Tonali mill-ġdid imsemmi ma’ Juventus

/in /by

Fl-aħħar sigħat kien hemm ħafna spekulazzjonijiet li Juventus jistgħu jiksbu lil Sandro Tonali. Milan lesti jżommuh biss qed ikomplu jinsistu ma’ Brescia biex jinżlu mill-prezz tagħhom. Brescia, għall-ewwel aċċettaw li jinżlu mill-prezz maqbul sena ilu, biss issa li Milan reġgħu talbu tnaqqas ulterjuri mill-prezz maqbul ftit tal-jiem ilu, Brescia bdew jikkunsidraw li jwaqqfu n-negozjati ma’ Milan. Juventus qed jissemmew minn diversi sorsi bħala destinazzjoni probabbli għal Tonali. Tgħid dan hi storja vera jew maħluqa bil-għan li Milan jaċċettaw il-kundizzjonijiet ta’ Brescia?

Matthew Scerri

Bdil Dragusin-Locatelli?

/in /by

Radu Dragusin qed ikun indikat bħala l-pedina li permezz tagħha Juventus jistgħu jaslu għal Locatelli. Diġà ssemmew plejers oħra bi tpartit ma’ Locatelli: Fagioli, Rovella u Da Graca. Issa l-attenzjoni ta’ Sassuolo jidher li daret fuq Dragusin. Il-klabbs se jkomplu għaddejjin bit-taħdidiet bejniethom bit-tama li jinstab ftehim li jkun jaqbel lil kulħadd.

Matthew Scerri

Stadiums bil-bibien miftuħa għall-partitarji anki fis-Serie A

/in /by

Intervistat minn Nsl Radio, is-Segretarju Parlamentari għas-Saħħa, Andrea Costa kkonferma li l-partitarji se jitħallew jidħlu fil-grawnds tas-Serie A fl-istaġun li jmiss. Fil-bidu l-istadiums se jilqgħu fihom 25% tas-seating capacity, u mbagħad l-ammont ta’ partitarji fil-grawnd se jiżdied skont kif tkun is-sitwazzjoni medika fil-pajjiż.

Matthew Scerri

Buffon: “Se nkompli nilgħab”

/in /by

“Il-futur tiegħi hu fil-grawnd. Kelli d-dubju għandix nieqaf, imma issa se nkompli nilgħab.” Hekk stqarr Buffon ma’ Tuttosport. Buffon spjega li flimkien mal-aġent tiegħu, Silvano Martina, daqt jiddeċiedi fejn se jkun qed jilgħab. Hu għandu quddiemu żewġ toroq: jingħaqad ma’ tim li se jkun impenjat fiċ-Champions League jew inkella jirritorna ma’ Parma. Skontu mhu se jaċċetta l-ebda proposta biex ikun riserva ma’ tim ieħor. Fil-fatt f’Jannar hu ddeċieda li jitlaq lil Juventus minħabba li ried ikollu postu garantit u hekk ikun mill-ġdid protagonist. Il-gowler żied: “Aċċettajt li nkun riserva biss għal Juventus.” Hu temm jgħid: “Lgħabt fis-Serie B ta’ 28 meta kont champion tad-dinja, ma naħsibx li se jkun problema li nilgħab fis-Serie B ta’ 43 sena.”

Matthew Scerri

Juventus juru mill-ġdid interess f’Tielemans

/in /by

Isem relattivament ġdid għas-suq tat-trasferimenti Juventin: Youri Tielemans ta’ Leicester. Juventus ilhom snin isegwuh sa minn meta beda l-karriera ma’ Anderlecht.  Fl-aħħar snin, ma tantx baqa’ jissemma ma’ Juventus, anki għax hu ngħaqad ma’ Leicester, klabb sinjur li kien jissodisfa l-ambizzjonijiet tiegħu. Illum jidher li hu tassew diffiċli Leicester iħalluh jitlaq, biss nafu li fil-futbol qatt ma tista’ teskludi xejn. Juventus nafu li qed ifittxu li jagħmlu akkwisti ta’ kwalità f’nofs il-grawnd u Tielemans jista’ jkun wieħed minn dawk li jgħinu lit-tim ta’ Allegri jagħmel qabża ta’ kwalità.

Matthew Scerri

Tkompli t-tfittxija tal-Viċi-Szczesny

/in /by

Waħda mill-prijoritajiet tal-mercato Juventin hu li jinstab gowler riserva għal Szczesny wara li Buffon iddeċiedi li ma jibqax ma’ Juventus. Qed isiru ħafna ismijiet. Apparti Sirigu, Juventus jidhru li qed jikkunsidraw anki lil David Ospina, Antonio Mirante, Sergio Romero u Lukasz Skorupski.

Matthew Scerri

L-ewwel paġni tal-gazzetti Taljani (15 ta’ Ġunju 2021)

/in /by

Qed inwasslulkom l-ewwel paġni tal-gazzetti Taljani tal-isports tal-lum il-15 ta’ Ġunju 2021.

Klabbs tal-Premier League jridu lil Ramsey

/in /by

“Se nagħmel minn kollox biex nitlaq.” Hekk stqarr ftit tal-jiem ilu Aaron Ramsey. Il-futur, nisperaw qarib, tiegħu x’aktarx se jkun mill-ġdid fil-Premier League. Crystal Palace, West Ham u Everton ilhom isegwuh u qed juru interess qawwi fih. Jidher li anki Arsenal lesti jilqgħuh lura tant li kellhom kuntatt mal-aġenti tiegħu. L-ikbar ostaklu għal dat-trasferiment jibqa’ l-fatt li Ramsey għandu paga fenomenali ma’ Juventus (7.5 miljuni fis-sena) u ma nafux kemm timijiet oħra lesti jiggarantulu li jibqgħu jagħtuhielu.

Matthew Scerri

Demiral fil-mira ta’ Atalanta

/in /by

Atalanta qed iħarsu mill-ġdid f’dar Juventus sabiex isaħħu lit-tim tagħhom. Wara li sena ilu kisbu b’deal tajjeb lil Romero, issa Atalanta iridu lil Merih Demiral. Juventus qed jitolbu somma ta’ 35 miljun Ewro. L-indikazzjonijiet huma li dis-sena Juventus verament jinsabu lesti li jbigħu lil Demiral biex jagħmlu plusvalenza li hi tant meħtieġa.

Matthew Scerri

L-ewwel paġni tal-gazzetti Taljani (14 ta’ Ġunju 2021)

/in /by

 Qed inwasslulkom l-ewwel paġni tal-gazzetti Taljani tal-isports tal-lum l-14 ta’ Ġunju 2021.