Posts

Messaġġ enigmatiku min-naħa ta’ Suarez

/in /by

Messaġġ tassew enigmatiku min-naħa ta’ Luis Suarez u f’waħda mill-istories tiegħu fuq Instagram tella’ ritratt tiegħu bil-caption li tgħid bejn wieħed u ieħor: “Nidħak waqt li ħerġin Fake News.” Ma nafux eżattament għal xiex qed jirreferi. Jista’ jkun li rrefera għall-għidut li jridu qrib li jingħaqad ma’ Juventus? Jew inkella jista’ jkun li qed jirreferi għall-aħbar ta’ ftit jiem ilu li Koeman ma riedx iħallih jittrenja mal-bqija tal-grupp? Jew forsi qed jirreferi għal dak il-filmat tiegħu waqt it-training fejn ma kienx brillanti? Jew forsi hemm riferiment għal xi ħaġa ohra? Ħadd ma jaf xejn.

Matthew Scerri

Morata ma’ Juventus possibbli biss jekk …

/in /by

Alvaro Morata kemm-il darba ssemma ma’ Juventus fl-aħħar jiem. Atletico Madrid, però, ma jridux ibigħuh. Tajjeb ngħidu li l-Ispanjoli investew 60 miljun biex xtrawh u għaldaqstant mhux se jitilquh minn idejhom għal inqas minn hekk. L-unika tama għal Juventus li jixtru lil Morata hi li Atletico Madrid jaċċettaw bdil ma’ Douglas Costa jew Bernardeschi. F’dan l-istadju hu ovvju li Juventus ma jistgħux jonfqu 60 miljun, biss jekk Atletico jieħdu lil Costa jew lil Bernardeschi, il-Bianconeri jkun fadlilhom biss somma żgħira x’joħorġu biex tagħmel tajjeb għad-differenza fil-valur tal-plejers.

Matthew Scerri

M’hemmx bejgħ u s-suq tat-trasferimenti Juventin jibqa’ stagnat

/in /by

Għat-tieni sajf konsekuttiv Juventus qed isibuha tassew bi tqila biex jbigħu plejers mit-tim tagħhom. Ilna nisimgħu li Paratici qed jipprova jsib timijiet li jixtru lil De Sciglio, Ramsey, Douglas Costa, Alex Sandro u oħrajn. S’issa, però, xejn għadu ma seħħ u probabbli li ma tantx se jiġrui wisq fil-ġimgħat li ġejjin. Il-problema tibqa’ bħal dejjem il-prezz li għandhom dawn il-plejers, il-pagi tagħhom u l-ammont ta’ injuries li jsofru kull sena. Dawn kollha huma fatturi li qed iwasslu biex timijiet oħra jibżgħu jixtru jew jiksbu bi tpartit lil xi wieħed mill-plejers imsemmija. Minn qalbna nittamaw li Paratici jirnexxilu jbigħ lil xi ħadd għax inkella, b’xorti ħażin, is-suq tat-trasferimenti ta’ Juventus se jibqa’ stagnat.

Matthew Scerri

Bernardeschi fil-mira ta’ Roma

/in /by

Federico Bernardeschi jinsab mill-ġdid fil-mira ta’ Roma. Nafu li l-klabb tal-kapitali qed jipprova jbigħ lil Dzeko u lil Under. Barra minn hekk għadhom kemm tilfu lil Zaniolo għal sitt xhur. Skont La Repubblica, Roma qed jikkunsidraw li jressqu offerta għal Bernardeschi peress li hu plejer li kapaċi jilgħab bħal midfielder jew attakkant estern.

Matthew Scerri

Borussia Dortmund ukoll iridu lil Kean

/in /by

Tiżdied il-konkorrenza għall-akkwist ta’ Moise Kean. Jidher fil-fatt li anki Borussia Dortmund jinsabu interessati li jiksbuh. Min-naħa tiegħu, Kean x’aktarx qed jagħti l-ewwel preferenza tiegħu lil Juventus. S’issa, però, Juventus għadhom a sabux ftehim ma’ Everton wara li l-Ingliżi rrifjutaw tpartit ma’ Ramsey. F’dan l-istadju t-taħdidiet bejn Juventus u Everton huma fuq il-bażi ta’ self bl-obbigu li jinxtara għal kollox sena jew sentejn oħra.

Matthew Scerri

Depay se jieħu post Suarez ma’ Barcellona

/in /by

Barcellona identifikaw f’Memphis Depay is-sostitut ta’ Suarez. Nafu li l-attakkant Urugwajan jinsab qrib li jingħaqad ma’ Juventus jew Atletico Madrid f’każ li l-passaport jilħaq ma joħroġx. Minflok Suarez, Koeman talab l-akkwist ta’ Depay. F’das-sens qed jissemma li Barcellona offrew 25 miljun Ewro flimkien ma’ Umtiti għal Depay.

Matthew Scerri

Rugani mistenni jibqa’ ma’ Juventus

/in /by

Daniele Rugani finalment jaf ma jitlaqx lil Juventus. Skont Tuttojuve.com, diversi klabbs urew interess fih. Min-naħa tagħhom, Juventus ma jidhrux disposti jitilquh minn idejhom sakemm ma tasalx offerta tajba ta’ bejn 25 u 30 miljun Ewro.

Matthew Scerri

Jonqos biss il-passaport

/in /by

Kollox lest barra l-passaport. Juventus għandhom ftehim ma’ Suarez u jidher li anki Barcellona se jkunu ikkuntentati b’somma żgħira ta’ flus. Skont Sky kollox jinsab lest għal dat-trasferiment, apparti ovvjament il-passaport. Suarez talab li jinħariġlu l-passaport biss s’issa għadu mhuwiex magħruf jekk dal-passaport huwiex se jilħaq joħroġ sal-5 ta’ Ottubru meta jagħlaq is-suq tat-trasferiment. Kif konna spjegajna bla passaport Taljan, Juventus ma jistgħux jirreġistraw lil Suarez. Hu għalhekk li l-Bianconeri għadhom ma qatgħux il-kuntatti ma’ Dzeko u Cavani biex f’każ li ma jilħaqx joħroġ il-passaport ta’ Suarez, Juventus ikollhom f’idejhom attakkant ieħor lest.

Matthew Scerri

Raiola għandu ftehim ma’ Juventus għal Donnarumma?

/in /by

Donnarumma jista’ jsir il-gowler ta’ Juventus mis-sajf 2021 meta jintemmlu l-kuntratt ma’ Milan. Skont Sportitalia Raiola qed jilgħab għaż-żmien u s’issa għadu ma jistax isib ftehim ma’ Milan għall-kuntratt il-ġdid tiegħu. Probabbli li qed jagħmel hekk għax għandu ftehim ma’ Juventus. Il-Bianconeri lesti jagħtu paga ta’ 10 miljuni fis-sena lil Donnarumma, kif ukoll commission ta’ 15-il miljun lil Raiola nnifsu.

Matthew Scerri

Uffiċjali: Bucosse b’self ma’ Juventus

/in /by

Juventus ħabbru li kisbu b’self għal sena lil gowler ta’ 17-il sena, Matteo Bucosse. Hu ġie mit-tim ta’ Tolentino u se jkun qed jifforma parti dis-sena mit-tim Under 23 ta’ Juventus.

Matthew Scerri