Cagliari-Juventus 1-3
Ronaldo show b’hattrick fi ftit iktar minn nofs siegħa logħob. Fl-Ewwel Taqsima Juventus letteralment ġabu fix-xejn lill-avversarji u kellhom ħajja faċli ferm biex jikkontrollaw il-partita. Fit-Tieni Taqsima, imbagħad, Cagliari ħadu xi ftit il-kontroll tal-partita f’idejhom, b’Juventus jippreferu jilagħbu bil-kontrattakk. Ir-rebħa Bianconera kienet iktar milli mistħoqqha. Kif qal Paratici qabel il-bidu tal-partita, Juventus m’għandhom għalfejn iħarsu lejn ir-riżultati ta’ Inter. Minflok iridu jaħsbu biex jirbħu kull partita u fi tmiem l-istaġun naraw min se jkun fuq quddiem.
CAGLIARI-JUVENTUS 1-3
Skurjaw: 3 Ronaldo (1 pen.) (J), Simeone (C)
Cagliari (3-5-2): Cragno; Ceppitelli (Klavan), Godin, Rugani (Pereiro); Zappa (Asamoah), Nainggolan, Duncan (Deiola), Marin, Nandez; Joao Pedro, Simeone (Cerri).Kowċ: Semplici.
Juventus (4-4-2): Szczesny; Cuadrado (Frabotta), De Ligt, Chiellini (Bonucci), Alex Sandro (Bernardeschi); Danilo, Kulusevski, Rabiot, Chiesa (Arthur); Morata (McKennie), Ronaldo. Kowċ: Pirlo.
Referee: Calvarese.
Karti sofor: Ronaldo (J), Cuadrado (J).
Matthew Scerri
Ivvota għall-Aqwa Plejer ta’ Cagliari-Juventus
Segwi dil-ħolqa biex tivvota għall-Aqwa Plejer ta’ Cagliari-Juventus:
https://app.ex.co/stories/juveky10/ivvota-g-all-aqwa-plejer-ta-cagliari-juventus
Tliet gowls f’32 minuta …
Tliet gowls f’32 minuta. Hekk wieġeb Cristiano Ronaldo għall-kritika li qala’ wara li Juventus sfaw eliminati miċ-Champions League. Mhix ovvjament l-ewwel darba li skurja hattrick. Darba waħda biss, però, irnexxilu jiskurja tliet gowls f’inqas ħin mil-lum. Fil-fatt fl-2015 kien skurja hattrick kontra Espanyol f’20 minuta.
Matthew Scerri
Paratici: “Ronaldo għadu l-futur ta’ Juventus”
Wara li lbieraħ Pirlo ddikjara li Ronaldo hu “fiċ-ċentru tal-proġett” ta’ Juventus, illum kien imiss lil Paratici li jitkellem fuq l-istess linji. “Ronaldo għadu l-futur ta’ Juventus. Jaqbadni d-daħk. Fil-karriera tiegħi qatt ma ħsibt li Ronaldo se jkun fil-mira tal-kritika jew li xi ħadd se jsaqsi jekk kienx akkwist tajjeb jew le. Qed nitkellmu fuq plejer li fl-2020 skurja 40 gowl u għadu topscorer. Magħna rebaħ ħafna unuri diġà u għalina hu privileġġ li qiegħed fit-tim tagħna,” qal Paratici qabel Cagliari-Juventus.
Matthew Scerri
Ir-riżultati tal-partiti tas-27 Ġurnata tas-Serie A
Il-Ġimgħa 12 ta’ Marzu 2021, 3.00 p.m.
Lazio-Crotone 3-2
Il-Ġimgħa 12 ta’ Marzu 2021, 8.45 p.m.
Atalanta-Spezia 3-1
Is-Sibt 13 ta’ Marzu 2021, 3.00 p.m.
Sassuolo-Verona 3-2
Is-Sibt 13 ta’ Marzu 2021, 6.00 p.m.
Benevento-Fiorentina 1-4
Is-Sibt 13 ta’ Marzu 2021, 8.45 p.m.
Genoa-Udinese 1-1
Il-Ħadd 14 ta’ Marzu 2021, 12.30 p.m.
Bologna-Sampdoria 3-1
Il-Ħadd 14 ta’ Marzu 2021, 3.00 p.m.
Parma-Roma 2-0
Torino-Inter 1-2
Il-Ħadd 14 ta’ Marzu 2021, 6.00 p.m.
Cagliari-Juventus 1-3
Il-Ħadd 14 ta’ Marzu 2021, 8.45 p.m.
Milan-Napoli 0-1
Matthew Scerri
Cuadrado se jkun sospiż għall-partita li jmiss
Juan Cuadrado se jitlef il-partita li jmiss kontra Benevento. Hu se jkun sospiż wara li qala’ karta safra kontra Cagliari. Il-Kolombjan kien l-uniku plejer fil-lista tad-diffidati u allura awtomatikament se jkun sospiż għal partita waħda.
Matthew Scerri
Uffiċjali: Kif se jibdew Cagliari u Juventus
Cagliari (3-5-2): Cragno; Ceppitelli, Godin, Rugani; Zappa, Marin, Duncan, Nainggolan, Nandez; Simeone, Joao Pedro.
Juventus (4-4-2): Szczesny; Cuadrado, De Ligt, Chiellini, Alex Sandro; Danilo, Kulusevski, Rabiot, Chiesa; Morata, Ronaldo.
L-ewwel paġni tal-gazzetti Taljani (14 ta’ Marzu 2021)
Qed inwasslulkom l-ewwel paġni tal-gazzetti Taljani tal-isports tal-lum l-14 ta’ Marzu 2021.
Il-plejers Juventini mgħajta għall-partita kontra Cagliari
Il-plejers mgħajta minn Pirlo għall-partita kontra Cagliari huma:
Gowlers: Szczesny, Pinsoglio, Garofani;
Difensuri: Chiellini, De Liga, Alex Sandro, Danilo, Cuadrado, Bonucci, Di Pardo, Dragusin, Frabotta;
Plejers ta’ nofs il-grawnd: Arthur, McKennie, Chiesa, Rabiot, Bernardeschi, Fagioli, Kulusevski.
Attakkanti: Ronaldo, Morata.
Matthew Scerri