Lockdown li jista’ jeffettwa lil Napoli u lil Benevento

/in /by

Il-President tar-reġjun Campania, De Luca qed jhedded mill-ġdid lis-Serie A. Fil-fatt hu mhuwiex jeskludi li jkollu jordna lockdown fir-reġjun tiegħu minħabba l-imxija tal-Covid. Jekk verament ikun hemm lockdown, allura dan ikun ifisser li Napoli u Benevento ma jkunux jistgħu jinżlu fil-grawnd għall-partiti tas-Serie A. Huma la jkunu jistgħu jilqgħu timijiet f’darhom u wisq inqas imorru jilagħbu barra minn darhom. Dan dejjem jekk Napoli u Benevento ma jingħatawx permess speċjali biex ikompli għaddejjin bil-logħob minkejja l-lockdown. Insomma, sitwazzjoni tassew imħawda u l-kampjonat tas-Serie A jaf verament ikollu xi interuzzjonijiet dis-sena.

Matthew Scerri

Verona qatt ma għelbu lil Juventus f’Turin fis-Serie A

/in /by

Juventus-Verona hi sfida bejn timijiet li bejniethom rebħu 39 scudetto. Komplessivament isibu lit-timijiet lagħbu 81 darba kontra xulxin f’partiti uffiċjali ta’ kompetizzjonijiet diffeenti. Juventus rebħu 49 minn dawn il-81, kien hemm 18-il draw u 14-il rebħa ta’ Verona. B’kollox Juventus skurjaw 153 gowl f’dawn il-partiti kollha u qalgħu 69 gowl. Jekk inħarsu lejn il-partiti tas-Serie A, b’kollox kien hemm 58 konfronti bejn Juventus u Verona. Juventus ħarġu rebbieħa 33 darba, b’14-il draw u 11-il telfa. Interessanti lifid-29 partita tas-Serie A li ntlagħbu f’Turin, Verona qatt ma rebħu. Anzi, biex ngħidu kollox, Juventus ħarġu kważi dejjem rebbieħa (25 rebħa u 4 draws).

Matthew Scerri

Pjanic: “Sarri ma kellux fiduċja fina”

/in /by

F’intervista mogħtija lil Tuttosport, Miralem Pjanic kellu l-opportunità jgħid tiegħu dwar Maurizio Sarri. Skontu, Sarri qatt ma kellu fiduċja fil-plejers Juventini u dan wassal biex qatt ma kien hemm dik l-ispark bejnu u bejn il-plejers li twassal għar-riżultati. Fi kliem Pjanic, Sarri ma emminx biżżejjed fil-plejers li kellu għad-dispożizzjoni tiegħu u dan fixkel mhux ftit lit-tim. Minkejja kollox, però, it-tim xorta waħda rnexxilu jirbaħ il-kampjonat, li mhi qatt ħaġa faċli.

Matthew Scerri

Kif x’aktarx se jilagħbu Juventus u Verona

/in /by

Juventus (3-4-1-2): Szczesny; Danilo, Bonucci, Demiral; Cuadrado, Arthur, Bentancur, Frabotta; Kulusevski; Dybala, Morata.

Verona (3-4-2-1): Silvestri; Lovato, Ceccherini, Empereur; Faraoni, Vieria, Ilic, Lazovic; Tameze, Zaccagni; Di Carmine.

Sors: Sportmediaset

Inċident għal missier Kulusevski

/in /by

Missier Dejan Kulusevski kellu inċident bil-karozza personali tiegħu ftit ‘il bogħod mill-Continassa. Hu nqaleb bl-SUV tiegħu anki jekk b’xorti tajba ma weġġgħax. Is-Sur Kulusevski mar il-Continassa biex jiġbor lil ibnu u jieħdu d-dar wara li waslet fi tmiemha l-kwarantina volontarja tat-tim Juventin kollu.

Matthew Scerri

Inter interessati ferm f’Dybala

/in /by

Il-ftehim bejn Juventus u Paulo Dybala għall-kuntratt il-ġdid tiegħu għadu ma nstabx. It-taħdidiet ilhom għaddejjin iktar minn sena u l-ispekulazzjonijiet mhuma jieqfu xejn. Pubblikament Paratici dejjem stqarr li Juventus iridu jibnu lit-tim tagħhom madwar Dybala anki fis-snin li ġejjin. Anki Pirlo tkellem f’das-sens. Madankollu l-media ma tantx qed temminhom. Kif għidna hemm ħafna għidut dwar il-futur tiegħu. Qed jingħad pereżempju li Inter lesti jressqu offerta għalih fl-eventwalità li jirċievi offerta tajba għal Lautaro. X’se jiġri verament? Irridu nistennew u naraw.

Matthew Scerri

L-ewwel paġni tal-gazzetti Taljani (24 ta’ Ottubru 2020)

/in /by

Qed inwasslulkom l-ewwel paġni tal-gazzetti Taljani tal-isports tal-lum l-24 ta’ Ottubru 2020.

Intemmet il-kwarantina tat-tim Juventin

/in /by

Wasal fi tmiemu l-iżolament ‘fiduciario’ tat-tim Juventin hekk kif għaddew l-għaxart ijiem tal-kwarantina skont ma titlob il-liġi Taljana. Il-perjodu ta’ iżolament kien beda hekk kif McKennie kien instab pożittiv għall-Covid.

Matthew Scerri

McKennie fieq!

/in /by

Weston McKennie fieq mill-Covid-19. Hu ttestja negattiv fl-aħħar swab test li sarlu lbieraħ. L-aħbar tal-fejqan ta’ McKennie ngħatat direttament minn Juventus. Skont il-protokoll tal-FIGC, McKennie se jkun jista’ jilgħab għada kontra Verona. S’issa m’hemm l-ebda aħbar ġdida dwar Ronaldo u nifhmu li għadu pożittiv għax li kieku fieq, żgur kienet tingħata l-aħbar flimkien ma’ dik ta’ McKennie.

Matthew Scerri