Nedved jikkonferma li Juventus qed jikkunsidraw aktar akkwisti

/in /by

Intervistat qabel Sampdoria-Juventus, Pavel Nedved kellu l-opportunita’ li jitkellem fost l-oħrajn dwar is-suq tat-trasferimenti. Fi kliemu m’għandux ikun hemm għaġla, anzi għandha tiġi miflija sew is-sitwazzjoni biex wieħed jifhem x’qed joffri s-suq. “Fil-verita’ s-suq mhuwiex joffri wisq. Irridu nifhmu sew x’inhi l-ħtieġa. Ovvjament, meta naraw it-tim tal-lejla u l-injuries, qed nikkunsidraw serjament li nagħmlu xi nkunu attivi fis-suq tat-trasferimenti,” sostna Nedved. Hu kkonferma li Juventus qed jikkunsidraw li jieħdu lil Depay għax “apparti li jista’ jilgħab flimkien ma’ Vlahovic u Kean, ma’ Barcellona wera li jaf jilgħab anki bħala attakkant estern. Pero’ hu biss wieħed mill-plejers li qed nikkunsidraw, kif inhu xieraq li jkun”.

Matthew Scerri

Żewġ terzi tal-plejers tas-Serie A huma barranin

/in /by

F’intervent fuq Radio Anch’io, programm ta’ Radio Rai Uno, il-President tal-FIGC, Gabriele Gravina sostna li żewġ terzi tal-plejers fis-Serie A huma barranin. Hu qal li 67% tal-plejers huma barranin u dan ma jixhidx tajjeb. Faħħar lill-klabbs li għadhom jagħtu spazju lill-prodott Taljan u qal li jinsab kuntent li xi plejers Taljani żgħar qed jattiraw l-interess ta’ klabbs barranin.

Matthew Scerri

Juventus jistennew lil Depay imma intant laħqu ftehim għal Milik

/in /by

It-trasferiment ta’ Memphis Depay ma’ Juventus m’għadux daqshekk ċert daqskemm kien maħsub ftit tal-jiem ili. Allegatament Depay qed jitlob paga ogħla lil Juventus minn dak li kien maqbul bejn il-partijiet fil-ġimgħat li għaddew. X’aktarx Depay għandu offerti mingħand Tottenham u Newcastle bil-konsegwenza li issa hu jista’ jitlob paga aħjar lil Juventus. Depay jibqa’ l-ewwel għażla ta’ Juventus, biss nafu kemm din id-diriġenza hi tal-punt u żgur li mhux se tippermetti sitwazzjoni fejn l-attakkant jitlob iktar minn dak li kien diġà aċċetta verbalment. Barra minn hekk Juventus għandhom id-dubji tagħhom dwar kemm jaqblilhom verament jiffirmaw lil Depya ladarba n-nefqa qed titla’ drastikament għal attakkant li fil-pjanijiet tal-klabb għandu jkun biss riserva. Għaldaqstant Juventus għamlu kuntatt ma’ O.Marseille u allegatament hem qbil magħhom għal Milik. O.Marseille lesti jisilfu lil Milik lil Juventus, bil-Bianconeri jkollhom id-dritt li jixtruh għal kollox għal 10 miljuni s-sena d-dieħla. Barra minn hekk Milik lest jiffirma għal 3.5 miljun Ewro fis-sena. Issa rridu naraw x’se tkun il-mossa li jmiss. Probabbli li Juventus se jistennew jumejn-tlieta lil Depay bit-tama li hu jinżel mit-talbiet tiegħu personali. Jekk ikun hekk, u dejjem jekk Depay jinħeles mill-kuntratt li għandu ma’ Barcellona, Juventus ikunu jistgħu jiffirmaw lill-attakkant Olandiż. F’każ kuntrarju, jiġifieri jekk Depay jibqa’ jitlob paga għolja wisq, allura Juventus jieħdu lil Milik.

Matthew Scerri

Il-plejers Juventini mgħajta għall-partita kontra Sampdoria

/in /by

Il-plejers mgħajta minn Allegri għall-partita kontra Sampdoria huma:

GOWLERS: Perin, Pinsoglio, Garofani.

DIFENSURI: Bonucci, Bremer, Gatti, Rugani, De Sciglio, Alex Sandro, Danilo.

PLEJERS TA’ NOFS IL-GRAWND: Locatelli, Rabiot, Cuadrado, Miretti, Fagioli, Rovella, Zakaria, Mckennie, Kostic.

ATTAKKANTI: Vlahovic, Kean, Soulé.

