Posts

Il-kundizzjonijiet ta’ Juventus biex ibigħu lil McKennie

/in /by

Weston McKennie jista’ jitlaq lil Juventus. Ilna nisimgħu u naqraw li McKennie jaf ikun mibjugħ minħabba li Juventus jeħtieġu jagħmlu plusvalenze sat-30 ta’ Ġunju meta tagħlaq is-sena finanzjarja. McKennie sewa lil Juventus 18.5 miljun Ewro flimkien ma’ 6.5 miljun Ewro oħra f’bonuses. Dan ifisser li biex Juventus ibigħuh trid taslilhom offerta minn tal-inqas ta’ 30 miljun Ewro. Barra minn hekk din l-offerta trid tasal sal-aħħar ta’ Ġunju. Wara Lulju, jekk ħadd ma jkun ressaq offerta għalih, hu probabbli li Juventus jagħżlu li jżommu lil McKennie magħhom għall-istaġun li jmiss dejjem jekk ikun iridu l-kowċ tas-sena d-dieħla. Fil-fatt f’Lulju tibda sena finanzjarja oħra u Juventus ikollhom sena żmien biex isaħħu l-qagħda finanzjarja tagħhom.

Matthew Scerri

Juventus kisbu lil Huijsen

/in /by

Juventus kisbu lid-difensur ta’ Malaga, Dean Huijsen. Hu għad għandu sittax-il sena. Jilgħab bħala difensuri ċentrali u fiżikament hu b’saħħtu ħafna. Fuqu kien hemm Real Madrid u Sevilla, biss finalment kienu Juventus li kisbu l-firma tiegħu fuq il-kuntratt kif ikkonferma missieru stess ma’ Voetbalzone.nl.

Matthew Scerri

Min jista’ jieħu post Alex Sandro ma’ Juventus

/in /by

Alex Sandro jista’ jkun li jitlaq lil Juventus das-sajf. Skont Tuttosport hemm tlett iplejers li jistgħu jiħdulu postu ma’ Juventus: Emerson Palmieri (Chelsea), Gosens (Atalanta) u José Gayà (Valencia). Fl-aħħar sigħat kellna anki rapporti li Gosens irrifjuta offerta mressqa minn Leicester minħabba li hu qed jagħtu l-ewwel preferenza tiegħu lil Juventus.

Matthew Scerri

L-ultras ta’ Milan f’konfront ma’ Donnarumma. Ma jriduhx jilgħab kontra Juventus

/in /by

Sky qed jirrapurtaw li delegazzjoni ta’ partitarji ultras ta’ Milan marru Milanello u talbu li jkellmu lil Donnarumma. Il-gowler għall-ewwel irrifjuta anki minħabba kwisjtoni marbuta mas-sigurtà, biss eventwalment aċċetta li jisma’ dak li kellhom xi jgħidulu. Allegatament l-ultras ma kinux ħelwin fi kliemhom u saħansitra waslu jitolbu lil Donnarumma ma jilgħabx kontra Juventus jekk ikun għadu ma ġeddidx il-kuntratt.

Matthew Scerri

Chelsea u Barcellona b’saħħa fuq Rabiot

/in /by

Chelsea u Barcellona huma l-aktar żewġ timijiet li qed juru interess f’Adrien Rabiot. Huma qed jikkunsidraw serjament li jressqu offerta għalih. Min-naħa tagħhom, Juventus jidhru li lesti jbigħu lil Rabiot u qed jitolbu minn tal-inqas 20 miljun Ewro.

Matthew Scerri

Trincao mill-ġdid imsemmi ma’ Juventus

/in /by

Trincao qed jerġa’ jkun imsemmi ma’ Juventus. Ir-relazzjonijiet bejn Juventus u Barcellona huma tajbin ħafna u hu probabbli ferm li das-sajf il-klabbs se jkunu qed ipartu xi plejers bejniethom. Trincao hu wieħed minn dawk li jista’ jkun li jitlaq minn Spanja biex jingħaqad ma’ Juventus.

Matthew Scerri

Everton b’offerta għal Demiral

/in /by

Merih Demiral mistenni jkollu diversi offerti das-sajf minn klabbs oħra. Il Corriere di Torino qed jirraporta li Everton bdew jikkunsidraw li jressqu offerta ta’ bejn 25-30 miljun Ewro għalih. Juventus, f’dan l-istadju, jidhru li ma jridux ibigħuh. Madankollu mhux eskluż li minħabba l-qagħda tal-finanzjarja tal-klabb, Juventus jaf ikunu kostretti jbigħu lil Demiral jekk taslilhom offerta tajba.

Matthew Scerri

Barcellona għadhom iridu lil De Ligt

/in /by

Skont El Chiringuito, Barcellona se jagħmlu tentattiv ieħor das-sajf biex jiksbu lil Matthijs De Ligt. Juventus min-naħa tagħhom ma jridux jafu li jbigħu lil De Ligt u se jirrifjutaw kull offerta li se taslilhom għalih. Tajjeb infakkru li fil-kuntratt ta’ De Ligt hemm klawżola li biha jista’ jinħall mill-kuntratt bil-ħlas ta’ penali ta’ 125 miljun Ewro. Dil-klawżola, però, se tidħol fis-seħħ biss fl-2022.

Matthew Scerri

Atletico Madrid jipproponu l-bdil Morata-Dybala

/in /by

Qed ikun irrapurtat li Atletico Madrid ipproponew lil Juventus bdil ta’ plejers bejn Morata u Dybala. Morata bħalissa jinsab misluf lil Juventus mingħand Atletico. Il-Bianconeri m’għandhomx 45 miljun biex jixtru lil Morata. L-Ispanjoli, min-naħa tagħhom għarrfu lil Juventus li lesti jagħtu lil Morata għal kollox lil Juventus bi tpartit ma’ Dybala. F’dan l-istadju jidher li hu tassew diffiċli li jsir dat-tpartit hekk kif m’hemmx dubju li Dybala għandu valur ferm ogħla minn dak ta’ Morata.

Matthew Scerri

Se jkun innegozjat mill-ġdid il-ftehim għas-self ta’ Morata

/in /by

Diversi rapporti li qed jidhru fil-gazzetti Taljani qed isostnu li Juventus lesti jġeddu s-self ta’ Alvaro Morata biss biħsiebhom jinnegozjaw mill-ġdid il-ftehim ma’ Atletico Madrid. Fis-sajf li għadda l-klabbs laħqu ftehim li dis-sena Juventus jistgħu jixtru lil Morata għal kollox jew inkella jġeddu s-self billi jħallsu 10 miljuni oħra. F’dan l-istadju hu impossibbli li Juventus jixtru għal kollox lil Morata minħabba s-sitwazzjoni finanzjarja u għaldaqstant se jġeddu s-self tiegħu. Is-somma ta’ 10 miljuni, wara li diġà kienu tħallsu 10 miljuni oħra sena ilu għas-self f’dan l-istaġun, hi meqjusa għolja. Juventus mistennija jkellmu lil Atletico Madrid u se joffrulu 5 miljuni minflok 10 miljuni għas-self fl-2021/22.

Matthew Scerri