Camavinga fost l-aktar plejers li jinteressaw lil Juventus

/in /by

Eduardo Camavinga qed ikun indikat bħala wieħed mill-plejers li l-aktar qed jogħġbu lil Juventus biex isaħħu n-nofs il-grawnd tagħhom. Il-konkorrenza għall-akkwist tiegħu hi tassew qawwija, b’Real Madrid u PSG lesti jagħmlu minn kollox biex jiffirmawh. Juventus jistgħu jilagħbu karta importanti: ilhom minn das-sajf f’kuntatti ma’ Rennes peress li silfuhom lil Rugani. Dan jista’ jagħti daqsxejn ta’ vantaġġ lil Juventus fuq it-timijiet l-oħra.

Matthew Scerri

Ancelotti jwieġeb lil Khedira

/in /by

Ancelotti kellu l-opportunità jitkellem dwar dak li stqarr Khedira ma’ Sky tal-Ġermanja fejn fost l-oħrajn esprima x-xewqa li jkun ittrenjat mill-ġdid minn Mourinho jew Ancelotti. Il-kowċ Taljan sostna li għandu tifkira tajba ħafna ta’ Khedira u li kieku tinqala’ l-opportunità lest jikkowċjah mill-ġdid. Dan però, iċċara, l ma jfissirx li Khedira se jingħaqad żgur ma’ Everton.

Matthew Scerri

Bentancur m’għandux il-Covid

/in /by

Rodrigo Bentancur ittestja negattiv għaż-żewġ swab tests li sarulu lbieraħ u llum wara li rritorna mill-impenji mat-tim nazzjonali. Nafu li sieħbu tat-tim nazzjonali, Godin, instab pożittiv. Illum hu ttrenja apparti b’mod prekawzjonali sabiex tkun imħarsa saħħet il-plejers l-oħra. Għada se jsirlu swab test ieħor u jekk ir-riżultat jerġa’ jkun negattiv, allura hu jkun jista’ jilgħab kontra Cagliari.

Matthew Scerri

Nuno Mendes jista’ jkun l-eredi ta’ Chiellini ma’ Juventus

/in /by

Hekk kif Chiellini daħal fl-aħħar sena tal-karriera tiegħu, Juventus bdew ifittxu eredi għalih. A Bola qed tirraporta li Juventus huma interessati flimkien ma’ Arsenal, Manchester United, Wolves u Milan, fl-akkwist ta’ Nuno Mendes. Hu difensur ċentrali li jista’ jilgħab anki mal-linja xellugija, bħal Chiellini insomma. Sporting Lisbon qed jitolbu 70 miljun Ewro għalih.

Matthew Scerri

Godin pożittiv għall-Covid-19. Cagliari jħallu barra anki lil Nandez

/in /by

Diego Godin ittestja pożittiv għall-Covid-19 u se jitlef il-partita kontra Juventus. Cagliari ddeċidew li anki l-Urugwajan l-ieħor, Nandez, jitħalla barra mil-lista ta’ plejers mgħajta għall-partita ta’ Turin. Hu ttestja negattiv u allura m’għandux il-virus. Madankollu b’mod prekawzjonali Cagliari ħallew barra peress li kien f’kuntatt ma’ Godin.

Matthew Scerri

Kif x’aktarx se jilagħbu Juventus u Cagliari

/in /by

Juventus (3-4-1-2): Szczesny; Demiral, De Ligt, Danilo; Cuadrado, Rabiot, Arthur, Bernardeschi; Kulusevski; Morata, Ronaldo.

Cagliari (4-3-3): Cragno; Zappa, Walukiewicz, Pisacane, Tripaldelli; Pereiro, Rog, Marin; Ounas, Simeone, Joao Pedro.

Sors: Sportmediaset

Erbat iplejers irkupraw mill-injuries tagħhom

/in /by

Aħbarijiet tajba mill-JTC tal-Continassa hekk kif Pirlo rkupra erba’ mill-plejers li kellu barra mill-azzjoni b’injury. De Ligt, Alex Sandro, Chiesa u Dybala fl-aħħar jiem ittrenjaw mal-kumplament ta’ sħabhom u dan ifisser li rkupraw mill-injuries li kienu sofrew. Hu kważi ċert li De Ligt u Alex Sandro se jkunu qed jibdew mill-ewwel minuta kontra Cagliari, filwaqt li Chiesa u Dybala jaf jibdew bħala sostituti bil-possibbiltà li jidħlu waqt il-partita.

Matthew Scerri

Bħal-lum fil-passat (20 ta’ Novembru 2020)

/in /by

Illum qed inwasslulkom filmat tassew antik li joħodona lura għall-1949 meta proprju bħal-lum Juventus kienu għelbu lil Pro Patria bl-iskor ta’ 0-3.

L-ewwel paġni tal-gazzetti Taljani (20 ta’ Novembru 2020)

/in /by

Qed inwasslulkom l-ewwel paġni tal-gazzetti Taljani tal-isports tal-lum l-20 ta’ Novembru 2020.