Juventus iddepożitaw fl-uffiċini tal-Lega Calcio l-kuntratt tax-xiri ta’ Nicolò Rovella. Hu se jibqa’ b’self għal sitt xhur ma’ Genoa. Il-klabb ta’ Preziosi xtara mingħand Juventus lil Manolo Portanova u Elia Petrelli.
Matthew Scerri
Il-Ġimgħa 29 ta’ Jannar 2021, 8.45 p.m.
Torino-Fiorentina: Di Bello
Is-Sibt 30 ta’ Jannar 2021, 3.00 p.m.
Bologna-Milan: Doveri
Is-Sibt 30 ta’ Jannar 2021, 6.00 p.m.
Sampdoria-Juventus: Fabbri
Is-Sibt 30 ta’ Jannar 2021, 8.45 p.m.
Inter-Benevento: Pasqua
Il-Ħadd 31 ta’ Jannar 2021, 12.30 p.m.
Spezia-Udinese: Di Martino
Il-Ħadd 31 ta’ Jannar 2021, 3.00 p.m.
Crotone-Genoa: Giacomelli
Atalanta-Lazio: Chiffi
Cagliari-Sassuolo: Mariani
Il-Ħadd 31 ta’ Jannar 2021, 6.00 p.m.
Napoli-Parma: La Penna
Il-Ħadd 31 ta’ Jannar 2021, 8.45 p.m.
Roma-Verona: Piccinini
Matthew Scerri
Juventus u Sassuolo mistennija jkunu qed jixtru plejer b’kollaborazzjoni flimkien. Fil-fatt Juventus iridu lil Liberato Cacace ta’ Sint Truiden. L-idea hi li, kif ġara fis-snin li għaddew b’Demiral, Sassuolo se jixtru lil dal-plejer għal 5 miljuni. Is-sena d-dieħla jew ta’ wara, imbagħad, Juventus ikollhom id-dritt li jixtruh għal somma kemxejn għola direttament mingħand Sassuolo.
Matthew Scerri
Illum probabbli li Paratici se jkun qed jiltaqa’ ma’ Carnevali ta’ Sassuolo bil-għan li jinstab ftehim għat-trasferiment ta’ Scamacca ma’ Juventus. Pirlo għadu mingħjar ir-raba’ attakkant u qed ikollu jadatta lil Kulusevski. Paratici għadu qed jaħdem biex jikseb b’self lil Scamacca mingħand Sassuolo. Probabbli li l-klabbs jilħqu ftehim bejniethom fuq il-bażi ta’ self għal sena u nofs, bid-dritt jew l-obbligu għal Juventus li jixtruh għal kollox fl-2022. Fil-ftehim jista’ jidħol anki Fagioli li jingħaqad ma’ Sassuolo għas-somma ta’ bejn 10 u 12-il miljun Ewro.
Matthew Scerri
Paulo Dybala solva l-kwistjoni li kellu mal-kumpanija Star Image dwar il-bejgħ tal-image rights tiegħu. L-istorja tmur lura għal żmien meta kien għadu plejer ta’ Palermo. Dik il-ħabta Dybala kien iffirma kuntratt ma’ Star Image, kumpanija rreġistrata f’pajjiżna, fejn bażikament tahom id-dritt li jinnegozjaw kull tip ta’ kuntratt marbut mal-image rights tiegħu għal perjodu ta’ 10 snin. Dybala dejjem sostna li hu kien ġie b’xi mod ingannat mill-eks-aġent tiegħu f’din l-istorja. Meta ngħaqad ma’ Juventus hu kien fehem l-iżball li għamel peress li normalment il-klabbs il-kbar tal-futbol ikunu jridu d-dritt li jbigħu huma direttament l-image rights tal-plejers fit-tim tagħhom. Dybala kien beda taħdidiet ma’ Star Image sabiex jintlaħaq ftehim ħalli l-kuntratt ikun itterminat. Il-ftehim dam ma ntlaħaq peress li Star Image kienu qed jitolbu somma ta’ 35 miljun Ewro. Issa jidher li l-ftehim bejn il-partijiet instab. Mhux magħruf, però, kemm ħallas Dybala.
Matthew Scerri
Cristiano Ronaldo jinsab mill-ġdid f’nofs polemika. Fil-fatt ilbieraħ, hekk kif Pirlo ma għajjatlux għall-partita kontra Spal, hu mar flimkien ma’ Georgina Rodriguez f’Courmayeur. Kien jum għeluq snin Georgina u ried li jagħmlu xi ħaġa speċjali. S’hawn xejn speċjali. Il-problema hi madankollu li minħabba r-restrizzjonijiet b’rabta mal-Covid, Ronaldo ma setax jitlaq mill-belt ta’ Turin. Georgina tellgħet fuq Instagram filmat qasir tagħhom f’Courmayeur fuq is-silġ. Wara ftit tal-ħin il-filmat tħassar, biss ħafna kienu laħqu rawh u online għaddejjin ħafna polemiki. Jista’ jkun li jittieħdu passi fil-konfront ta’ Ronaldo min-naħa tal-awtoritajiet lokali talli kiser il-miżuri tal-Avviż Legali tal-Gvern Taljan.
Matthew Scerri
Qed inwasslulkom ġabra ta’ ritratti tal-aqwa mumenti tal-partita Juventus-Spal tal-Coppa Italia. Din il-photogallery hi magħmula minn ritratti li ġew ippubblikati fil-websajt ta’ Juventus.
Sors: Juventus.com
Qed inwasslulkom l-ewwel paġni tal-gazzetti Taljani tal-isports tal-lum it-28 ta’ Jannar 2021.
