Scamacca-Juventus. Resqin lejn ftehim!
Kollox jindika li Juventus u Sassuolo resqin lejn ftehim sabiex Scamacca jingħaqad mal-Bianconeri. Genoa se jkunu qed jiffirmaw lil Niang minfloku. Scamacca se jkun misluf lil Juventus għal sena u nofs. Skont La Gazzetta dello Sport, Paratici lest jaċċetta l-obbligu li Juventus jixtru lil Scamacca għal kollox fl-2022. B’dal-mod, il-prezz tax-xiri ta’ Scamacca se jkun imqassam fuq erba’ snin kif diġà qed isir fil-każ ta’ Chiesa.
Matthew Scerri
Id-dettalji tat-trasferimenti ta’ Rovella, Portanova u Petrelli
Juventus se jkunu qed iħallsu 18-il miljun Ewro lil Genoa għal Nicolò Rovella flimkien ma’ 2 miljuni oħra f’bonuses. Min-naħa tagħhom Genoa qed jixtru mingħand Juventus lil Portanova u lil Petrelli. Is-somma li Genoa se jħallsu għal Portanova hi ta’ 10 miljuni, filwaqt li Petrelli se jiswihom 8 miljuni. Fil-kuntratti hemm anki performance bonuses li jkunu jridu jitħallsu għat-tnejn li huma: 5 miljuni fil-każ ta’ Portanova u 5.3 miljun Ewro għal Petrelli. Infakkru li Rovella se jibqa’ b’self ma’ Genoa għal sena u nofs, filwaqt li Portanova u Petrelli se jkunu qed jilbsu l-flokk ta’ Genoa immedjatament.
Matthew Scerri
Kulusevski hu l-Aqwa Plejer ta’ Juventus-Spal
Dejan Kulusevski ġie magħżul mill-qarrejja tal-website tagħna bħala l-Aqwa Plejer tal-partita bejn Juventus u Spal tal-Coppa Italia. Fil-votazzjoni li saret online hu kiseb 27% tal-voti, filwaqt li fit-tieni post insibu lil Rabiot u Fagioli b’20% tal-voti kull wieħed. Grazzi lil kulmin ħa sehem!
Matthew Scerri
Douglas Costa lura fis-Serie A?
Douglas Costa jista’ jkun qed jirritorna fis-Serie A fil-ġranet li ġejjin. Skont Tuttosport, fil-fatt, Milan qed jikkunsidraw li jressqu offerta għalih hekk kif jafu li Bayern Munich lesti jtemmu immedjatament is-self tiegħu mingħand Juventus. Minn dak li qed ikun irrapurtat, Juventus ma jriduhx lura fit-tim tagħhom u għaldaqstant lesti jfittxu tim ġdid għalih.
Matthew Scerri
L-ewwel paġni tal-gazzetti Taljani (29 ta’ Jannar 2021)
Qed inwasslulkom l-ewwel paġni tal-gazzetti Taljani tal-isports tal-lum id-29 ta’ Jannar 2021.
Uffiċjali: Juventus xtraw lil Rovella. Portanova u Petrelli ma’ Genoa
Juventus iddepożitaw fl-uffiċini tal-Lega Calcio l-kuntratt tax-xiri ta’ Nicolò Rovella. Hu se jibqa’ b’self għal sitt xhur ma’ Genoa. Il-klabb ta’ Preziosi xtara mingħand Juventus lil Manolo Portanova u Elia Petrelli.
Matthew Scerri
Ir-referees tal-partiti tal-20 Ġurnata tas-Serie A
Il-Ġimgħa 29 ta’ Jannar 2021, 8.45 p.m.
Torino-Fiorentina: Di Bello
Is-Sibt 30 ta’ Jannar 2021, 3.00 p.m.
Bologna-Milan: Doveri
Is-Sibt 30 ta’ Jannar 2021, 6.00 p.m.
Sampdoria-Juventus: Fabbri
Is-Sibt 30 ta’ Jannar 2021, 8.45 p.m.
Inter-Benevento: Pasqua
Il-Ħadd 31 ta’ Jannar 2021, 12.30 p.m.
Spezia-Udinese: Di Martino
Il-Ħadd 31 ta’ Jannar 2021, 3.00 p.m.
Crotone-Genoa: Giacomelli
Atalanta-Lazio: Chiffi
Cagliari-Sassuolo: Mariani
Il-Ħadd 31 ta’ Jannar 2021, 6.00 p.m.
Napoli-Parma: La Penna
Il-Ħadd 31 ta’ Jannar 2021, 8.45 p.m.
Roma-Verona: Piccinini
Matthew Scerri