Il-futur ta’ Memphis Depay għadu inċert immens. Juventus u Barcelona qed jittamaw li jiffirmawh b’xejn hekk kif f’Ġunju jintemmlu l-kuntratt ma’ O.Lyon. Madankollu mhuwiex ċert li l-Olandiż se jitlaq lil O.Lyon. Fil-fatt il-President tagħhom, Aulas, stqarr illum li għadu jittama li Depay jaċċetta l-proposta li ressqulu.
Matthew Scerri
Chelsea u Tottenham huma lesti joffru 55 miljun Ewro għal Paulo Dybala skont France Football u The Sun. Il-prezz ta’ Dybala qed jitbaxxa peress li hu għandu kuntratt ma’ Juventus li jiskadi fl-2022. Konvinti li jekk Dybala mhuwiex se jiffirma kuntratt ġdid ma’ Juventus fix-xahrejn li ġejjin, se nqattgħu sajf sħiħ nisimgħu b’timijiet interessati li jiksbuh. Min-naħa tagħna nemmnu li Dybala ħaqqu kuntratt ġdid ma’ Juventus (speċjlament meta tqis li hu dejjem stqarr li ma jridx jitlaq) u, fuq kollox, li tkun ħaġa stupida immens li Juventus jirriskjaw li jitilfuh b’xejn sena u nofs oħra.
Matthew Scerri
Intervistat minn Kicker, Robin Gosens stqarr li hu unur għalih li qed ikun imsemmi ma’ klabbs kbar u importanti bħal Juventus u Manchester City. Hu żvela anki li Atalanta għandhom id-dritt, skont il-kuntratt tiegħu, li jtawlulu l-istess kuntratt fl-2022 għal sena oħra.
Matthew Scerri
Fis-sajf jista’ jkun li Juventus jagħmlu tentattiv li jiksbu lil Aouar bi tpartit ma’ Douglas Costa. Skont Tuttosport, Juventus huma interessati ferm li jiksbu s-servizzi ta’ Aouar, li għandu valur ta’ bejn 50 u 60 miljun Ewro. Fil-pjanijiet ta’ Juventus hemm li joffru lil Costa u somma flus lil O.Lyon biex jiksbu lil Aouar.
Matthew Scerri
Juventus qed jirriskjaw li jitilfu lil Radu Dragusin b’xejn. Il-kuntratt tiegħu jiskadi f’Ġunju u s’issa t-taħdidiet għall-kuntratt il-ġdid tiegħu ma wasslu imkien. Fuqu hemm interess qawwi min-naħa ta’ Newcastle, Crystal Palace, Leipzig u wolfsburg. Dawn tal-aħħar, skont Calciomercato.com, huma l-favoriti nett li jiksbu s-servizzi tiegħu fl-istaġun li jmiss.
Matthew Scerri
Fl-aħħar jumejn Don Balon kitbu ħafna dwar interess ta’ Juventus f’Raphael Varane. L-ewwel intqal li kien Pirlo li talab l-akkwist tiegħu u issa qed jinkiteb ukoll li Ronaldo qed jagħmel pressjoni biex Varane jingħaqad ma’ Juventus. Il-prezz tiegħu, però, hu tassew għoli: 50 miljun Ewro.
Matthew Scerri
Skont Calciomercato.com hu probabbli li fis-sajf Juventus ma jixtruh lil Morata għal kollox u minflok jużaw id-dritt li jġeddu s-self għal sena oħra bil-ħlas ta’ 10 miljuni oħra. Għandna nifhmu li dan se jkun qed issir minħabba li Juventus għandhom xi dubji dwar l-valur ta’ Morata. Nafu, imma, li d-dejn tal-klabb u d-dħul limitat li l-klabb qed ikollu b’rabta mal-Covid-19, Juventus iridu jkunu iktar prudenti fl-investimenti tagħhom. Fi kliem ieħor Juventus jippreferu jġeddu s-self għax ikun ifisser li s-sena d-dieħla tidher fl-accounts tagħhom is-somma ta’ 10 miljuni biss u mhux somma ikbar għax-xiri tal-attakkant Spanjol.
Matthew Scerri
Ċerta plejers jibqgħu jissemmew sena wara l-oħra ma’ Juventus. Wieħed minn dawn hu Hector Bellerin ta’ Arsenal. Skont il-media Ingliża fuqu hemm anki Milan apparti l-Bianconeri. Il-prezz li Arsenal qed jitolbu għalih hu ta’ 28 miljun Ewro.
Matthew Scerri
“Għandi kuntratt ma’ Juventus u nixtieq nirritorna. L-Italja hu pajjiż li jogħġobni u f’Turin kont integrajt sew. Għad għandi f’qalbi lis-supporters.” Hekk tkellem Douglas Costa fuq iċ-channel Twitch ta’ Pierluigi Pardo.
Matthew Scerri
Diversi klabbs importanti qed isegwu mill-qrib lil Florian Neuhaus ta’ Borussia Moenchengladbach. Il-plejer ta’ nofs il-grawnd hu wieħed minn dawk li l-aktar impressjona dis-sena u qed jattira fuqu l-interess ta’ klabbs kbar. Fost dawn, il-Liverpool Echo jsemmi anki lil Juventus. Apparti l-Bianconeri jriduh anki Liverpool, Borussia Dortmund u Bayern Munich.
Matthew Scerri