Waqt intervista esklussiva mogħtija lil Chiringuito Tv, Florentino Perez eskluda li Ronaldo se jkun qed jirritorna ma’ Real Madrid. Hu qal: “Cristiano Ronaldo mhux ġej lura ma’ Real Madrid. Ma jagħmilx sens. Għandu kuntratt ma’ Juventus.”
Matthew Scerri
La Gazzetta dello Sport qed tirraporta li Juventus lesti joffru bejn bejn Rabiot, Ramsey u Bernardeschi lil Everton għal Moise Kean. Skont il-gazzetta r-roża Ancelotti jippreferi minflok lil Demiral. In-negozjati bejn il-klabbs mistennija jkomplu. Tajjeb infakkru imma li PSG għandhom id-dritt li jixtru lil Kean għal kollox das-sajf għal prezz maqbul is-sena li għaddiet. Fi kliem ieħor f’dan l-istadju l-ballun jinsab f’idejn il-Franċiżi u huma, aktar minn Everton, jistgħu jiddeċiedu l-futur ta’ Kean.
Matthew Scerri
Skont Tuttosport das-sajf Chelsea se jagħmlu tentattiv biex jiksbu lil Paulo Dybala. Huma lesti joffri lil Emerson Palmieri, Jorginho u flus biex jiksbu lil Dybala. Jidher anki li Chelsea huma interessati f’Alex Sandro u għaldaqstant jista’ jkun li das-sajf Juventus u Chelsea se jkunu qed jibdlu diversi plejers bejniethom.
Matthew Scerri
Fl-aħħar ġimagħtejn l-għidut dwar x’jista’ jiġri fil-futur ta’ Donnarumma ma waqfu xejn. Nafu li Milan għadhomx ma jistgħux jilħqu ftehim ma’ Raiola u kollox jindika li ma jistgħux jissodisfaw it-talbiet li qed jagħmel l-aġent f’isem il-gowler Taljan. Għaldaqstant hu probabbli li minkejja l-imħabba li Donnarumma għandu għal Milan, das-sajf hu se jkun qed jitlaqhom. Juventus qed jissemmew b’saħħa. Szczesny fl-aħħar ftit xhur kellu wirjiet kemxejn diżappuntanti u minħabba f’hekk Juventus qed jikkunsidraw li jbigħu lill-gowler Pollakk. F’dan l-istadju jidher li Juventus mhux se jkunu jistgħu jiffirmaw lil Donnarumma qabel isibu biegħ għal Szczesny. Fil-fatt Szczesny għandu paga ta’ madwar 7 miljuni u Juventus ma jaffordjawx li jkollhom reserve b’paga daqstant għolja, anki għax Donnarummma se jkun qed jitlob 10 miljuni. Il-problema bħas-soltu hi li l-plejers ta’ Juventus ma jinbigħux malajr minħabba l-paga fenomenali li għandhom u li timijiet oħra mhux dejjem ikunu jistgħu joffrulhom.
Matthew Scerri
Liverpool jidhru interessati ferm li jiksbu lil Aaron Ramsey. Fil-fatt skont Todofichajes.com, it-tim ta’ Klopp mistenni jressaq offerta ta’ 15-il miljun Ewro lil Juventus għalih. Il-Bianconeri lesti jbigħu lil Ramsey das-sajf peress li mhumiex sodisfatti bir-rendiment tiegħu f’dawn l-aħħar sentejn.
Matthew Scerri
Teżisti l-possibilità li das-sajf Juventus u PSG ipartu lil Dybala u Icardi skont Tuttosport. Il-bdil jista’ jsir minħabba raġunijiet ekonomiċi aktar milli tekniċi. Juventus jeħtieġu jagħmlu plusvalenza qawwija u l-bejgħ ta’ Dybala se jkun jista’ jippermettilhom jagħmlu dil-plusvalenza. Fl-istess ħin nafu li Dybala qed jitlob paga għolja u, kif qal Paratici lbieraħ, bħalissa hu żmien ta’ kawtela u prudenza mil-lat finanzjarju minħabba t-taqlib li l-Covid ġab miegħu fl-aħħar sena. Fi kliem ieħor, il-klabbs bħalissa ma jafux xi dħul se jkollhom fl-istaġun 2021/22 u għaldaqstant ma jistgħu jidħlu għal kuntratti ta’ pagi fenomenali. L-idea hi, insomma, li Juventus u PSG ipartu lil Dybala-Icardi bi prezzijiet imneffħin sew, liema somom mhuma qatt realment se jgħaddu minn klabb għall-ieħor. Hekk Juventus ikunu jistgħu inaqqsu d-deficit ta’ dis-sena u fl-istess ħin jiksbu plejer li żgur se jitlob paga inqas minn dik ta’ Dybala.
Matthew Scerri
L-aġent Giuseppe Riso tkellem ma’ Tuttosport dwar Nicolò Rovella. Hu kellu kliem ta’ tifħir għal Rovella kemm mil-lat tekniku kif ukoll minn dak uman. Fi kliemu mhuwiex eskluż li Juventus jagħżlu li jinkluduh fit-tim tagħhom minn das-sajf stess. Kollox se jkun qed jiddendi fuq dak li se jiġri fix-xahrejn li ġejjin u, fuq kollox, fuq l-għażliet tal-klabbs. Infakkru li Juventus xtraw lil Rovella f’Jannar u se ftehmu li jħalluh b’self ma’ Genoa.
Matthew Scerri
Il-gowl li skurja kontra Napoli jaf ibiddel il-futur ta’ Dybala. Skont Tuttosport f’Mejju Juventus se jiltaqgħu mill-ġdid mal-aġent ta’ Dybala. L-offerta tal-Bianconeri hi ta’ 10 miljuni fis-sena u mhux se togħla. Dybala s’issa dejjem talab 15-il miljun fis-sena, biss jista’ jkun li finalment jaċċetta l-proposta Juventin. Dan l-għaliex, skont La Gazzetta dello Sport, Dybala ma tantx hu konvint li jingħaqad ma’ tim ieħor bi tpartit ma’ xi ħaddieħor (Icardi, Griezmann, Dembele jew Pogba). Ir-raġuni hi li Dybala jibża’ li ma jkunx fiċ-ċentru tal-proġett ma’ tim ieħor daqshekk hu ma’ Juventus.
Matthew Scerri
Wieħed mill-ewwel plejers li x’aktarx Juventus se jkunu qed jixtru das-sajf hu Hamed Junior Traoré. Sassuolo se jkunu qed jixtruh għal kollox das-sajf mingħand Empoli. Juventus, min-naħa tagħhom, għandhom ftehim verbali ma’ Sassuolo biex jixtru lil Traoré mingħandhom għal 18-il miljun Ewro. Dis-sena Traoré kellu staġun mill-aqwa u għaldaqstant hu probabbli ferm li Juventus jixtruh.
Matthew Scerri
Minkejja l-istaġun ta’ Fiorentina kien wieħed mill-aktar deludenti, Gaetano Castrovili kompla juri t-talent tiegħu. Milan, Roma, Juventus u Atalanta jidhru li għadhom interessati ferm fih u skont Il Corriere dello Sport das-sajf se jagħmlu tentattiv biex jixtruh.
Matthew Scerri