Anniversarju: 11 ta’ Lulju 1982 l-Italja tirbaħ it-Tazza tad-Dinja
11 ta’ Lulju 1982 l-Italja rebħet it-Tazza tad-Dinja għat-tielet darba fl-istorja. Fil-filmat t’hawn taħt tistgħu taraw il-finali bejn Italja u Ġermanja.
Posts
Anniversarju: 15-il sena ilu l-Italja rebħet it-Tazza tad-Dinja
Fid-9 ta’ Lulju 2006 l-Italja rebħet it-Tazza tad-Dinja. Biex infakkru l-15-il anniversarju ta’ din ir-rebħa qed inwasslulkom filmat bil-gowls kollha fl-edizzjoni tal-2006:
Żewġ plejers pożittivi għall-Covid fit-tim nazzjonali Taljan?
Hemm suspett qawwi li jista’ jkun hemm żewġ plejers pożittivi fi ħdan it-tim nazzjonali Taljan. F’dal-mumenti l-istaff mediku Taljan qed jistenna xi riżultati b’rabta tal-iswab tests li saru. Kif għidna hu probabbli li hemm xi każijiet ta’ Covid. X’aktarx aktar tard illum stess għandna nkunu nafu fiċ-ċert.
Matthew Scerri
Ramsey weġġa’ mat-tim nazzjonali
Il-ġurnata tal-aħbarijet ħżiena tkompli issa b’aħbar ta’ injury ta’ Aaron Ramsey. Il-Federazzjoni ta’ Wales ħabbret li hu mhux se jkun jista’ jilgħab kontra l-Bulgarija minħabba injury. Meta ninsabu biss ġimgħa ‘l bogħod mill-ewwel partita taċ-Champions League, Pirlo jaf li għandu lil Dybala li jinsab marid, Ronaldo li għandu l-Covid u Ramsey barra mill-azzjoni minħabba injury.
Matthew Scerri
Dybala bid-deni imma m’għandux il-Covid
Mill-Arġentina tasal l-aħbar li wara l-gastrite, Dybala issa jidher li għandu anki d-deni. Sarlu swab test u r-riżultat kien negattiv. It-tobba ma jidhrux imħassba wisq dwaru. Dybala se jkun qed jasal lura Turin il-Ħamis jew il-Ġimgħa hekk kif se jkun qed jivvjaġġa fuq il-jet privat ta’ Messi sabiex ikun hemm inqas ċans ta’ riskju li jiġi f’kuntatt ma’ persuni bil-virus.
Matthew Scerri
Każ ta’ Covid fit-tim nazzjonali Portugiż
Il-gowler Anthony Lopes hu l-uniku plejer tat-tim nazzjonali Portugiż li ttestja pożittiv għall-Covid u mill-ewwel ġie iżolat mill-bqija ta’ sħabu. Il-plejers l-oħra, fosthom anki Ronaldo, se jibqa’ jsirilhom swab tests regolari sabiex ikun aċċertat li ħadd iktar ma ġie infettat.
Matthew Scerri
Iżlanda-Italja U/21 tħassret b’rabta mal-Covid-19
Il-partita Iżlanda-Italja U/21 kellha tiġi posposta minħabba li l-awtoritajiet tas-saħħa tal-Iżlanda poġġew fi kwarantina lill-plejers u lill-istaff tat-tim nazzjonali Taljan. Fil-fatt erba’ plejers u membru tal-istaff tat-tim nazzjonali Taljan instabu pożittivi għall-Covid-19. Wara ftehim li ntlaħaq matul il-ġurnata, l-awtoritajiet ħallew lill-plejers mhux pożittivi jmorru lura l-Italja, filwaqt li l-plejers bil-Covid-19 għalissa baqgħu l-Iżlanda.
Matthew Scerri
Problema ħafifa għal Dybala
Paulo Dybala dal-lejl kellu jitlef il-partita tal-Arġentina kontra l-Ekwador. Hu kellu problemi b’rabta ma’ gastrite ħafifa li tatu fil-ġurnata tal-partita. Xejn gravi, imma kellu jitlef dil-partita.
Matthew Scerri
Id-Direttur tal-ASL ta’ Turin: “Juventus imxew b’mod eżemplari”
Illum reġa’ kien hemm ħafna għidut dwar il-plejers ta’ Juventus li ma baqgħux fl-iżolament ‘fiduciario’ tagħhom. L-aħbar tpinġiet, minn min kellu kull interess li jħammeġ lil Juventus, qishom Juventus ma mxewx mar-regolamenti, daqslikieku kienu t-tim ta’ Napoli. Il-verità hi li Juventus għarrfu lill-ASL ta’ Turin li xi plejers kienu se joħorġu mill-iżolament sabiex jingħaqdu mat-timijiet nazzjonali. Il-plejers inkwistjoni huma Bentacur, Cuadrado, Danilo, Dybala u Ronaldo. Magħhom żdiedu anki Buffon u Demiral li marru d-dar tagħhom. Malli Juventus infurmaw lill-ASL dwar dan, l-ASL mill-ewwel għarrfet lill-Procura ta’ Turin kif kien fid-dmir tagħha. Id-Direttur tal-ASL stqarr illum li l-imġiba ta’ Juventus kienet eżemplari u li issa l-Procura trid tistabilixxi jekk il-plejers imsemmija wettqux reat minħabba li ma stennewx iż-żewġ swab tests ta’ dawn il-jiem qabel setgħu jinħallu mill-iżolament. Tajjeb ngħidu li jekk jinstabu ħatja, il-plejers jistgħu jeħlu multa ta’ 400 Euro kull wieħed.
Matthew Scerri