Matthew Scerri

Depay-Juventus. Trasferiment allegatament fil-qrib

/in /by

Kuljum naqraw u nisimgħu li Memphis Depay se jkun qed jingħaqad ma’ Juventus f’temp ta’ 24 siegħa. L-indikazzjonijiet huma li Juventus jinsabu tassew qrib li jiksbu lil Depay u, bħal fil-każ ta’ Pogba u Di Maria, irid ikollna paċenzja. Depay hu miftiehem ma’ Juventus biex jiffirma kuntratt ta’ sentejn b’paga ta’ 6 miljuni (bonuses inklużi). Illum kien hemm l-għidut li Depay talab paga għola lil Juventus fl-aħħar sigħat, biss ma nafux kemm hu attendibbli dawn l-aħbarijiet. Hemm iktar ċertezza dwar il-fatt li Depay qed jinnegozja ma’ Barcellona ftehim sabiex il-kuntratt tiegħu jkun itterminat qabel iż-żmien. Anki hawn kellna għidut li Barcellona lesti jħallu lil Depay jitlaq biss iridu kumpens żgħir mingħand Juventus: ħlas ta’ 2-3 miljuni; jew inkella li Juventus jaċċettaw li ma jingħatawx mingħand Barcellona xi bonuses marbutin mat-trasferiment ta’ Pjanic. Dan l-għidut ukoll ma nafux kemm hu attendibbli għax sa jumejn ilu dejjem intqal li l-ftehim bejn Juventus u Depay kien li l-Olandiż kellu jinħall b’xejn mill-kuntratt li għandu ma’ Barcellona. L-impressjoni f’dan l-istadju hu li rridu nistennew ftit ieħor qabel naraw lil Depay ma’ Juventus. Ħsibna li kien se jkun ma’ Juventus għall-partita kontra Sampdoria … issa nittamaw li jkun jista’ jilgħab kontra Roma.

Matthew Scerri

Tlieta dubjużi għal Sampdoria-Juventus

/in /by

Tliet plejers Juventini jinsabu dubjużi għall-partita Sampdoria-Juventus. It-tliet plejers huma Bonucci, Zakaria u Fagioli. Bonucci probabbli se jkollu jitlef il-partita, filwaqt li Zakaria u Fagioli se jkunu qed jagħmlu sforz biex ikunu għad-dispożizzjoni ta’ Allegri. Nafu li Zakaria kellu bugħawwiġ lejn tmiem il-partita kontra Sassuolo u milli jidher matul dil-ġimgħa ma setax jittrenja sew minħabba li ħassu għajjien. Xejn gravi ovvjament, l-istess bħal Fagioli, imma rridu nistennew li mhuwiex se jkun mija fil-mija f’sikktu. Hu forsi x’aktarx minħabba f’hekk li Rabiot mistenni jibda mill-ewwel minuta mionflok Zakaria kontra Sampdoria.

Matthew Scerri

Messaġġ mill-President Joseph Fenech

/in /by

Bi pjaċir u sodisfazzjon nixtieq inħabbrilkom illi wara xahar li ftaħna l-Kampanja Tesseramenti diġa’ qbiżna n-numru ta’ membri ta’ dawn l-aħħar snin!
Dan huwa rekord f’daqstant żmien qasir għal dan il-klabb Juventin b’passat glorjuż u b’gejjieni mibni fuq pedamenti sodi.

Minn qalbi nixtieq nirringrazzja lill-membri li ta’ kull sena huma regolari fil-ħlas tat-tesserament mal-klabb tagħna, lill-membri li reġgħu ssieħbu wara ammont ta’ snin pero’ l-aktar u mhux l-inqas lil dawk il-persuni li għażlu li jingħaqdu magħna wara li għal xi snin kienu membri bnadi oħra.

Kif illum kulħadd jaf il-klabb tagħna huwa immexxi minn kumitat serju, b’esperjenza, trasparenza, dedikazzjoni u għalina IL- MEMBRI HUMA PRIORITA’ 🫂

Ilni fil-kumitat għal dawn l-aħħar 18-il sena u President għal dawn l-aħħar 8 snin, Dejjem kelli kumitat li ġab l-interess tal- membru l-ewwel u dan jixhed is-suċċess bla waqfien f’dawn l-aħħar snin.

Hawnhekk nixtieq insemmi ukoll ix-xogħol ta’ modernizzar li kull sena jsir fil-klabb tagħna sabiex il-membru jkollu u jieħu dak li jixraqlu.

Minn qalbi nirringrazzja lill-isponsors li bis-saħħa tagħhom stajna nagħmlu dan kollu.

Is-suċċess tal-kumitat tiegħi huwa sempliċi: Stabbiltà, Serjetà u Kontinwita’, naħdmu id f’id għall-ġid tal-membru.

Is-suċċess tiegħi bħala President ġie mill-fiduċja totali li dejjem gawdejt minn sħabi tal-kumitat preżenti u ta’ qabel.

Nagħlaq billi għan-nom tiegħi bħala President tal-akbar klabb Juventin u għan-nom ta’ sħabi ngħid GRAZZI MILL-QALB lil kull wieħed li ssieħeb magħna u iwegħdukom li mhux se nieqfu naħdmu sabiex dejjem nagħtukom l-aħjar kif jixraqilkom.

Joseph Fenech
President