Illejla kontra Spal Pirlo se jkun qed iserraħ diversi plejers. Bejn il-lasti se jkun hemm Buffon li għada jagħlaq 43 sena. Fid-difiża se naraw lil Demiral, De Ligt u Dragusin. Ir-raba’ wieħed tad-difiża, dak li se jilgħab mal-linja xellugija se jkun Frabotta jew Bernardeschi. F’nofs il-grawnd x’aktarx ikollna d-debutt ta’ Di Pardo, flimkien ma’ McKennie, Ramsey u Rabiot. Quddiem il-koppja Morata-Kulusevski.
Matthew Scerri
Qed inwasslulkom l-ewwel paġni tal-gazzetti Taljani tal-isports tal-lum is-27 ta’ Jannar 2021.
Dejan Kulusevski se jkun qed jitlef il-partita kontra Sampdoria wara li ġie sospiż għal partita waħda mill-Imħallef tal-Isport. Hu kien fil-lista tad-‘diffidati’ u se l-karta safra li qala’ kontra Bologna awtomatikament issarrfet f’sospensjoni.
Matthew Scerri
Alex Sandro wkoll fieq mill-Covid-19. Hu ttestja darbtejn negattiv għall-iswab tests li sarulu u skont il-protokoll tal-FIG jista’ jirritorna għall-azzjoni immedjatament. B’hekk fiequ t-tliet iplejers li kellhom il-Covid fl-aħħar ġimgħat. L-aħbar tal-fejqan ta’ Alex Sandro waslet proprju fil-jum li fih jagħlaq sninu.
Matthew Scerri
Ġiet ippubblikat id-“Deloitte Football Money League”, ir-rapport ta’ analiżi finanzjarja tal-klabbs tal-futbol. Il-klabb li kellu l-akbar dħul fl-2019/20 kien dak ta’ Barcellona: 715 miljun Ewro. Juventus jinsabu fl-10 post tal-klassifika tad-dħul tal-klabbs b’somma ta’ 397.9 miljun Ewro. B’mod ġenerali l-klabbs kollha kellhom tnaqqis drastiku fid-dħul tagħhom, prinċipalment minħabba li naqsu t-tv rights u fl-istess ħin kellhom jgħaddu għal bosta xhur mingħajr gate money tal-grawnd. Deloitte stmat li t-telf mid-dħul għall-aqwa għoxrin klabb tal-Ewropa kien jammonta għal 1.1 biljun Ewro. Hu stmat li jekk wieħed jikkalkula anki dawn ix-xhur li ninsabu fihom, it-telf għall-klabbs se jaqbeż iż-żewġ biljun Ewro. Dan kollu f’xenarju tassew inċert fejn ħadd m’għandu idea meta l-affarijiet se jmorru lura għan-normal.
Matthew Scerri
Qed inwasslulkom l-ewwel paġni tal-gazzetti Taljani tal-isports tal-lum is-26 ta’ Jannar 2021.
Weston McKennie ġie magħżul mill-qarrejja tal-website tagħna bħala l-Aqwa Plejer tal-partita bejn Juventus u Bologna. Fil-votazzjoni li saret online hu kiseb 53% tal-voti, segwit minn Arthur b’15% tal-voti, filwaqt li fit-tielet post insibu lil Szczesny b’13% tal-voti. Grazzi lil kulmin ħa sehem!
Matthew Scerri
Juventus u O.Marseille jinsabu qrib ferm li jilħqu ftehim għal bdil ta’ plejers. Il-Bianconeri se jiksbu lil Marley Ake, winger ta’ 19-il sena. O. Marseille se jkunu qed jiksbu mingħand Juventus lil Franco Tongya li għandu kuntratt mal-Bianconeri li jiskadi daqt.
Matthew Scerri
Fabio Paratici kellu raġun: Cristian Romero hu difensur ta’ kwalità u ma’ Atalanta qed juri t-talent kollu tiegħu. Tant sejjer tajjeb li m’hemmx dubju li Atalanta se jixtruh għal kollox mingħand Juventus. Il-prezz maqbul hu ta’ 16-il miljun Ewro, liema somma tista’ titla’ għal 18-il miljun jekk Atalanta jikkwalifikaw għaċ-Champions League.
Matthew Scerri