Dybala, Arthur u McKennie mhumiex mgħajta għad-Derby bħala kastig

/in /by

Fil-bidu nett tal-konferenza tal-aħbarijiet lejlet id-Derby, qabel ma’ ngħatat il-kelma lill-ġurnalisti biex jagħmlu d-domandi tagħhom, Pirlo ħabbar li Arthur, McKennie u Dybala mhux se jkunu mgħajta għall-partita kontra Torino b’rabta ma’ dak li seħħ żewġt iljieli ilu meta nqabdu mill-Carabinieri waqt ikla fir-residenza privata ta’ McKennie. S’issa għadu mhux magħruf meta huma se jkunu jistgħu jingħaqdu ma’ sħabhom. Fil-fatt Pirlo qal: “Imbagħad naraw meta se jkunu jistgħu jibdew jaħdmu mill-ġdid mal-kumplament tat-tim.” Mistoqsi jekk iħossx li għadu jżomm id iktar iebsa mal-plejers, Pirlo wieġeb: “Sa minn meta kont nilgħab jien, plejer jista’ jagħmel li jrid barra mill-grawnd basta ma jaqbiżx ċerta limiti. Dawn l-affarijiet dejjem saru biss issa ma kienx il-mument li issir ħaġa ta’ dat-tip.”

Matthew Scerri

Ir-referees tal-partiti tad-29 Ġurnata tas-Serie A

/in /by

Is-Sibt 3 ta’ April 2021, 12.30 p.m.

Milan-Sampdoria: Piccinini

Is-Sibt 3 ta’ April 2021, 3.00 p.m.

Atalanta-Udinese: Manganiello

Benevento-Parma: Massa

Cagliari-Verona: Doveri

Genoa-Fiorentina: maresca

Lazio-Spezia: Giua

Napoli-Crotone: Di Martino

Sassuolo-Roma: Pairetto

Is-Sibt 3 ta’ April 2021, 6.00 p.m.

Torino-Juventus: Fabbri

Is-Sibt 3 ta’ April 2021, 8.45 p.m.

Bologna-Inter: Giacomelli

Matthew Scerri

Aktar inkwiet b’rabta mal-ikla fir-residenza ta’ McKennie

/in /by

L-istorja tal-ikla fil-villa ta’ McKennie jaf tkun iktar serja milli kien maħsub għall-ewwel. La Stampa qed tirraporta li meta l-Carabinieri marru fil-villa ta’ McKennie għall-ħabta tal-11.30 ta’ billejl, ħadd ma ried jiftħilhom. Il-Carabinieri damu madwar siegħa barra mill-kanċell u mbagħad wara tħallew jidħlu. Jidher li McKennie jista’ issa jkun mixli li ma kkoperax u li rreżista għall-ordnijiet tal-Carabinieri. Jista’ jkun ukoll li anki l-mistednin l-oħra jkunu mixlija bl-istess mod.

Matthew Scerri

L-ewwel paġni tal-gazzetti Taljani (2 ta’ April 2021)

/in /by

 Qed inwasslulkom l-ewwel paġni tal-gazzetti Taljani tal-isports tal-lum it-2 ta’ April 2021.

Dybala jiskuża ruħu

/in /by

Paulo Dybala skuża ruħu pubblikament talli mar ikla u dam barra. “Naf li f’mument tant diffiċli fid-dinja minħabba l-Covid ikun aħjar li ma tiżbaljax. Żbaljajt li domt barra għal ikla. Ma kinitx festa, imma xorta żbaljajt u niskuża ruħi.” Hekk kiteb Dybala fuq Instagram.

Matthew Scerri

Il-Finali tal-Coppa Italia se tintlagħab fil-Mapei Stadium minflok f’Ruma

/in /by

Il-Finali tal-Coppa Italia se tintlagħab fil-Mapei Stadium minflok fl-iStadio Olimpico ta’ Ruma. Il-bidla hi meħtieġa minħabba li fid-19 ta’ Mejju, meta se tintlagħab il-Finali tal-Coppa Italia, f’Ruma trid tintlagħab il-partita tal-kampjonat Lazio-Torino li kienet ġiet pospostha minħabba l-Covid-19. Skont Tuttosport hu probabbli wkoll li jekk l-imxija tal-Covid-19 tkompli tbatti, dakinhar fil-Mapei Stadium jitħallew jidħlu xi supporters.

Matthew Scerri

McKennie, Dybala u Arthur imħarka għax kisru r-regolamenti kontra l-imxija tal-Covid-19

/in /by

Għall-ewwel dehret li hi ċajta tal-1 ta’ April, biss din l-aħbar qed tingħata minn diversi sorsi u ma ġietx miċħuda minn Juventus jew mill-plejers innifishom. Għaldaqstant nistgħu nieħdu bħala vera l-aħbar li lbieraħ il-pulizija Taljana marret fir-residenza ta’ McKennie għall-ħabta tal-11.30 ta’ billejl. Hemm sabu li kienet għaddejja ikla li għaliha kienu preżenti 10 persuni (20 skont sorsi oħra). Fost il-mistednin kien hemm anki Dybala u Arthur. Din l-ikla tmur kontra l-miżuri tal-Gvern Taljan u għaldaqstant kull persuna mistiedna ġiet imħarka. Probabbli li t-tlett iplejers se jingħataw multa min-naħa ta’ Juventus.

Matthew Scerri

Demiral mar lura Turin

/in /by

Merih Demiral mar lura Turin b’titjira speċjali. Hu għadu pożittiv għall-Covid-19 biss bi qbil mal-awtoritajiet tal-saħħa, hu mar lura Turin b’titjira u arranġamenti speċjali.

Matthew Scerri

Bonucci pożittiv għall-Covid-19

/in /by

Leonardo Bonucci ttestja pożittiv għall-Covid-19. Dalgħodu sarlu l-iswab test kif titlob il-prassi għal kull plejer li jirritorna mal-klabb tiegħu wara l-impenji mat-tim nazzjonali. Hu bħalissa jinsab iqatta’ l-kwarantina fir-residenza privata tiegħu.

Matthew Scerri