Issa nafu fiċ-ċert: il-captain ta’ Juventus kontra Cagliari se jkun Juan Cuadrado. Bħala viċi tiegħu nsibu lil Cristiano Ronaldo li hekk illum, waqt il-partita, se jkollu forsi l-opportunità li jilbes il-faxxa ta’ captain għall-ewwel darba minn kemm ilu ma’ Juventus.
Matthew Scerri
Drajna li fil-jiem meta ma jkunx hemm logħob jiżdiedu l-aħbarijiet b’rabta mas-suq tat-trasferimenti. Kliem Leonardo fil-jiem li għaddew wassal biex qed ikun hemm ħafna għidut dwar trasferiment ta’ Ronaldo ma’ PSG. Xi siti qed jirrapurtaw li PSG jinsabu lesti li joffru lil Icardi u flus għal Ronaldo. Min-naħa tagħhom, però, Juventus ma jridux jitilfu lil Ronaldo u skont Calciomercato.com Mendes għarraf diġà lill-Bianconeri li Ronaldo hu intenzjonat li jibqa’ Turin sakemm jintemm il-kuntratt tiegħu.
Matthew Scerri
Mill-Portugall tasal l-aħbar li fis-sajf 2021 Juventus se jkunu qed jikkunsidraw joffrux kuntratt ġdid lil Ronaldo. Fil-pjanijiet hemm tiġdid sal-2023, biss id-deċiżjoni definittiva se tittieħed fi tmiem l-istaġun wara li jkunu ġew meqjusa l-aspetti kollha, tekniċi u finanzjarji, tal-kuntratt il-ġdid.
Matthew Scerri
Federico Chiesa mhux se jkun qed jingħaqad mat-tim nazzjonali Taljan minħabba l-injury muskolari li sofra. Ronaldo, mill-banda l-oħra, se jmu xorta waħda mal-Portugall u se jkun fid-diskrezzjoni tat-tobba tat-tim nazzjonali jekk jitħalliex jilgħab jew le.
Matthew Scerri
Cristiano Ronaldo kellu joħroġ mill-grawnd kontra Lazio minħabba daqqa fl-għaksa. Ma nafux jekk din hix biss daqqa normali jew inkella jeħtiġx perjodu ta’ waqfien. Fi kliem ieħor għadna ma nafux jekk huwiex se jkun qed jilgħab għall-Portugall fil-ġimagħtejn li ġejjin.
Matthew Scerri
It-tielet rebħa infila għal Juventus bejn kampjonat u Champions League ħarbet minn idejn il-Bianconeri fl-aħħar minuta tal-ħin miżjud tat-tieni taqsima. Spezia u Ferencvaros ma kinux avversarji ta’ kalibru kbir, għall-kuntrarju ta’ Lazio li se żgur se jkunu qed jiġġieldu sal-aħħar għar-rebħ tal-kampjonat. Għaldaqstant il-partita kontra Lazio kienet test importanti għat-tim ta’ Pirlo, test li mar tajjeb ferm lil hinn mir-riżultat finali. Il-Bianconeri dehru kompatti, lagħbu bħala tim, iddifendew u attakkaw ilkoll flimkien, u għal darb’oħra dehru li ma kinux żbilanċjati fil-grawnd kif ġara fl-ewwel wirjiet. Prosit kbira tmur lit-tim kollu għal wirja tassew tajba u li timlina b’kuraġġ għall-kumplament tal-istaġun. Kulma rrid nitgħallmu hu li nagħlqu l-partita qabel. Issa importanti li wara l-waqfa t-tim ikompli minn hawn!
LAZIO-JUVENTUS 1-1
Skurjaw: Ronaldo (J), Caicedo (L)
Lazio (3-5-2): Reina; Luiz Felipe, Acerbi, Radu (Hoedt); Marusic, Milinkovic, Cataldi (Akpa Akpro) Luis Alberto (Pereira), Fares (Lazzari); Correa, Muriqi (Caicedo). Kowċ: Inzaghi.
Juventus (4-3-1-2): Szczesny; Cuadrado, Demiral, Bonucci, Danilo; Kulusevski (McKennie), Rabiot, Bentancur, Frabotta; Morata (Bernardeschi), Ronaldo (Dybala). Kowċ: Pirlo.
Referee: Massa.
Karti sofor: Cataldi (L), Bentancur (J), Akpa Akpro (L), Cuadrado (J).
Matthew Scerri
Cristiano Ronaldo ġie mgħajjat mat-tim nazzjonali Portugiż. Hu se jkun qed jilgħab għal pajjiżu bejn l-14 u s-17 ta’ Novembru fin-Nations League kontra Franza u l-Kroazja.
Matthew Scerri
Cristiano Ronaldo kien ivvutat bħala l-Aqwa Plejer għax-xahar ta’ Settembru, filwaqt li Alvaro Morata hu l-MVP ta’ Ottubru 2020. Il-votazzjoni saret online fost il-Juventus Members.
Matthew Scerri
Cristiano Ronaldo ġie magħżul mill-qarrejja tal-website tagħna bħala l-Aqwa Plejer tal-partita bejn Spezia u Juventus. Fil-votazzjoni li saret online hu kiseb 66% tal-voti, segwit minn Morata b’18% tal-voti, filwaqt li fit-tielet post insibu lil Arthur b’9% tal-voti. Grazzi lil kulmin ħa sehem.
Matthew Scerri