Alcibiade fieq mill-Covid-19
Raffaele Alcibiade, id-difensur ta’ Juventus U23, fieq mill-Covid-19. Hu kien ittestja pożittiv fl-4 ta’ Novembru li għadda u issa, wara kważi xahar, ħeles mill-virus.
Matthew Scerri
Posts
Diskrepanzi kbar fir-riżultati tal-iswab tests tat-tim ta’ Lazio
Qed ikun irrapurtat li l-esperta mqabbda mill-Procura ta’ Avellino għaddiet ir-rapport dwar l-iswab tests tal-plejers, staff u membri tal-familja tal-plejers ta’ Lazio. L-iswab tests reġgħu ġew ipproċessati mill-isptar Moscati ta’ Avellino. Minn 95 swab test irriżulta li kien hemm 25 każ ta’ pożittività għall-Covid-19. Fis-6 ta’ Novembru li għadda mill-istess swab tests ipproċessati mil-laboratorju Futura Diagnostica, kien irriżulta li kien hemm 7 każi biss pożittivi. Hemm diskrepanza ta’ 18-il każ. Qed ikun ikkonfermat ukoll li qabel il-partita kontra Juventus, Immobile u Leiva kienu negattivi, filwaqt li Strakosha kien pożittiv (għal Futura Diagnostica però il-gowler kien negattiv ukoll!).
Matthew Scerri
Bentancur m’għandux il-Covid
Rodrigo Bentancur ittestja negattiv għaż-żewġ swab tests li sarulu lbieraħ u llum wara li rritorna mill-impenji mat-tim nazzjonali. Nafu li sieħbu tat-tim nazzjonali, Godin, instab pożittiv. Illum hu ttrenja apparti b’mod prekawzjonali sabiex tkun imħarsa saħħet il-plejers l-oħra. Għada se jsirlu swab test ieħor u jekk ir-riżultat jerġa’ jkun negattiv, allura hu jkun jista’ jilgħab kontra Cagliari.
Matthew Scerri
Godin pożittiv għall-Covid-19. Cagliari jħallu barra anki lil Nandez
Diego Godin ittestja pożittiv għall-Covid-19 u se jitlef il-partita kontra Juventus. Cagliari ddeċidew li anki l-Urugwajan l-ieħor, Nandez, jitħalla barra mil-lista ta’ plejers mgħajta għall-partita ta’ Turin. Hu ttestja negattiv u allura m’għandux il-virus. Madankollu b’mod prekawzjonali Cagliari ħallew barra peress li kien f’kuntatt ma’ Godin.
Matthew Scerri
Miċħuda l-aħbar tal-Ansa dwar l-iswab tests ta’ Lazio
Kelliem għall-Procura ta’ Avellino ċaħad l-aħbar mogħtija mill-Ansa b’rabta mal-iswab tests ipproċessati mil-laboratorju Futura Diagnostica. Dil-persuna kkonfermat li l-espert reġa’ pproċessa l-istess swab tests u għadda r-riżultati lill-Procura. S’issa m’hemmx ismijiet ta’ plejers li setgħu kienu pożittivi (ilbieraħ issemma’ Strakosha). Minflok ismijiet bħalissa hemm biss barcodes u eventwalment ‘il quddiem jistgħu jkunu magħrufa l-ismijiet. Il-kelliem temm jgħid li għalissa dak li qed jinkiteb fil-gazzetti ma jaqbilx mal-informazzjoni miġbura mill-Procura.
Matthew Scerri
Vida kellu jinbidel minħabba li nstab pożittiv għall-Covid-19
Ilbieraħ intlagħbet il-partita ta’ ħbiberija bejn it-Turkija u l-Kroazja. Fl-intervall bejn l-ewwel u t-tieni taqsima Vida kellu jinbidel minħabba li waslu r-riżultati tal-iswab tests u hu kien pożittiv. Sitwazzjoni tassew inaċċettabbli! Il-protokolli tal-Uefa jidhru li mhux qed jaħdmu sew ladarba r-riżultati tal-iswab tests qed joħorġu wara li l-partita tkun bdiet. Barra minn hekk nibqgħu nsostnu li dawn il-partiti tat-timijiet nazzjonali, speċjali l-partiti ta’ ħbiberija, huma tassew barra minn posthom f’dawn iż-żminijiet ta’ pandemija fejn kulħadd qed jipprova jevita taħlit għalxejn ma’ persuni oħra.
