Allegri, Cuadrado u Milik sospiżi
It-tmiem konfuż u drammatiku (fuq klix inġust imma) ta’ Juventus-Salernitana, sewa qares lil Juventus. Allegri, Cuadrado u Milik ġew sospiż għal partita waħda wara li tkeċċew b’rabta ma’ dak kollu li nqala’ fl-aħħar minuti tal-partita kontra Salernitana. Allegri se jkollu jħallas ukoll multa ta’ 15-il elf Ewro, filwaqt li Juventus weħlu multa ta’ 5,000 Ewro peress li uffiċċjal tagħha offenda lir-referee fit-tunnel huma u deħlin lejn id-dressing rooms.
Matthew Scerri
Alex Sandro, Rabiot u Locatelli mistennija jitilfu Juventus-Benfica
Għada Allegri mistenni jkollu neqsin lil Locatelli, Rabiot u Alex Sandro. It-tlieta li huma llum ma ttrenjawx mal-bqija ta’ sħabhom u normalment din hi indikazzjoni li l-plejers mhux se jkunu jistgħu jilagħbu. Di Maria, mill-banda l-oħra, ttrenja mat-tim b’mod normali u għaldaqstant se jkun mgħajjat. Illejla, waqt il-konferenza tal-aħbarijiet, Allegri se jkun jista’ jispjega eżattament liema plejers mhux se jkunu jistgħu jilagħbu u forsi jagħti indikazzjoni dwar meta se jkunu jistgħu jidħlu lura fl-azzjoni.
Matthew Scerri
Referee Ġermaniż għal Juventus-Benfica
L-Uefa ħatret lir-referee Ġermaniż, Felix Zwayer biex imexxi l-partita bejn Juventus u Benfica. Il-partita, tajjeb infakkru, se tintlagħab l-Erbgħa 14 ta’ Settembru 2022 fid-9.00 ta’ filgħaxija.
Matthew Scerri
Bħal-lum fil-passat (13 ta’ Settembru)
Bħal-lum fil-passat, jiġifieri fit-13 ta’ Settembru 1959, il-Bianconeri rebħu l-Coppa Italia billi għelbu fil-Finali proprju lil Inter. Din kienet it-tielet darba fl-istorja li Juventus rebħu l-Coppa Italia.
Benfica dejjem kienu għadma iebsa għal Juventus
Juventus u Benfica se jkunu qed jiltaqgħu għas-seba’ darba fil-kompetizzjonijiet Ewropej. Fis-sitt partiti li ntlagħbu s’issa, Benfica rebħu erba’ darbiet. Darba waħda biss Juventus għelbu lil Benfica u l-partita l-oħra ntemmet draw. Il-konfronti kienu maqsumin bejn Tazza taċ-Champions, Tazza Uefa u Europa League.
Matthew Scerri
Stqarrija tal-AIA dwar il-gowl imħassar lil Milik
Fi stqarrija maħruġa mill-AIA ġie ċċarat li fil-VAR room ma kellhomx aċċess għall-filmat li deher tard sal-lejl b’rabta mal-gowl imħassar lil Milik fi tmiem Juventus-Salernitana. Il-kumpanija li tipprovdilhom il-filmati kkonfermat li l-filmat wide angle li fih jidher Candreva ħdejn il-bandiera tal-corner ma kienx aċċessibbli għall-VAR Room. Fi kliem ieħor ir-referees Marcenaro ntwera biss il-filmat li rajna waqt il-partita bil-camera ffukata biss fuq dak li kien qed jiġri fil-kaxxa l-kbira ta’ Salernitana.
Matthew Scerri