Torino-Juventus bir-ritratti
Qed inwasslulkom ġabra ta’ ritratti tal-aqwa mumenti tal-partita Torino-Juventus. Din il-photogallery hi magħmula minn ritratti li ġew ippubblikati fil-websajt ta’ Juventus.
Sors: Juventus.com
Torino-Juventus 2-2
Wirja oħra mill-aktar fqar u patetiċi fi staġun li kulma jmur qed isir dejjem iktar diżastruż. Għal darb’oħra Juventus ma kinux kapaċi jegħlbu tim tal-qiegħ. Għal darb’oħra kellhom wirja fjakka u batew kontra tim ta’ kwalità baxxa. Għal darb’oħra ma kienx ħaqqhom jirbħu l-partita. Għal darb’oħra morna minn taħt minħabba żball stupidu ta’ plejer minn tagħna. Kull darba li jilagħbu l-Juventus ikollna l-impressjoni li dan hu l-aħħar ċans li naqbdu l-ferrovija. Naħseb irridu nirrassenjaw ruħna għal il-ferrovija ilha li telqet dakinhar li tlifna kontra Fiorentina u ma ttiħdiux il-passi meħtieġa biex ikun salvat dan l-istaġun. Illum l-unika ħaġa li rridu nittamaw hu li jintemm dan l-istaġun malajr kemm jista’ jkun ħalli jkunu jistgħu jsiru l-bidliet meħtieġa f’kull qasam tal-klabb biex it-tim jieħu r-ruħ. Kif dejjem għidna, mhix kwistjoni li tirbaħ jew ma tirbaħx. Il-kwistjoni kollha hi li għandna kull dritt naraw lit-tim tagħna jagħti qalbu fil-grawnd u jagħmel dak kollu li hu possibbli biex jirbaħ. Wirjiet bħal dawk tal-lum huma biss daqqiet ta’ ħarta għall-imħabba li għandna lejn it-tim tal-qalb tagħna.
TORINO-JUVENTUS 2-2
Skurjaw: Chiesa (J), 2 Sanabria (T), Ronaldo (J)
Torino (3-4-1-2): Sirigu; Izzo, Bremer, Buongiorno; Vojvoda, Mandragora, Rincon (Lukic), Ansaldi; Verdi (Baselli); Belotti (Zaza), Sanabria. Kowċ: Nicola.
Juventus (4-4-2): Szczesny; Cuadrado, De Ligt, Chiellini, Alex Sandro (Rabiot); Kulusevski (Bernardeschi), Danilo (Ramsey), Bentancur, Chiesa; Morata, Ronaldo. Kowċ: Pirlo.
Referee: Fabbri.
Karti sofor: Ansaldi (T), Sanabria (T), Cuadrado (J), Rincon (T), Mandragora (T), Bernardeschi (J).
Matthew Scerri
Ivvota għall-Aqwa Plejer ta’ Torino-Juventus
Segwi dil-ħolqa biex tivvota għall-Aqwa Plejer ta’ Torino-Juventus:
https://app.ex.co/stories/surveyw10/ivvota-g-all-aqwa-plejer-ta-torino-juventus
Uffiċjali: Kif se jibdew Torino u Juventus
Torino (3-4-1-2): Sirigu; Izzo, Bremer, Buongiorno; Vojvoda, Mandragora, Rincon, Ansaldi; Verdi; Belotti, Sanabria.
Juventus (4-4-2): Szczesny; Cuadrado, De Ligt, Chiellini, Alex Sandro; Kulusevski, Danilo, Bentancur, Chiesa; Morata, Ronaldo.
Multa kbira għal Dybala
Juventus tassew se jżommu id iebsa ma’ Paulo Dybala. Fil-fatt La Repubblica qed tirraporta li l-multa li Juventus se jweħħlu lil Dybala se tkun ta’ madwar 300,000 Ewro. Se jkun hemm multi anki għal McKennie u għal Arthur. Il-multa se tkun differenti għat-tlieta li huma peress li r-regolamenti jippermettu biss li l-multa tkun ikkalkulata bħala perċentwali fuq il-paga tal-plejers.
Matthew Scerri
Anniversarju: 3/4/1896 titwieled “La Gazzetta dello Sport”
Fit-3 ta’ April 1896 ġiet ippubblikata għall-ewwel darba “La Gazzetta dello Sport”. Fir-ritratt t’hawn fuq tidher l-ewwel paġna ta’ dik l-edizzjoni. Għall-ewwel snin il-gazzetta kellha l-karta kulur aħdar u kienet titratta l-aktar iċ-ċikliżmu u t-tlielaq taż-żwiemel li tant kienu popolari. Fl-1899 il-kulur tal-karta sar roża u mill-1908 bdiet torganizza l-Giro d’Italia.
Matthew Scerri
Juventus iħossu l-kriżi u allegatament se jkellmu lill-plejers dwar il-pagi tagħhom
Rapporti mhux konfermati mill-klabb qed isostnu li allegatament Juventus talbu lill-plejers li jaċċettaw li jirċievu b’daqsxejn dewmien il-ħlas tal-aħħar erba’ pagi. Skont Il Corriere dello Sport Juventus qed iħossu l-piż tal-kriżi finanzjarja (speċjalment issa li nqalgħu miċ-Champions League) u jeħtiġilhom ibigħu xi plejers fis-sajf sabiex ikunu jistgħu jagħmlu tajjeb għall-pagi u l-ħlas amministrattiv l-ieħor għall-perjodu Marzu-Ġunju 2021. Il-gazzetta qed tikteb li Juventus iridu jagħmlu 100 miljun Ewro fi plusvalenze sal-aħħar ta’ Ġunju biex il-kotba tagħhom ikunu f’posthom.
Matthew Scerri
Is-supporters jibagħtu messaġġ lit-tim Juventin
Is-supporters Juventini bagħtu messaġġ ċar lit-tim tal-qalb tagħhom hekk kif ilbieraħ feġġ streamer kbir ma’ wieħed mill-kanċelli tal-Allianz Stadium. L-istreamer jgħid: “Għandkom għal qalbkom biss is-social media, l-isponsors u l-miljuni. Aħsbu fid-Derby! Oħorġu l-attributi!!”