L-ewwel paġni tal-gazzetti Taljani (2 ta’ Frar 2021)
Qed inwasslulkom l-ewwel paġni tal-gazzetti Taljani tal-isports tal-lum it-2 ta’ Frar 2021.
Uffiċjali: Khedira hu plejer ta’ Hertha Berlin
Sami Khedira sar uffiċjalment plejer ta’ Hertha Berlin. Hu rringrazzja lil Juventus u lil Pirlo li magħhom dejjem kellu rapport korrett. Khedira sostna li għalkemm ma lagħabx fl-aħħar xhur, hu tħalla dejjem jittrenja mat-tim.
Matthew Scerri
Rugani ma’ Cagliari
Daniele Rugani se jkompli dan l-istaġun ma’ Cagliari. It-trasferiment hu wieħed uffiċjali. Is-self ta’ Rugani ma’ Rennes wasal fi tmiemu u Rugani se jkun qed jingħaqad ma’ Cagliari. Għada Rugani se jkun fil-belt ta’ Cagliari għat-testijiet mediċi.
Matthew Scerri
Chiellini hu l-Aqwa Plejer ta’ Sampdoria-Juventus
Giorgio Chiellini ġie magħżul mill-qarrejja tal-website tagħna bħala l-Aqwa Plejer tal-partita bejn Sampdoria u Juventus. Fil-votazzjoni li saret online hu kiseb 59% tal-voti, segwit minn Chiesa b’15% tal-voti, filwaqt li fit-tielet post insibu lil Cuadrado b’10% tal-voti. Grazzi lil kulmin ħa sehem!
Matthew Scerri
Torino jridu lil Kastanos ukoll
F’dawn is-sigħat Torino kellmu lil Juventus anki dwar Kastanos. Skont Tuttosport, Torino qed jippruvaw jiksbu lil Kastanos ukoll apparti lil Rugani u Mandragora.
Matthew Scerri
Kif x’aktarx se jilagħbu Inter u Juventus
Inter (3-5-2): Handanovic; Skriniar, De Vrij, Kolarov; Darmian, Barella, Brozovic, Vidal, Young; Sanchez, Lautaro Martinez.
Juventus (4-4-2): Buffon; Cuadrado, Bonucci, De Ligt, Danilo; Chiesa, Arthur, Bentancur, McKennie; Kulusevski, Cristiano Ronaldo.
Sors: Tuttosport
Rugani fil-mira ta’ tliet klabbs tas-Serie A
Tliet klabbs tas-Serie A qed juru interess qawwi f’Daniele Rugani. Fil-jiem li għaddew kien intqal li Torino kellhom ftehim ma’ Juventus għas-self tiegħu. JIdher li l-ftehim għadu mhuwiex wieħed definittiv. Tant hu hekk li Parma u Bologna għamlu kuntatt ma’ Juventus għalih.
Matthew Scerri
Juventus iridu lil Emerson Palmieri b’self
Mill-Ingilterra qed tasal l-aħbar li Juventus talbu lil Emerson Palmieri b’self. Il-full-back Taljan jixtieq jitlaq lil Chelsea biex ikun jista’ jilgħab b’mod regolari u hekk ikollu ċans ikbar li jintgħażel mat-tim nazzjonali Taljan għall-Kampjonat Ewropew.
Matthew Scerri