Juventus u Inter f’kuntatt ma’ Aguero
Skont El Chiringuito Juventus u Inter kellhom kuntatti ma’ Sergio Aguero li għandu kuntratt ma’ Manchester City li wasal biex jintemm. Fuqu hemm anki interess min-naħa ta’ Barcellona.
Matthew Scerri
Posts
Milik jista’ jinħall mill-kuntratt ma’ O. Marseille jekk …
Calciomercato.com żvelaw li fil-kuntratt ta’ Milik ma’ O. Marseille hemm klawżola li permezz tagħha l-attakkant Pollakk jista’ jinħall mill-kuntratt tiegħu bil-ħlas ta’ penali li tammonta għal 12-il miljun Ewro. Din hi somma tassew baxxa u hu probabbli li fis-sajf Juventus iressqu offerta għalih.
Matthew Scerri
Depay għadu fil-mira ta’ Juventus
Skont Calciomercato.com, Juventus għadhom qed jaħdmu biex jikkonvinċu lil Memphis Depay jingħaqad magħhom. Hu għandu kuntratt ma’ O.Lyon li jiskadi f’Ġunju u għaldaqstant bħalissa hu free-agent. Apparti Juventus, hemm anki Barcellona u Borussia Dortmund li jriduh.
Matthew Scerri
Interess minn klabbs tal-Premier League f’Rabiot
Carlo Ancelotti għadu jrid b’saħħa lil Adrien Rabiot ma’ Everton skont Todofichajes.com. Jidher li hemm anki klabbs oħra mill-Premier League li qed juru interess fih. Min-naħa tagħhom Juventus jidhru li lesti jisimgħu l-offerti tal-klabbs konċernati. L-unika kundizzjoni hi li min irid jixtrih irid minn tal-inqas joffri 30 miljun Ewro.
Matthew Scerri
Juventus qrib li jiksbu lil Balogun
Allegatament Juventus jinsabu qrib li jiffinalizzaw akkwist fl-attakk. Don Balon, fil-fatt qed jirrapurtaw li Juventus resqin lejn ftehim għal Folarin Balogun, attakkant Amerikan (b’ċittadinanza Ingliża) ta’ 19-il sena li hu l-captain tal-Under 23 tal-Arsenal. Fuqu hemm interess qawwi anki min-naħa ta’ Manchester United u Leipzig, biss jidher li Juventus huma qrib ħafna l-akkwist tiegħu.
Matthew Scerri
Juventus għadhom iridu lil Marcelo
Is-sit todofichajes.com qed jagħti l-aħbar li Juventus għadhom interessati li jiksbu s-servizzi ta’ Marcelo. Real Madrid qed jitolbu 10 miljuni għalih. L-ikbar ostaklu għal dat-trasferiment jibqa’ l-fatt li l-plejer qed jitlob paga għolja ħafna.
Matthew Scerri
Ramsey fil-mira ta’ klabbs Ingliżi
Il-gazzetta Mirror qed tagħti l-aħbar li Aaron Ramsey jinsab fil-mira ta’ klabbs tal-Premier League għal das-sajf. Il-klabbs li qed juru interess fih huma Tottenham u Wolves.
Matthew Scerri
Rugani ma’ Cagliari
Daniele Rugani se jkompli dan l-istaġun ma’ Cagliari. It-trasferiment hu wieħed uffiċjali. Is-self ta’ Rugani ma’ Rennes wasal fi tmiemu u Rugani se jkun qed jingħaqad ma’ Cagliari. Għada Rugani se jkun fil-belt ta’ Cagliari għat-testijiet mediċi.
Matthew Scerri
Torino jridu lil Kastanos ukoll
F’dawn is-sigħat Torino kellmu lil Juventus anki dwar Kastanos. Skont Tuttosport, Torino qed jippruvaw jiksbu lil Kastanos ukoll apparti lil Rugani u Mandragora.
Matthew Scerri
Rugani fil-mira ta’ tliet klabbs tas-Serie A
Tliet klabbs tas-Serie A qed juru interess qawwi f’Daniele Rugani. Fil-jiem li għaddew kien intqal li Torino kellhom ftehim ma’ Juventus għas-self tiegħu. JIdher li l-ftehim għadu mhuwiex wieħed definittiv. Tant hu hekk li Parma u Bologna għamlu kuntatt ma’ Juventus għalih.
Matthew Scerri