L-ewwel paġni tal-gazzetti Taljani (24 ta’ Settembru 2021)
Qed inwasslulkom l-ewwel paġni tal-gazzetti Taljani tal-isports tal-lum l-24 ta’ Settembru 2021.
Bidla tattika tista ssarraf fi spark mentali posittiv għall-iskwadra?
Il-bieraħ wara il-logħba Spezia vs Juventus, qgħadt nanaliżża mentalment diversi aspetti relatati ma’ dak li rajt waqt il-logħba. Il-key element li rajt joħroġ prominenti ħafna hu li it-tim jesprimi ruħu f’xi waqtiet tajjeb u f’xi waqtiet jirtira lura b’mod riskjuż li nispiċċaw insofru l-avversarju u nirriskjaw li naqalaw goals banali bħal ma ġara specjalment fit-tieni goal ta’ Spezia li tefana fl-iżvantaġġ. Jista jagħti l-każ li dawn l-amnesiji mentali tal-iskwadra huma anke dovuti għall-fatt li l-iskwadra drat u xebat tilgħab b’ċertu mod kif ukoll li l-iskwadra paradossalment taħkimha ċertu biża meta tinstab pressata mill-avversarju. L-introduzzjoni ta’ tattika ġdida li ħafna drabi tkun bdil fil-formation taf toħloq spark posittiv bħal ma kien Allegri stess ħoloqha meta ntroduċa il-4-2-3-1 f’perjodu tal-istaġun partikolarment diffiċli jidhirli wara telfa kontra Fiorentina fl-istaġun 2016/17. Bidla tattika taf tagħmel trick mentali ġmielu fejn timmotiva lill-players u tagħti spinta psikoloġika biex l-iskwadra taddatta ruħha għall-mod ġdid kif tilgħab.
L-istess 4-2-3-1 taf tkun possibli speċjalment meta jidħol lura Arthur għax ikun jista jifforma koppja affjatata f’nofs il-ground flimkien ma’ Locatelli fl-opinjoni tiegħi. Dan qed ngħidu għax meta tanaliżża il-karatteristiċi tat-tnejn li huma, ssib li għandhom kwalitajiet li jistaw jikkumplimentaw il-xulxin bihom. Arthur eżempju jaf iżomm il-ballun biżżejjed li jaghti nifs lit-tim jitla u il-players ikollhom ċans jimxu mingħajr ballun. Minn naħa l-oħra, Locatelli huwa player li milli rajt sa issa fuqu iħobb iżomm il-ballun biss sakemm jirnexxilu jsib vertikaliżżazjoni interessanti. Din tista tkun soluzzjoni ferm importanti anki minħabba l-fatt li Dybala ma narawhx iktar ikollu bżonn jinżel ikopri r-rwol li jista jkopri Arthur fin-nofs, kif iddiskuta miegħi ħabib tiegħi li spiss jaqra dawn l-artikli. Dybala għalkemm vera qed jagħti qalbu, sikwit qed jinżel iżomm il-ballun biex jaghti ċans lit-tim jassesta ruħu biex jattakka il-lasta avversarja. Pero’ din qed twassal biex spiss qed insibu ruħna b’inferjorita’ numerika biex nattakkaw. Hekk kif jidħol Arthur, Dybala jista jkun ferm iktar effettiv qrib il-lasta u jifforma ma’ Chiesa u Cuadrado trio letali wara l-attakkant ċentrali. Fuq wara, nixtieq nara iktar il-koppja ċentrali difensiva De Ligt u Chiellini li narahom jikkumplimentaw ruħhom aħjar minn Bonucci u De Ligt – biss tista tagħmel rotazzjoni għaqlija fejn dejjem tilgħab lemini fuq iċ-ċentru lemin u xellugi fuq iċ-ċentru xellug u b’hekk ikollok il-players ta’ difiża ċentrali aktar friski għal kull logħba.
Inħalli għalikom il-kummenti li nispera jkunu bosta għax nieħu ferm gost meta jkun hemm ċertu interattivita’ bejnietna.
Insellmilkom.