Matthew Scerri
Strakosha kien pożittiv għall-Covid!
L-aġenzija tal-aħbarijiet Ansa qed tirraporta li l-espert imqabbad mill-Procura ta’ Avellino reġà ipproċessa l-iswab test li kienu saru mil-laboratorju Futura Diagnostica fis-6 ta’ Novembru qabel Lazio-Juventus. Irriżulta li Strakosha kien pożittiv, filwaqt li Immobile u Leiva kienu negattivi. Infakkru li dakinhar stess it-tliet plejers kienu ttestjaw pożittivi għal rapid test li kienu sarulhom minn laboratorju ieħor, Campus Biomedico. Il-Procura ta’ Avellinio qed tinvestiga jekk sarux irregolaritajiet minn Futura Diagnostica li wasslu biex xi plejers ta’ Lazio lagħbu kontra Torino waqt li kellhom il-Covid. Jekk dan ikun ikkonfermat il-konsegwenzi legali għal-laboratorju se jkun gravissimi, filwaqt li anki Lazio jistgħu jinstabu ħatja mill-giustizia sportiva li kisru l-protokoll tal-FIGC.
Matthew Scerri
L-ASL twaqqaf lil xi plejers milli jingħaqdu mat-timijiet nazzjonali
Is-sezzjonijiet reġjonali tal-ASL waqqfu lill-plejers ta’ Lazio, Roma u Fiorentina milli jingħaqdu mat-timijiet nazzjonali rispettivi minħabba li hemm każijiet ta’ Covid-19 fit-tim tagħhom. Issemma li dan jgħodd anki għall-plejers ta’ Genoa biss ma hemmx konfermi uffiċjali dwar dan. Il-plejers ta’ Sassuolo, imbagħad, iridu jibqgħu kwarantina sa għada, mentri l-plejers ta’ Inter se jkunu jistgħu jivvjaġġaw biss b’titjiriet privati.
Matthew Scerri
Lazio taħt investigazzjoni!
Il-lejl li għadda il-Guardia di Finanza Taljana marret f’Formello u fil-laboratorju Futura Diagnostica ta’ Avellino biex tiġbor id-dokumenti b’rabta mal-iswab tests tal-plejers ta’ Lazio fil-jiem li għaddew. Il-Procura ta’ Avellino qed tindaga fuq il-każ biex taċċerta li ma kienx hemm irregolaritajiet fit-testijiet tal-Covid-19. Fil-jiem li għaddew, f’diversi okkażjonijiet, xi plejers ta’ Lazio kienu negattivi fit-testijiet li saru mill-imsemmi laboratorju, filwaqt li ttestjaw pożittivi f’testijiet li saru f’laboratorji oħra. M’hemmx xi ngħidu: jekk twettqu xi irregolaritajiet, il-konsegwenzi għal Lazio se jkun gravissimi kemm fil-Qrati Taljani kif ukoll quddiem il-giustizia sportiva. Ta’ min jgħid li jekk l-akkuża tkun ikkonfermata jkun ifisser li xi plejer jew plejers ta’ Lazio lagħbu kontra Torino waqt li kienu pożittivi.
Matthew Scerri
Immobile, Leiva u Strakosha se jitilfu Lazio-Juventus
Immobile, Leiva u Strakosha mhux se jilagħbu għal Lazio fil-partita kontra Juventus. It-tlieta li huma kienu fl-aħbarijiet wara li l-Ġimgħa filgħaxija kienu pożittivi għall-Covid-19 f’test li sarilhom fi klinika Rumana, filwaqt li rriżultat negattivi fl-istess ġurnata f’test ieħor li sarilhom minn laboratrju ta’ Avellino. Ilbieraħ huma kien f’Formello mal-bqija ta’ sħabhom u wara xi ħin kellhom jitilqu minħabba li l-ASL ta’ Ruma ordnat li jitpoġġew taħt kwarantina.
Matthew Scerri