Posts

Di Maria qatta’ parti mis-sessjoni tal-lum jitħarreġ ma’ sħabu

/in /by

Angel Di Maria ttrenja għal xi ħin illum mal-bqija ta’ sħabu, filwaqt li t-tieni parti tat-training qattagħha jittrenja waħdu. L-indikazzjonijiet huma li Di Maria x’aktarx se jkun mgħajjat għall-partita kontra l-eks tim tiegħu Benfica. Madankollu jista’ jagħti l-każ li Allegri jagħżel li ma jibdiex mill-ewwel minuta peress li ilu barra diversi ġimgħat apparti l-ftit minuti li lagħab kontra Spezia u Fiorentina fejn kien jidher li ma kienx f’sikktu.

Matthew Scerri

It-trasferimenti uffiċjali kollha għat-tim Juventin

/in /by

Plejers li ngħaqdu ma’ Juventus

Bremer (difensur, Torino)

Di Maria (winger, PSG)

Fagioli (midfielder, Cremonese)

Gatti (difensur, Frosinone)

Kostic (winger, Eintracht Frankfurt)

Milik (attakkant, O. Marseille)

Paredes (midfielder, PSG)

Pogba (midfielder, Manchester United)

 

Plejers mibjugħa jew mislufa minn Juventus lil timijiet oħra

Arthur (misluf lil Liverpool)

Bernardeschi (intemmlu l-kuntratt, Toronto)

Brunori (mibjugħ lil Palermo)

Cambiaso (misluf lil Bologna)

Chiellini (kuntratt itterminat qabel iż-żmien, Los Angeles FC)

De Ligt (mibjugħ lil Bayern Munich)

Demiral (mixtri għal kollox minn Atalanta)

De Winter (misluf lil Empoli)

Dybala (intemmlu l-kuntratt, Roma)

Frabotta (misluf lil Lecce)

Isreal (mibjugħ lil Sporting Lisbon)

Mandragora (mibjugħ lil Fiorentina)

Morata (wasal fi tmiemu s-self tiegħu, Atletico Madrid)

Nicolussi Caviglia (misluf lil SudTirol FC)

Pellegrini (misluf lil Eintracht Frankfurt)

Pjaca (misluf lil Empoli)

Ramsey (ftehim biex il-kuntratt tiegħu jkun itterminat)

Ranocchia (misluf lil Monza)

Rovella (misluf lil Monza)

Vrioni (mibjugħ lil New England Revolution)

Wesley (mibjugħ lil Cruzeiro)

Zakaria (misluf lil Chelsea)

Zanimacchia (misluf lil Cremonese)

Bonucci u Di Maria se jitilfu Juventus-Roma

/in /by

Bonucci se jitlef il-partita kontra Roma. Allegri spjega llum li hu ma jinsabx fl-aqwa tiegħu u allura se jitħalla barra mill-partita t’għada sabiex jirkupraw għal kollox. Allegri qal ukoll li Di Maria qed jirkupra tajjeb u ttrenja għal xi ħin mal-bqija tat-tim. Fi kliemu l-indikazzjonijet huma li l-Arġentin se jkun jista’ jilgħab kontra Fiorentina fil-bidu ta’ Settembru.

Matthew Scerri

Di Maria barra għal għaxart ijiem (minn tal-inqas)

/in /by

It-testijiet li sarulu llum ikkonfermaw l-injury muskolari fil-groin għal Angel Di Maria. Hu se jkollu jibqa’ wieqaf għal għaxart ijiem u wara dal-perjodu jsirulu testijiet oħra. Għaldaqstant mhux magħruf eżatt meta se jidħol lura fl-azzjoni.

Matthew Scerri

Di Maria ma jeskludix li jibqa’ ma’ Juventus għal iktar minn sena

/in /by

Waqt il-konferenza tal-aħbarijiet ta’ preżentazzjoni tiegħu, Angel Di Maria sostna li hemm possibbiltà li jibqa’ ma’ Juventus għal iktar minn sena waħda. Qabelxejn hu stqarr li jħossu onorat li l-iktar klabb importanti tal-Italja, il-Juventus, stennewh għal 40 jum. Hu spjega li dam ma ta risposta lil Juventus peress li xtaq iqatta’ perjodu trankwill mal-familja. Dwar il-possibbilità li jibqa’ għal iktar minn sena, Di Maria wieġeb: “Fil-futbol kollox jinbidel malajr u qatt ma tista’ teskludi xejn. Minn qalbi ngħid li Juventus ittrattawni tajjeb ferm s’issa. Għalissa se nikkunċentra fuq dis-sena biss. Imbagħad naħsibha sew iktar tard.” L-espressjoni ta’ wiċċ Di Maria waqt li qal dal-kliem tixhed ċar li Di Maria hu verament kuntent ma’ Juventus u li mhu veru xejn li hu moħħu biss li jmur lura l-Arġentina wara t-Tazza tad-Dinja.

Matthew Scerri

L-ammonti tal-commissions lill-aġenti ta’ Di Maria u Pogba

/in /by

Angel Di Maria u Pogba huma issa uffiċjalment plejers ta’ Juventus. Mill-istqarrijiet għall-aħbarijiet maħruġa minn Juventus F.C. sirna nafu li l-commissions li se jitlħallsu lill-aġenti jammontaw għal 1.3 miljun Ewro (Di Maria) u 2.5 miljun Ewro (Pogba). Dan jixhed hemm verament id-diriġenza attwali qed tibdel l-istil tat-tmexxija tat-tim. Fil-passat Marotta u Paratici kienu magħrufa għax kienu jħallsu flejjes kbar lill-aġenti f’commissions. Issa l-affarijiet inbidlu u n-nefqa f’commissions naqset drastikament.

Matthew Scerri

Di Maria jispjega għala għażel il-flokk numru 22

/in /by

Angel Di Maria se jkun qed jilbes il-flokk numru 22 ta’ Juventus. Hu spjega li: “Dan-numru lbistu ma’ iReal Madrid u jfakkarni fir-rebħ taċ-Champions League. Naf li Juventus iridu jiġġieldu dejjem għar-rebħ taċ-Champions League. Ma kien hemm ħadd li kellu dan-numru u ħadtu. Se nilbsu fuq il-flokk abjad u iswed li huma l-kuluri li marti tħobb. It-22 hi anki l-ġurnata li fiha twieldet binti l-kbira.”

Matthew Scerri

Di Maria qed jagħmel it-testijiet mediċi fil-JMedical

/in /by

Kmieni dalgħodu, għall-ħabta tad-disgħa ta’ filgħodu, Angel Di Maria wasal fil-JMedical għat-testijiet mediċi. Hu stab tistennieh folla mdaqqsa ta’ supporters Juventini li laqgħuh b’mod mill-isbaħ. L-entużjażmu tas-supporters Bianconeri hu tassew mogħla s-smewwiet hekk kif bejn illum u għada Di Maria u Pogba se jkunu qed jiffirmaw ma’ Juventus.

Matthew Scerri