Bħal-lum fil-passat (15 ta’ Diċembru)
Fl-1974 Napoli sofrew waħda mill-ikbar disfatti tagħhom fil-kampjonat tas-Serie A meta sfaw megħluba f’darhom minn Juventus bl-iskor ta’ 2-6. Din t’hawn taħt hu l-filmat tal-partita:
Injury muskolari għal Bonucci
Leonardo Bonucci sofra injury muskolari u se jkollu jibqa’ mistrieħ għal għaxart ijiem. Wara dawn l-għaxart ijiem it-tobba għandhom jerġgħu jinviżtawh biex jistabilixxu jekk ikunx fieq jew le.
Matthew Scerri
Pellegrini mistenni jingħaqad ma’ Lazio
Luca Pellegrini mistenni jitlaq lil Eintracht u jingħaqad ma’ Lazio. Il-klabb tal-kapitali jinsab f’negozjati mal-aġent tal-full-back li f’Awwissu li għadda Juventus silfu lil Eintracht. Il-ftehim għat-trasferiment f’Jannar qed jiġi mogħti bħala wieħed ċert.
Matthew Scerri
Kjarifika dwar il-plusvalenze (la l-gazzetti qed ikomplu jqarrqu bin-nies)
Kif kellna l-opportunità li nispjegaw iktar minn ġimgħa ilu, il-media Taljana mhix qiegħda tagħti stampa ċara ta’ dak li qed jiġri b’rabta mal-inkjesta Prisma. Hemm ħafna gazzetti u siti li qed jeżaġeraw l-affarijiet u qed iwasslu aħbarijiet antiki daqslikieku huma aħbarjiiet ġodda bil-għan li jingannaw lin-nies. Il-plusvalenze hu każ tipiku dwar dan li qed ngħid. Ilna jiem naqraw dwar telefonati rrekordjati. Qed jiġu ppreżentati daqslikieku huma telefonati li nstabu dan l-aħħar. Issa tajjeb infakkru li l-inkjesta ilha magħuqa minn Ottubru u għaldaqstant mhu veru xejn li qed jinstab materjal ġdid. Il-plusvalenze nibqa’ ntenni hu każ magħluq għall-giustizia sportiva, b’Juventus u klabbs oħra meħlusa minn kull akkuża anki fl-istadju tal-appell. Il-Procuratore Federale tal-FIGC, lejn tmiem Novembru, irċievi l-atti kollha tal-inkjesta biex jara hemmx lok sabiex il-każ tal-plusvalenze kontra Juventus jerġa’ jinfetaħ dejjem instabu provi ġodda li ma kinux magħrufa meta nqatgħet is-sentenza. Hu għandu tletin jum minn meta rċieva d-dokumenti biex jerġa’ jiftaħ il-każ. S’issa ma jidhirx li dan se jseħħ anki għax, min segwa l-inkjesta Prisma mill-qrib, jaf tajjeb li ħafna mit-telefonati li zzeffnu fin-nofs fl-aħħar jiem, konna ilna nafu bihom minn ħafna żmien ilu u l-giustizia sportiva kienet mgħarrfa bihom qabel qatgħet is-sentenza tagħha (li kif għidna rat lil Juventus meħlusa minn kull akkuża). Barra minn hekk is-sentenza tal-giustizia sportiva tgħid ċar u tond li hu impossibbli li xi ħadd jiddetermina b’mod oġġettiv il-valur ta’ plejers. Għaldaqstant kull tip ta’ akkuża marbuta mal-plusvalenze hi marbuta ma’ idea soġġettiva li fil-Qrati hi ddestinata li taqa’ fuq fommha. Il-verità hi li m’hemm ebda regola dwar il-plusvalenze u allura l-ebda Qorti mhi se tkun tista’ taqtagħha li klabb kiser regola li ma teżistix!
Il-plusvalenze, però, irridu nfakkru li għadhom jifformaw parti mill-akkużi mressqa mill-Procura ta’ Turin. Sta issa għall-Qorti Ċivili li taqta’ s-sentenza tagħha dwar dan kollu. Il-Procura qed tagħti stima ta’ diskrepanza ta’ 155 miljun Ewro minħabba l-plusvalenze fi tliet snin. Onestament ma nafux kemm se jkunu jistgħu jippruvaw dan kollu fil-Qorti ladarba l-GIP, jiġifieri Imħallef, diġà esprima d-dubji tiegħu li l-plusvalenze jistgħu jitqiesu bħala reat minħabba li kull klabb, Taljani u le, jirrikorru għall-mekkaniżmu tal-plusvalenze fl-accounts tagħhom. Propju għax hi prattika komuni għall-klabbs kollha, se jkun diffiċli li l-plusvalenze jitqiesu bħala reat. U dan l-argument, skont il-GIP, hu msaħħaħ mid-definizzjoni stessa ta’ reat mogħtija mill-Qorti Kostituzzjonali Taljana.
Min-naħa tiegħi nibqa’ nagħti l-parir li ma tagħtux wisq importanza lejn dak li qed jiġi rrapurtat mill-media mainstream li hu evidenti li għandha agenda antijuventina. Minn dan il-blog se nibqgħu nwasslulkom il-fatti bl-aktar mod veritier possibbli. Mhu se naħbulkom xejn kif dejjem għamilna fl-aħħar erbatax-il sena u nofs.
