Posts
Uffiċjali: Di Maria jitlaq lil Juventus
Juventus illum sellmu b’mod uffiċjali lil Angel Di Maria li se jitlaq wara li ntemmlu l-kuntratt ta’ sena li ffirma fis-sajf li għadda. Il-kuntratt ta’ Di Maria mhux se jkun imġedded u issa l-istilla Arġentina se tkompli l-karriera tagħha ma’ Benfica jew ma’ xi klabb tal-MLS.
Matthew Scerri
Di Maria jinsab tajjeb
Angel Di Maria m’għandu ebda injury u ħareġ mill-grawnd kontra Udinese minħabba bugħawwieġ. Wara l-partita kien hemm L-ghidut li Di Maria nbidel minħabba i juru muskolari. Madankollu Allegri serraħ ras kulħadd li Di Maria m’għandu xejn.
Matthew Scerri
Għad hemm wisq neqsin!
Għadda ħafna żmien minn l-aħħar logħba ta’ Juventus u forsi ħafna nsew id-diskors li kien jingħad li f’Jannar se jkollu lil kulħadd lura. Il-verita’ sfortunatament hi oħra. Juventus għad għandhom bosta plejers neqsin. Wisq plejers neqsin fil-verita’ u dejjem l-istess ismijiet. Allegri llum qa li jittama li sal-aħħar tax-xahar ikollu lil kulħadd lura tajjeb għal-logħob. Għandna d-dubji tagħna kemm se jkun hekk.
Intant għal għada Allegri rkuoea lil Chiesa u lil Szczesny, għalkemm x’aktarx it-tnejn li huma mhux se jibdew mill-ewwel minuta. Pogba u Vlahovic, mill-banda l-oħra fadlilhom madwar ġimaghtejn-tlieta biex ikunu jistgħu jilagħbu. Bonucci u Cuadrado wkoll għadhom mhux f’sikkithom. De Sciglio u Kaio Jorge għadhom mhux tajbin għal-logħob anki jekk ilhom barra mill-azzjoni għal tul ta’żmien.
Ma’ dawn kollu żdied Di Maria fl-aħħar sigħat. Hu qala’ daqqa fl-għaksa waqt it-training u ma ġiex mgħajjat għall-partita kontra Cremonese.
L-injuries m’għandhiex tkun skuża għal Juventus. Biss lanqas hu sew li Juventus ilhom minn Lulju jhallsu l-pagi miljunarji ta’ Pogba, Di Maria, De Sciglio… u qatt ma jieħdu xejn mingħandhom!
Matthew Scerri
27 plejer Juventin rebaħ it-Tazza tad-Dinja
Juventus huma l-klabb bl-akbar numru ta’ plejers tiegħu li rebħu t-Tazza tad-Dinja matul is-snin. B’kollox kien hemm 27 plejer Juventin li saru Champions tad-dinja ma’ pajjiżhom, bl-aħħar tnejn ikunu Di Maria u Paredes li żdiedu fil-lista proprju lbieraħ.
Il-plejers Juventini kollha li rebħu t-Tazza tad-Dinja huma:
Bertolini, Varglien, Caligaris, Borel, Combi, Ferrari, Monti, Orsi u Rosetta (1934)
Foni u Rava (1938)
Zoff, Cabrini, Gentile, Scirea, Tardelli u Rossi (1982)
Deschamps u Zidane (1998)
Buffon, Cannavaro, Del Piero, Camoranesi u Zambrotta (2006)
Matuidi (2018)
Di Maria e Paredes (2022)
Matthew Scerri
Erbgħa lura għal Juventus kontra Inter
Nhar il-Ħadd kontra Inter, Juventus se jkollhom lura erba’ plejers li. A lagħbu kontra PSG. Danilo dieħel lura wara li kien sospiż jumejn ilu. Di Maria, Vlahovic u Bremer, mill-banda l-oħra, irkupraw mill-injuries tagħhom u se jkunu jistgħu jilagħbu fid-Derby d’Italia.
Matthew Scerri
Di Maria barra għal tliet ġimgħat
Juventus ħabbru li wara li sarulu xi testijiet mediċi, ġie stabbilit li Angel Di Maria se jkollu jibqa’ wieqaf għal madwar 20 jum biex ifiq mill-injury muskolari li sofra. Hu kellu jabbanduna l-grawnd fil-partita kontra Maccabi minħabba uġigħ muskolari f’koxxtu. B’xorti tajba l-injury kien inqas gravi minn kemm kien maħsub għall-ewwel.
Matthew Scerri
Di Maria sospiż għal żewġ partiti
Angel Di Maria ġie sospiż għal żewġ partiti wara li tkeċċa lejn tmiem l-Ewwel Taqsima tal-partita kontra Monza. Hu se jitlef il-partiti kontra Bologna u Milan.
Matthew Scerri
Żewġ plejers ma qagħdux għat-tisfir tas-supporters
Fi tmiem Juventus-Benfica, il-plejers Juventini marru taħt il-Curva bħas-soltu biex isellmu lis-supporters. Huma kienu milqgħuha minn ħafna tisfir. Bonucci stess wara kkummenta li Juventus ħaqqhom dat-tisfir. Tajjeb ngħidu li qatt ma ġrat fl-istorja li Juventus tilfu l-ewwel żewġ partiti tal-grupp taċ-Champions League. Allegri kien qalilna li biex ngħaddu rridu 10 punti. Fadal 12-il punt li nistgħu nieħdu u onestament dat-tim diffiċli li jikseb 10 punti fl-erba’ partiti li fadal!
Filmati li dehru fuq Twitter juru sew li kien hemm żewġ plejers li ma qagħdux għat-tisfir tas-supporters u għażlu li joħorġu mill-grawnd. Il-plejers huma Di Maria u Paredes. Di Maria deher nervuż ferm wara l-partita u hemm filmati tiegħu jitkellem b’mod irrabjat ma’ Milik. Skont l-interpretazzjoni ta’ ħafna, Di Maria kien irrabjat għax Allegri bidel lil Milik ma’ Kean. Ma nafux jekk dan huwiex minnu. Li hu żgur hu li fi tmiem il-partita, hu baqa’ f’nofs il-grawnd u ma marx ma’ sħabu taħt il-Curva. Imbagħad malli sema’ l-ewwel tisfir tas-supporters, Di Maria qabad u mexa lejn id-dressing room. Paredes, mill-banda l-oħra, mexa lejn il-Curva għalkemm baqa’ iktar lura minn sħabu. Malli beda t-tisfir hu dar u telaq ‘il ġewwa.
Matthew Scerri
Alex Sandro, Rabiot u Locatelli mistennija jitilfu Juventus-Benfica
Għada Allegri mistenni jkollu neqsin lil Locatelli, Rabiot u Alex Sandro. It-tlieta li huma llum ma ttrenjawx mal-bqija ta’ sħabhom u normalment din hi indikazzjoni li l-plejers mhux se jkunu jistgħu jilagħbu. Di Maria, mill-banda l-oħra, ttrenja mat-tim b’mod normali u għaldaqstant se jkun mgħajjat. Illejla, waqt il-konferenza tal-aħbarijiet, Allegri se jkun jista’ jispjega eżattament liema plejers mhux se jkunu jistgħu jilagħbu u forsi jagħti indikazzjoni dwar meta se jkunu jistgħu jidħlu lura fl-azzjoni.
Matthew Scerri