Il-plejers Juventini mgħajta għall-partita kontra Bologna
Il-plejers mgħajta minn Allegri għall-partita kontra Bologna huma:
Gowlers: Szczesny, Pinsoglio, Perin.
Difensuri: De Sciglio, Bremer, Danilo, Alex Sandro, Gatti, Bonucci, Rugani
Plejers ta’ nofs il-grawnd: Locatelli, McKennie, Cuadrado, Miretti, Rabiot, Paredes, Fagioli.
Attakkanti: Vlahovic, Milik, Kostic, Kean, Soulé.
Matthew Scerri
Anniversarju: 2/10/1935 twieled Omar Sivori
Omar Sivori, imlaqqam “El Cabezon” għax-xagħar goff li kellu, hu mingħajr dubju wieħed mill-aqwa plejers li qatt libes il-flokk ta’ Juventus. Twieled fl-Arġentina fit-2 ta’ Ottubru 1935. Komplessivament hu skorja 167 gowl f’253 partita ma’ Juventus u fl-1961 rebaħ il-Ballun tad-Deheb. Flimkien ma’ Silvio Piola għandu r-rekord tal-ikbar numru ta’ gowls skurjati f’partita waħda fis-Serie A. Fil-fatt fl-10 ta’ Ġunju 1961 hu skorja 6 gowls kontra Inter fir-rebħa storika ta’ 9-1.
Il-filmat t’hawn taħt fih profil dettaljat dwar Sivori.
Bħal-lum fil-passat (1 ta’ Ottubru)
Il-filmat tal-lum joħodna għas-sena 1975 meta Juventus kienu laqgħu f’darhom lil CSKA Sofia f’partita tat-Tazza taċ-Champions. Juventus kienu rebħu 2—0 bil-gowls ta’ Furino u Anastasi.
Bħal-lum fil-passat (30 ta’ Settembru)
Il-filmat li qed inwasslulkom illum hu tifkira sabiħa għalina l-Maltin. Fil-fatt fit-30 ta’ Settembru 1987 Juventus kienu laqgħu f’darhom lit-tim ta’ Valletta fit-Tazza Uefa. L-iskor finali tal-partita kien ta’ 3-0 bil-gowls ta’ Magrin, Vignola u Rush.
Tottenham lesti jixtru lil Kulusevski għal kollox
Tottenham huma mistennija li jixtru għal kollox lil Dejan Kulusevski fis-sajf 2023. Huma mar tajjeb ferm magħhom minn Jannar ‘l hawn u jidher tassew għal qalbu mal-iSpurs. Tajjeb infakkru li Tottenham ikollhom l-obbligu li jixtruh għal kollox għas-somma ta’ 35 miljun Ewro jekk dis-sena jilgħab minn tal-inqas 45 minuta f’għoxrin partiti ta’ Tottenham. L-obbligu li jixtruh għal kollox jidħol fis-seħħ anki jekk Tottenham jikkwalifikaw għaċ-Champions League. Jekk dawn il-kundizzjonijiet ma jiltlaħqux, Tottenham ikollhom id-dritt u mhux l-obbligu li jixtru lil Kulusevski għal kollox. Dad-dritt Tottenham jidhru intenzjonati li jużawh tant huma sodisfatti bil-wirjiet tal-Iżvediż.
Matthew Scerri