Bħal-lum fil-passat (29 ta’ Ottubru)
Qabża lura għas-sena 1950 meta Juventus kienu għelbu lil Bologna bl-iskor kbir ta’ 0-5 .
Juventus-Barcellona 0-2
Waslet l-ewwel telfa fl-Ewropa għall-Juventus ta’ Andrea Pirlo. Barcellona rebħu 0-2 f’partita li rat lil Juventus għal darb’oħra żbilanċjata u b’difiża miftuħa beraħ. Il-Bianconeri ħallsu qares l-iżbalji li twettqu u għandna l-impressjoni li Barcellona mhumiex xi tim qawwi. Bi ftit attenzjoni żgur li Juventus setgħu minn tal-inqas kisbu punt f’dil-partita. Biss mal-linji llum rajna inqas kwalità mill-partiti li għaddew, filwaqt li Morata kien sfurtunat li ra tliet gowls imħassra għall-offside. Nofs il-grawnd, imbagħad, għandu juri l-istess problemi tas-snin li għaddew. Nittamaw li Pirlo jagħraf isolvi l-problemi tat-tim malajr kemm jista’ jkun għax xbajna naraw partita wara l-oħra l-istess żbalji!
JUVENTUS-BARCELLONA 0-2
Skurjaw: Dembélé (B), Messi (pen.) (B)
Juventus (4-2-3-1): Szczesny; Cuadrado, Demiral, Bonucci, Danilo; Bentancur (Arthur), Rabiot (Bernardeschi); Kulusevski (McKennie), Dybala, Chiesa; Morata. Kowċ: Pirlo.
Barcellona (4-2-3-1): Neto; Sergi Roberto, Araujo (Busquets), Lenglet, Jordi Alba; Pjanic, De Jong; Dembélé (Ansu Fati), Messi, Pedri (Braithwaite); Griezmann (Junior Firpo). Kowċ: Koeman.
Referee: Makkelie (Olanda).
Karti sofor: Kulusevski (J), Sergi Roberto (B), Cuadrado (J), Rabiot (J).
Karta ħamra: Demiral (J).
Matthew Scerri
Uffiċjali: Kif se jibdew Juventus u Barcellona
Juventus (4-4-2): Szczesny; Cuadrado, Bonucci, Demiral, Danilo; Kulusevski, Bentancur, Rabiot, Chiesa; Dybala, Morata.
Barcellona (4-2-3-1): Neto; Sergi Roberto, Araujo, Lenglet, Jordi Alba; Pjanic, De Jong; Dembélé, Messi, Pedri; Griezmann.
Alaba għadu ma jridx jiffirma kuntratt ġdid ma’ Bayern Munich
Skont Sport Bild reġgħu fallew in-negozjati ta’ Bayern Munich ma’ Alaba biex jikkonvinċuh jiffirma kuntratt ġdid magħhom. F’dan l-istadju jidher li r-rieda ta’ Alaba hi li ma jiffirmax kuntratt ieħor ma’ Bayern ħalli fis-sajf 2021 ikun jista’ jingħaqad ma’ min irid.
Matthew Scerri
Bonucci rkupra!
Leonardo Bonucci jidher li rkupra mill-injury muskolari tiegħu u se jkun qed jibda mill-ewwel minuta llejla kontra Barcellona. Diversi gazzetti u siti qed jaqblu li Pirlo llejla se jikkonferma d-difiża bi tlieta, bl-istess plejers tal-Ħadd li għadda: Danilo, Bonucci u Demiral.
Matthew Scerri
Juventus fost it-timijiet interessati f’Johannesson
Il-gazzetta Aftonbladet qed tirraporta li Juventus huma fost il-klabbs il-kbar tal-Ewropa li qed juru interess fil-midfielder ta’ 17-il sena ta’ Norkkoeping, Isak Bergmann Johannesson. Juventus, Liverpool u Manchester United diġà bagħtu scouts tagħhom sabiex jarawh fl-azzjoni mill-qrib.
Matthew Scerri
Malen u Gravenberch fil-mira ta’ Juventus u Barcellona
Juventus u Barcellona mhux se jkunu biss avversarji fil-grawnd illejla. It-tnejn li huma jidhru li anki fis-suq tat-trasferimenti qed imorru għall-istess plejers biex isaħħu lit-tim tagħhom. Fl-Olanda, pereżempju, Juventus u Barcellona qed isegwu b’interess qawwi lil Donyell Malen ta’ PSV u Ryan Gravenberch ta’ Ajax. Iż-żewġ talenti jidhru lesti biex jingħaqdu ma’ tim ta’ livell għoli u għaldaqstant kemm Juventus kif ukoll Barcellona qed jikkunsidraw li jressqu offerti għalihom.
Matthew Scerri
Pjanic: “Ninsab kuntent u emozzjonat”
“Ninsab kuntent u emozzjonat li ninsab hawn. Qattajt erba’ snin sbieħ ħafna hawn. Ninsab kuntent li qed nerġa’ niltaqa’ mal-plejers u l-istaff li ħdimt tant tajjeb magħhom. Se tkun partita diffiċli kontra tim tajjeb daqsna li qed jimmira għall-ewwel post. Naf sew il-mentalità t’hawn u kemm hi importanti għalihom dil-partita.” Hekk tkellem Miralem Pjanic dwar Juventus-Barcellona.
Matthew Scerri