarumma. It-tliet timijiet li l-aktar li jidhru li għandhom ċans jiffirmawh huma Juventus, Barcellona u PSG. Juventus wisq probabbli huma l-ewwel preferenza tal-gowler Taljan. Madankollu Juventus iridu qabelxejn ibigħu lil Szczesny. Fl-aħħar sigħat kellna l-aħbar li Roma qed jitħajru jixtru lura lil Szczesny u allura Juventus ikunu jistgħu jiffirmaw lil Donnarumma. Probabbli, però, li l-aħbar uffiċjali tat-trasferiment tiegħu ma’ Juventus tingħata wara l-1 ta’ Lulju meta tibda sena finanzjarja ġdida.

Matthew Scerri

Jitkellem l-aġent ta’ Jorginho

/in /by

Football Italia ħadu kumment mingħand Joao Santos, l-aġent ta’ Jorginho. Fi kliemu Jorginho se jibqa’ ma’ Chelsea peress li fadallu sentejn kuntratt u barra minn hekk Chelsea għandhom miri importanti ferm għall-istaġun li jmiss.

Matthew Scerri

Ritorn ieħor ma’ Juventus?

/in /by

Kulma jmur jidher li qed jikber iċ-ċans li naraw lil Miralem Pjanic lura ma’ Juventus. Allegri jħobbu ħafna u l-Bosniaku lest jirritorna ma’ Juventus bil-ġiri. Barcellona, min-naħa tagħhom, jidhru lesti li jisilfuh sabiex jeħilsu mill-paga għolja li għandu. Romeo Agresti qed isostni li Juventus qed jikkunsidraw serjament li jiksbu lura lil Pjanic b;self biex jinvestu l-flus fix-xiri ta’ midfielder ta’ statura internazzjonali. L-ismijiet li qed isiru huma dawk ta’ Milinkovic-Savic u Pogba.

Matthew Scerri

Morata: “Ma naf xejn dwar il-futur tiegħi”

/in /by

Alvaro Morata stqarr li hu ma jaf xejn dwar il-futur tiegħu u li issa moħħu biss fil-Euro2020. Intervistat minn Radio Marca, Morata stqarr li l-aġent tiegħu jinsab għaddej bit-taħdidiet mal-klabbs konċernati u qed jistenna li jkun jaf mingħandu fejn se jilgħab is-sena d-dieħla.

Matthew Scerri

Allegri se jkollu l-ewwel laqgħa mad-diriġenza

/in /by

Nhar il-Ħamis Massimiliano Allegri se jkun qed jiltaqa’ mad-diriġenza Bianconera sabiex flimkien jibdew ifasslu l-istrateġiji għas-suq tat-trasferimenti. Diversi sorsi qed jagħtu bħala ċerta dil-laqgħa. Ma nafux imma min se jiltaqa’ ma’ Allegri min-naħa ta’ Juventus hekk kif Cherubini u Arrivabene għadhom ma ġewx ikkonfermati fil-karigi tagħhom. Nifhmu li Nedved għandu jkun preżenti peress li x’aktarx bħalissa hu qed jimla’ temporaneament il-vojt ta’ Paratici. Ovvjament jista’ jkun ukoll li bejn illum u għada tingħata l-aħbar tal-ħatriet il-ġodda ta’ Cherubini u Arrivabene biex b’hkk huma jkunu jistgħu jibdew jħadmu id f’id ma’ Allegri. F’an l-istadju hemm ħafna xi jsir fis-suq tat-trasferimenti. Ibda biex wieħed irid jara x’se jkun il-futur ta’ Ronaldo. Barra minn hekk hemm il-kuntratti ta’ Chiellini u Dybala x’jiġġeddu. Fl-istess ħin hemm xi plejers li jridu jinbigħu biex Juventus ikunu jistgħu jsaħħu nofs il-grawnd tagħhom. Insomma, hemm ħafna xi jsir u ż-żmien qed jagħfas.

Matthew Scerri