Milan jidhru li jinsabu mill-ġdid interessati li jiksbu lil Daniele Rugani. Hu ssemma magħhom diversi drabi fil-passat u fl-aħħar jiem kellna diversi rapporti li r-Rossoneri daqt jagħmlu tentattiv ieħor biex jiffirmawh. Madankollu l-indikazzjonijiet huma li għalissa Juventus se jżommuh hekk kif De Ligt jinsab barra sa Novembru, filwaqt li Demiral u Chiellini għadhom qed jirkupraw minn injuries gravissimi.
Matthew Scerri
Ir-raba’ attakkant ta’ Juventus jista’ jiġi b’xejn. Fil-fatt il-media Franċiża qed tagħti prominenza kbira lill-fatt li Eric Maxim Choupo-Moting jinsab bla klabb wara li skadilu l-kuntratt ma’ PSG. Hu qed ifittex klabb ġdid u jidher li saru kuntatt miegħu min-naħa ta’ Juventus.
Matthew Scerri
Diversi gazzetti u siti qed jirrapurtaw li Napoli u Roma resqin lejn ftehim sabiex Milik jingħaqad mat-tim tal-kapitali. S’issa dejjem intqal li bl-akkwist ta’ Milik, Roma kienu se jħallu lil Dzeko jitlaq. Ma nafux jekk dan għadux il-każu ma nafux lanqas jekk huma Juventus biss li jinsabu interessati fl-attakkant Bożniaku.
Matthew Scerri
Qed inwasslulkom l-ewwel paġni tal-gazzetti Taljani tal-isports tal-lum il-15 ta’ Settembru 2020.
Parma jinsabu interessati li jiksbu lil Pellegrini u allegatament għamlu kuntatt mal-aġent tiegħu, Raiola. Juventus, min-naħa tagħhom, ma jridux jagħtu risposta lil Parma hekk kif jista’ jkun li finalment jagħżlu li jżommuh magħhom.
Matthew Scerri
Skont Sky TG24 it-talba ta’ Juventus biex l-Allianz Stadium jilqa’ 1000 supporter nhar il-Ħadd għall-partita kontra Sampdoria, ma ġietx milqugħa mill-Gvernatur tar-reġjun tal-Piemonte. Ir-raġuni hi li minħabba li l-Kumitat Tekniku-Xjentifiku hu kontra l-ftuħ tal-istadiums, tkun xi tkun id-deċiżjoni tal-Gvernatur hu probabbli li xorta waħda jittieħdu passi mill-Gvern biex jitwaqqaf kollox.
Matthew Scerri
Andrea Pirlo temm b’suċċess illum il-kors biex ikun jista’ jikkowċja fis-Serie A. Għaldaqstant issa għandu l-liċenzja Uefa Pro biex ikun jista’ jmexxi lil Juventus f’dan l-istaġun.
Matthew Scerri
Genoa jidhru li jinsabu mill-ġdid interessati li jiksbu s-servizzi ta’ Marko Pjaca. Fil-passat huma kienu riduh b’saħħa, biss hu kien għażel lil Fiorentina. Issa Genoa se jagħmlu tentattiv ieħor li jixtruh. Nifhmu li Juventus jinsabu lesti li jbigħuh peress li għandhom miri oħra għall-attakk.
Matthew Scerri
Qed inwasslulkom l-ewwel paġni tal-gazzetti Taljani tal-isports tal-lum l-14 ta’ Settembru 2020.
Il-partita mill-passat tal-lum toħodna lura għas-sena 1947. Dakinhar Juventus lagħbu fil-kampjonat kontra Alessandria. Skor finali 1-3 favur Juventus f’dad-derby tal-Piemonte. Il-gowls Bianconeri kellhom il-firma ta’ Sentimenti III u Arpas (2).