Federico Chiesa ġie magħżul mill-qarrejja tal-website tagħna bħala l-Aqwa Plejer tal-partita bejn Juventus u Porto. Fil-votazzjoni li saret online hu kiseb 91% tal-voti, segwit minn Cuadrado b’6% tal-voti. Grazzi lil kulmin ħa sehem!
Matthew Scerri
“Ninsabu delużi. Ridna ngħaddu u ħdimna għalhekk. Aħna kollha, Ronaldo wkoll ninsabu imdejqin minħabba li nqlajna miċ-Champions League. Issa rridu nħarsu ‘l quddiem. L-objettivi tagħna għall-kumplament tal-istaġun huma li nirbħu l-kampjonat u l-Coppa Italia.” Hekk tkellem Alex Sandro f’intervista mogħtija lil Sky.
Matthew Scerri
L-Imħallef tal-Isport qatagħha li Lazio-Torino se jkollha tintlagħab. Fit-2 ta’ Marzu li għadda Torino ma niżlux għall-partita minħabba li l-ASL ta’ Torino ordnatilhom kwarantina stretta hekk kif kien hemm diversi każijiet ta’ Covid-19 fi ħdan it-tim. Il-Lega Calcio kienet iddeċidiet li l-partita kellha tintlagħab xorta waħda. Issa l-Imħallef tal-Isport irrikonoxxa li Torino ma setgħux jinżlu għall-partita u allura ma jistgħux jingħataw telfa walk over. Għalhekk iddeċieda li l-partita trid tintlagħab f’data oħra.
Matthew Scerri
Inkredibbli imma veru! Juventus-Napoli mhux se tintlagħab fis-17 ta’ Marzu. Il-Lega Calcio ħabbret li minflok dil-partita se tintlagħab fis-7 ta’ April. Jidher li kienu ż-żewġ klabbs li talbu dil-bidla fid-data. Il-partita se tintlagħab fis-6.45 p.m.
Matthew Scerri
Fis-sajf jista’ jkun li Juventus jagħmlu tentattiv li jiksbu lil Aouar bi tpartit ma’ Douglas Costa. Skont Tuttosport, Juventus huma interessati ferm li jiksbu s-servizzi ta’ Aouar, li għandu valur ta’ bejn 50 u 60 miljun Ewro. Fil-pjanijiet ta’ Juventus hemm li joffru lil Costa u somma flus lil O.Lyon biex jiksbu lil Aouar.
Matthew Scerri
Fl-aħħar jumejn kien hemm spekulazzjonijiet kbar li Ronaldo se jkun qed jitlaq lil Juventus fi tmiem il-istaġun. Issemmew ħafna PSG, imma hemm l-għidut li Real Madrid iriduh lura wkoll. Il-gazzetti qed isemmu l-prezz li Juventus se jkunu qed jitolbu għalih. L-istess gazzetti qed jirrapurtaw li Juventus se jkunu qed ibigħu lil Ronaldo minħabba l-kriżi finanzjarja. Kif għidna dawn huma biss spekulazzjonijiet. Minn dak li nafu aħna, Juventus kienu f’taħdidiet ma’ Ronaldo ftit tal-ġimgħat ilu biex iġeddulu l-kuntratt. Ronaldo għadu plejer ta’ klassi kbira u forsi ħafna qed jinsew li hu t-topscorer tas-Serie A. Min qed jarmi lil Ronaldo bħalissa, nemmnu li qed jinsa li l-veri problemi tat-tim Juventin huma oħrajn, żgur mhux Ronaldo.
Matthew Scerri
Qed inwasslulkom l-ewwel paġni tal-gazzetti Taljani tal-isports tal-lum it-12 ta’ Marzu 2021.
Is-segretarjat jixtieq javża lill-membri li minħabba r-restrizzjonijiet mħabbra il-bieraħ l-uffiċċju tal-Club ser jinżamm magħluq sa ma jerġgħu jinħarġu istruzzjonijiet oħra. Min irid iħallas il-membership jista’ jagħmel dan min fuq il-website http://juventusclubmalta.com
Grazzi
Il-Ġimgħa 12 ta’ Marzu 2021, 3.00 p.m.
Lazio-Crotone: Rapuano
Il-Ġimgħa 12 ta’ Marzu 2021, 8.45 p.m.
Atalanta-Spezia: Marini
Is-Sibt 13 ta’ Marzu 2021, 3.00 p.m.
Sassuolo-Verona: Prontera
Is-Sibt 13 ta’ Marzu 2021, 6.00 p.m.
Benevento-Fiorentina: Giacomelli
Is-Sibt 13 ta’ Marzu 2021, 8.45 p.m.
Genoa-Udinese: Camplone
Il-Ħadd 14 ta’ Marzu 2021, 12.30 p.m.
Bologna-Sampdoria: Irrati
Il-Ħadd 14 ta’ Marzu 2021, 3.00 p.m.
Parma-Roma: Piccinini
Torino-Inter: Valeri
Il-Ħadd 14 ta’ Marzu 2021, 6.00 p.m.
Cagliari-Juventus: Calvarese
Il-Ħadd 14 ta’ Marzu 2021, 8.45 p.m.
Milan-Napoli: Pasqua
Matthew Scerri