L-ewwel paġni tal-gazzetti Taljani (3 ta’ Lulju 2022)
Qed inwasslulkom l-ewwel paġni tal-gazzetti Taljani tal-isports tal-lum it-3 ta’ Lulju 2022
Testijiet mediċi għal Mandragora qabel jiffirma ma’ Fiorentina
Rolando Mandragora kien jinsab illum f’Villa Stuart, f’Ruma, għat-testijiet mediċi qabel jiffirma l-kuntratt ma’ Fiorentina. Hu se jkun qed jieħu post Torreira f’nofs il-grawnd tat-tim immexxi minn Italiano. Qed jissemma li Fiorentina se jħallsu madwar 10 miljuni għalih.
Matthew Scerri
Bidliet fin-numru tal-flokkijiet ta’ Chiesa u Vlahovic
Direttament mis-sit tal-Juventus Store, saret magħrufa bidla fin-numri tal-flokkijiet ta’ Federico Chiesa u Dusan Vlahovic. L-attakkant Serb se jkun qed jilbes il-flokk numru 9, filwaqt li Chiesa se jkollu n-numru 7. Fil-ġimgħat li għaddew kien hemm ħafna xnigħat li Chiesa se jkun qed jingħata l-flokk numru 10 wara t-tluq ta’ Dybala, b’Cuadrado jieħu lura n-numru 7. Madankollu dan ma seħħx. Kollox jindika, issa, li n-numru 10 ta’ Juventus se jkun qed jinġarr mill-ġdid minn Paul Pogba.
Matthew Scerri
Il-preseason Juventin 2022/23 jibda fl-10 ta’ Lulju
Juventus ħabbru li l-preseason 2022/23 se jkun qed jibda uffiċjalment fl-10 ta’ Lulju. Ġimgħa qabel, jiġifieri mill-4 ta’ Lulju, se jkunu qed jaslu fil-JTC tal-Continassa uħud mill-plejers Bianconeri li qed jirkupraw minn xi injury jew li ma kinux impenjati mat-timijiet nazzjonali rispettivi. Fl-10 ta’ Lulju t-tim kollu se jkun fil-Continassa għat-testijiet mediċi tal-bidu tal-istaġun u l-ewwel sessjoni ta’ taħriġ taħt it-tmexxija ta’ Allegri u l-bqija tal-istaff tekniku.
Matthew Scerri
L-ewwel paġni tal-gazzetti Taljani (2 ta’ Lulju 2022)
Qed inwasslulkom l-ewwel paġni tal-gazzetti Taljani tal-isports tal-lum it-2 ta’ Lulju 2022
Id-dati tas-suq tat-trasferimenti
Is-suq tat-trasferimenti fl-Italja se jkun qed jiftaħ mil-lum 1 ta’ Lulju u se jagħlaq fl-1 ta’ Settembru 2022. Is-sessjoni tax-xitwa se tkun qed tinżamm bejn it-2 u l-31 ta’ Jannar 2023.
Matthew Scerri
Ħinijiet ta’ ftuħ tas-segretarjat tal-Club tul Lulju u Awwissu
Il-Kumitat jixtieq jinforma lill-membri li matul ix-xhur ta’ Lulju u Awwissu, l-uffiċċju tal-Juventus Club Vero Amore f’Birkirkara se jibda jkun miftuħ kull nhar ta’ Tlieta u Ħamis bejn il-5.30 u s- 7.00 ta’ filgħaxija.
Id-dati u l-ħinijiet tal-ewwel ħames partiti tas-Serie A
Il-Lega Calcio ħabbret id-dati u l-ħinijiet tal-ewwel ħames partiti tas-Serie A 2022/23. Juventus se jkunu impenjati kif ġej:
L-1 Ġurnata: Juventus-Sassuolo (it-Tnejn 15 ta’ Awwissu 2022, 8.45 p.m.)
It-2 Ġurnata: Sampdoria-Juventus (It-Tnejn 22 ta’ Awwissu 2022, 6.30 p.m.)
It-3 Ġurnata: Juventus-Roma (Is-Sibt 27 ta’ Awwissu 2022, 6.30 p.m.)
Ir-4 Ġurnata: Juventus-Spezia (L-Erbgħa 31 ta’ Awwissu 2022, 8.45 p.m.)
Il-5 Ġurnata: Fiorentina-Juventus (Is-Sibt 3 ta’ Settembru 2022, 3.00 p.m.)
Matthew Scerri
L-ewwel paġni tal-gazzetti Taljani (1 ta’ Lulju 2022)
Qed inwasslulkom l-ewwel paġni tal-gazzetti Taljani tal-isports tal-lum l-1 ta’ Lulju 2022
Arrivabene jgħid tiegħu dwar Pogba, De Ligt u Dybala
Maurizio Arrivabene ta intervista esklussiva lil Tuttosport fejn tkellem fit-tul dwar is-suq tat-trasferimenti ta’ Juventus. B’mod partikolari hu kellu l-opportunità li jagħti l-verżjoni tiegħu dwar Pogba, Dybala u De Ligt.
Skont Arrivabene, Juventus jinsabu f’taħdidiet ma’ Pogba u l-affarijiet sejrin tajjeb ferm. Dwar Dybala spjega li hu veru li kien hemm offerta ta’ erba’ snin lill-plejer (iċ-ċifra ma semmihiex), liema offerta kienet ġiet mgħoddija lill-aġent tal-plejer. Madankollu, imbagħad, Juventus għamlu kunsiderazzjonijiet ulterjuri li wassluhom biex iwaqqgħu dik l-offerta. Fakkar li f’Jannar l-affarijiet inbidlu drastikament wara li nkiseb Vlahovic.
Id-diriġent Juventin kellu l-opportunità li jitkellem dwar l-għidut li għandu x’jaqsam ma’ De Ligt. Fi kliem Arrivabene, illum hu impossibli li l-klabb iżomm plejer kontra r-rieda tiegħu. Tenna li fil-futbol tal-lum il-plejers jagħmlu biss dak li jgħidulhom l-aġenti. Skontu, f’sitwazzjonijiet bħal dawn hu importanti li t-tliet partijiet iqumu minn mal-mejda tat-taħdidiet kuntenti. Fi kliem ieħor irid jinstab ftehim li jkun konvenjenti għax-xerrej, għall-bejjiegħ u għall-plejer innifsu.
Matthew Scerri