Żewġ kummenti ‘a caldo’ wara il-logħba Spezia vs Juventus
Illum kienet l-ewwel logħba speċi ta’ do or die għall-istaġun tagħna specjalment fejn jirrigwarda l-kampjonat …. fejn iktar minn qatt qabel kienu jiswew it-3 punti! Illum kif jgħidu ‘contava solo vincere’. Waqt il-logħba speċjalment kif skurjaw it-tieni goal tagħhom Spezia, għaddiet minn fuqi arja ta’ rassenjazzjoni li rari esperjenzajtha kemm ili nsegwi il-Juve. Bejn l-inkredulita’ u l-forza tad-disperazzjoni minħabba ir-riżultat komplejt nara il-logħba imma ftit distratt jew mentalment distakkat għall-ewwel li qlajna l-gowl li ġabna fi żvantaġġ. It-tim pero’ bi Chiesa bi grinta mostruża irreaġixxa bil-kbir għad-diffikultajiet ta’ waqt din il-logħba.
Aspett pożittiv kien żgur li meta wieħed jipparaguna din il-logħba ma’ dik ta’ kontra Empoli jinduna li fejn dakinhar l-iskwadra kienet mentalment u fizikament inkapaċi li ġġib il-logħba lura f’binarju tajjeb, illum l-iskwadra irreagixxiet għal sitwazzjoni ta’ diffikulta’ akbar – propju ghaliex illum kieku tlifna, kienet tkun ftit katastrofika għall-moral tat-tim. Fatt kurjuż li żgur ma ġiex injorat kemm minni u probabbilment anke l-qarrejja ta’ dan il-grupp hu li llum qisu d-destin ried jippremja tlett players ta’ eta’ żghira minflok xi wieħed mill-plejers veterani u propju tnejn minnhom (De Ligt u Chiesa) kienu ftit iktar taħt il-lenti wara l-logħba kontra Milan. Chiesa skurja goal li sewa bħala turning point fil-logħba u De Ligt reġa wera dik il-grinta tipika tiegħu propju bħal meta skurja kontrina l-goal deċiżiv mal-Ajax fic-Champions League. Mill-banda l-oħra, Moise Kean skurja goal vera sabiħ u tipiku ta’ striker ta’ stoffa!
Wara r-rebħa soffertissima tal-llum, għajnejna u moħħna diġa ser iduru fuq il-partita li jmiss tal-Ħadd fi 12:30 kontra Sampdoria, fejn issa wieħed jispera li wara illum nagħtuha iktar kontinwita’ b’rebħa u nisperaw wirja iktar matura u konvinċenti minn tal-llum stess. L-elementi huma kollha hemm biex dan iseħħ imma wieħed irid jinżel b’kattiverja agonistika u feroċja mill-ewwel minuta biex niksbu r-riżultat u nisperaw niksbu l-ewwel clean sheet li taghti aktar fiduċja u solidita’ lill-iskwadra biex b’hekk nibdew nevitaw li nirriskjaw bi kbir li niġu rmuntati waqt logħba u nitilfu punti prezzjużi.
Nitkellmu il-quddiem… insellmilkom għeżież ħbieb Juventini.
Massimo
Formazzjonijiet Spezia vs Juventus – 22.09.2021 – Hin: 18:30
Kif se ikun mistenni li jilghabu illum:
Spezia
Juventus
L-ewwel paġni tal-gazzetti Taljani (22 ta’ Settembru 2021)
Qed inwasslulkom l-ewwel paġni tal-gazzetti Taljani tal-isports tal-lum it-22 ta’ Settembru 2021.
L-ewwel paġni tal-gazzetti Taljani (21 ta’ Settembru 2021)
Qed inwasslulkom l-ewwel paġni tal-gazzetti Taljani tal-isports tal-lum il-21 ta’ Settembru 2021.
L-ewwel paġni tal-gazzetti Taljani (20 ta’ Settembru 2021)
Qed inwasslulkom l-ewwel paġni tal-gazzetti Taljani tal-isports tal-lum l-20 ta’ Settembru 2021.
L-ewwel paġni tal-gazzetti Taljani (19 ta’ Settembru 2021)
Qed inwasslulkom l-ewwel paġni tal-gazzetti Taljani tal-isports tal-lum id-19 ta’ Settembru 2021.
