Bħal-lum fil-passat (8 ta’ Novembru)
Fit-8 ta’ Novembru 1953 Juventus lagħbu barra minn darhom kontra Bologna fil-kampjonat tas-Serie A. It-tim Juventin kiseb rebħa ta’ 0-1, gowl ta’ Praest.
Dragusin mgħajjat minflok Chiellini
L-injury ta’ Chiellini wassal biex Andrea Pirlo sejjaħ għall-ewwel darba lid-difensur ta’ Juventus Under 23, Radu Dragusin. Il-ġgant Rumen ta’ 18-il sena jaf jiddebutta ma’ Juventus kontra Lazio.
Matthew Scerri
Ansu Fati se jitlef Barcellona-Juventus minħabba injury
Ansu Fati sofra injury f’irkoptu li se jżommu barra mill-azzjoni għal madwar xahar u nofs. Hu għaldaqstant se jkun qed jitlef il-partita kontra Juventus fil-gruppi taċ-Champions League.
Matthew Scerri
Pogba jista’ jitlaq lil Manchester United f’Jannar
Il-gazzetta Daily Telegraph mhix teskludi li Manchester United ibigħu lil Paul Pogba f’Jannar. Fil-fatt fil-pjanijiet tar-Red Devils hemm li jbigħu lil Pogba fis-sajf li ġej sabiex jevitaw ir-riskju li jitilfuh b’xejn fis-sajf ta’ wara. Madankollu dawn il-pjanijiet jistgħu jinbidlu jekk f’Jannar taslilhom offerta tajba. Bħal dejjem Juventus, Real Madrid u PSG huma t-timijiet li l-aktar qed jissemmew għall-futur ta’ Pogba.
Matthew Scerri
L-ewwel paġni tal-gazzetti Taljani (7 ta’ Novembru 2020)
Qed inwasslulkom l-ewwel paġni tal-gazzetti Taljani tal-isports tal-lum is-7 ta’ Novembru 2020.
Bensebaini fil-mira ta’ Juventus u klabbs kbar oħra
Juventus huma fost it-timijiet li qed isegwu b’interess qawwi lil Ramy Bensebaini ta’ Borussia Monchengladbach. L-Alġerin ġej minn staġuni tajbin ħafna fil-Bundesliga u jidher lest għal qabża ta’ kwalità fil-karriera tiegħu. Apparti Juventus hemm anki PSG, Manchester United u Manchester City li jriduh.
Matthew Scerri
Mancini pożittiv għall-Covid-19
Il-ġimgħa d-dieħla se jirriturnaw l-impenji tat-timijiet nazzjonali. Intant tħabbar li Roberto Mancini nstab pożittiv għall-Covid-19. Fil-bidu tad-dieħla t-tim nazzjonali Taljan se jkun immexxi mill-Viċi ta’ Mancini, Evani. Nhar l-Erbgħa, imbagħad, se jsir swab test u skont r-riżultat se nkunu nafu jekk Mancini huwiex se jkun jista’ jieħu postu fil-pitch biex imexxi lill-Azzurri.
Matthew Scerri
Barcellona lesti jbigħu lil Dembélé f’Jannar
Skont Mundo Deportivo Barcellona lesti jikkunsidraw li jbigħu lil Ousmane Dembélé f’Jannar. Il-kriżi tal-Covid-19 qed tinħass għal kulħadd u nafu li t-tmexxija ta’ Barcellona ftit li xejn kienet għaqlija mil-lat finanzjarju fl-aħħar snin. Fil-fatt Barcellona għandhom ħafna dejn u jeħtiġilhom ibigħu xi plejers. Juventus u Manchester United huma l-aktar timijiet li jidhru interessati fl-akkwist ta’ Dembélé.
Matthew Scerri