Filippo Ranocchia se jkun qed jilgħab b’self ma’ Monza f’dan l-istaġun. Illum sarulu t-testijiet mediċi. Kien hemm diversi timijiet tas-Serie A li wrew interess fih, biss finalment Monza rebħu dit-taqtigħa. Allegatament Monza se jkollhom id-dritt li jixtruh għal kollox is-sena d-dieħla, b’Juventus ikollhom id-dritt tar-recompra. Dwar dan kollu jkollna konferma aktar ‘il quddiem malli Juventus iħabbru uffiċjalment id-dettalji tal-ftehim.
Matthew Scerri
Juventus telqu lejn l-Amerika għat-Tour li se jarahom jilagħbu kontra Deportivo Guadalajara, Barcellona u Real Madrid. Il-lista ta’ plejers li se jmorru l-Amerika hi:
Gowlers: Szczesny, Pinsoglio, Perin, Garofani
Difensuri: Bremer, Danilo, Cuadrado, Alex Sandro, Gatti, Pellegrini, Bonucci, Rugani, Barbieri
Plejers ta’ nofs il-grawnd: Pogba, Rovella, McKennie, Locatelli, Zakaria, Compagnon, Fagioli
Attakkanti: Vlahovic, Kean, Di Maria, Soulé, Aké, Cudrig, Da Graca
Se jkunu neqsin: Arthur, Chiesa, Kaio Jorge u De Sciglio (injuries); Rabiot (raġunijiet personali); Ramsey u Pjaca (li mhumiex iktar fil-pjanijiet ta’ Juventus).
Matthew Scerri
Diversi sorsi qed jirrapurtaw li Adrien Rabiot mhux sejjer l-Amerka ma’ Juventus minħabba li ma jridx jieħu l-vaċċin tal-Covid-19. L-aħbar mhix waħda uffiċjali. Rabiot tkellem biss dwar raġuni pesonali bla ma spjega x’inhi. Ta min jgħid li fl-Amerka hu obbligatorju li persuna tieħu tliet dosi tal-vaċċin biex tkun tista’ tieħu sehem f’eventi li jattiraw ħafna nies. Rabiot, li kellu l-Covid, jidher li ma ħax il-vaċċin minħabba li fl-Italja hemm regolamenti differenti minn dawk Amerikani.
Matthew Scerri
Juventus ħabbru li xtraw lil Gleison Bremer mingħand Torino għas-somma ta’ 41 miljun Ewro. Ma’ dis-somma jridu jiżdiedu 8 miljuni oħra f’bonuses u 3.6 miljun Ewro oħra f’commissions u ‘solidarity fees’ kif stipulat mill-FIFA.
Bremer iffirma kuntratt li se jorbtu ma’ Juventus sat-30 ta’ Ġunju 2027. Hu se jkun qed jilbes il-flokk numru 3 ta’ Juventus.
Matthew Scerri
Marko Pjaca se jingħaqad b’self ma’ Sampdoria għas-sentejn li ġejjin. Hu għadu kemm iffirma kuntratt ma’ Juventus sal-2024 u aċċetta s-self ma’ Sampdoria. Fi tmiem is-sentejn, jekk jagħżlu li jżommuh magħhom, Sampdoria jkollhom iħallsu 200,000 Ewro lil Juventus.
Matthew Scerri
Adrien Rabiot mhux se jkun qed jivvjaġġa ma’ Juventus lejn l-Amerka minħabba raġunijiet personali. Id-deċiżjoni ttieħdet bi qbil ma’ Juventus. Ir-raġuni hi waħda personali u mhix marbuta ma’ xi trasferiment imminenti ma’ klabb ieħor.
Matthew Scerri
Urbano Cairo aċċetta l-offerta mressqa lilu minn Juventus għal Gleison Bremer. Juventus xtraw allegatament għal 41 miljun Ewro flimkien ma’ 9 miljuni oħra f’bonuses. Bremer għada se jkun fil-JMedical għat-testijiet mediċi u wara jiffirma l-kuntratt ma’ Juventus.
Matthew Scerri