Matthew Scerri
Pogba għadu ma bediex jitħarreġ ma’ sħabu
S’issa għad hemm inċertezza sħiħa dwar meta Paul Pogba se jkun jista’ jidħol lura fl-azzjoni. Sal-lum stess hu ttrenja apparti u ma kienx mal-kumplament ta’ sħabu. Xi gazzetti u siti rrapurtaw li Pogba qiegħed ħafna iktar lura minn kemm kien maħsub u li se ndumu ma’ narawh fl-azzjoni. Gazzetti oħra qed isostnu, però, li kollox miexi skont il-programm imfassal mill-fiżjoterapisti ta’ Juventus. Diffiċli inkunu nafu x’inhi l-verità. Li hu żgur hu li aħna s-supporters konna u għadna nistennewh li narawh jilgħab malajr kemm jista’ jkun, possibbilment fl-ewwel partita tal-2023 ta’ Juventus.
Matthew Scerri
Gwerra interna?
Mil-ahbarijiet li bdew jaslu fil-media jidher illi l-prokura ta’ Torin m’hix ha tappella mid-decisjoni tal-GIP li skond hu mhuwiex qed jara xi rregolaritajiet fid-decizjonijiet li ttiehdu rigward pagi u ftehim li sar mal-players fi zmien il-pandemija.
Dan beda hiereg fl-ahbarijiet ftit tal-hin ilu ghalkemm naturalment certu gazzetti ma’ jaghtux din l-ahbar bhala headlines bhal meta jintefa t-tajn fuq il-Juventus.
Nibqa nsostni li personalment xorta ma’ qbiltx kif tmexxiet Juventus dawn l-ahhar snin b’decizjonijiet diskutibbli li letteralment flok komplejna nissahhu tajna l-hajja lil clubs ohra. Izda mod tikritika decizjonijiet ta’ tmexxija u mod jintefa tajn ta’ evazjoni ta’ taxxi fost hafna akkuzi ohra u b’kundanni maqtuwa mal-ewwel biex issir hsara kbira lill-club li tista tkun irreparabbli.
Izda issa bhala sapporter Juventin jekk qatt kelli xi dubju bdejt innehhih ghal kollox u nistaqsi! Ma’ naghmlux mod li minhabba li probabilment hemm gwerra silenzjuza nterna dan kollu nqala u hareg biex issir xi revoluzjoni fit-tmexxija? Ma’ naghmlux mod li xi hadd minn fuq nett ma’ setax jehles minn xi hadd u dan kien l-uniku mod li setaw taru l-irjus?! Nerga nghid it-tibdil kien ilu jidher li kien hemm bzonnu izda ghaliex jekk li qed nahseb huwa minnu kien hemm bzonn naslu sa hawn? Ghaliex jekk hu minnu li qed nahseb biex sahansitra nibdew pagna gdida naslu biex anka ncapsu club?! Nispera li m’huwiex milli qed nahseb izda jekk hu hekk tal-misthija li jsiru manuvri bhal dawn ghaliex allura ghall-gwerer personali ntmiss il-qiegh u ser nbatu mhux biss it-tim izda hafna aktar ahna s-sapporters, ahna n-nies Juventini, ahna li tant nhobbu lil dawn il-kuluri u naghmlu tant sagrificcji biex nsegwu u nappogjaw kemm nistaw.
Konvint li z-zmien jtina parir u z-zejt ser jitla f’wicc l-ilma u l-verita tohrog! konvint aktar minn qatt qabel illi l-Juve ahna s-sapporters u hadd aktar. Min iddejjaq u qed imexxi l-gwerer habba ragunijiet personali tieghu jaghmlilna pjacir u jbiegh lil dan il club glorjuz.
FORZA JUVE DEJJEM
Il-Procura mhix se tappella
Il-Procura ta’ Turin mhux se tappella kontra d-deċiżjoni tal-GIP Ludovico Morello li dwarha rrapurtajna lbieraħ. Il-Prosekutur kien talab f’Ottubru li għadda li jittieħdu passi kontra Agnelli u l-uffiċjali l-oħra taħt investigazzjoni. Fosthom kien intalab li Agnelli jinżamm taħt house arrest. Kien anki ntalab li jiġu ffriżati 437,000 Ewro mill-kont ta’ Juventus minħabba taxxa mhux dikjarata fuq l-ammonti li qed jiġu kkuntestati lil Juventus min-naħa tal-Procura. L-Imħallef Morello ma laqax it-talbiet tal-Prosekutur peress li ma kienx hemm riskju ta’ “reiterazione del reato” jiġifieri li l-istess allegat reat jerġa’ jitwettaq. Kif għidna lbieraħ l-Imħallef Morello kien tal-idea li l-plusvalenze jirrikorru għalihom il-klabbs kollha, filwaqt li l-hekk imsejħa manovra stipendi saret biss fil-kuntest tal-pandemija Covid. Fil-21 ta’ Diċembru kellu jinstema l-Appell kontra d-deċiżjoni tal-Imħallef Morello. Issa pero’ l-Procura għażlet li twaqqa’ l-appell.
Il-proċess se jibqa’ għaddej. Il-karti kollha jinsabu f’idejn Imħallef ieħor (GUP) fi stadju ieħor tal-kumpilazzjoni fejn irid jiġi deċiż hemmx il-bażijiet biex il-kawża tgħaddi għall-fażi dibattimentali. Hemm stennija anki biex isir magħruf jekk il-kawża hix se tkompli tinstema’ fil-Qrati ta’ Turin jew inkella għandhiex timxi lejn il-Qrati ta’ Milan jew Ruma kif mitlub minn Juventus ladarba l-Borża tinstab hemm.
Matthew Scerri
Arsenal-Juventus nhar is-Sibt
Nhar is-Sibt 17 ta’ Diċembru fis-7.00 ta’ filgħaxija (ħin ta’ Malta) Juventus se jilagħbu partita ta’ ħbiberija kontra Arsenal fl-Emirates Stadium. Allegri se jkollu diversi plejers neqsin minħabba li kienu impenjati fit-Tazza tad-Dinja.
Matthew Scerri