L-ewwel paġni tal-gazzetti Taljani (24 ta’ Settembru 2020)
Qed inwasslulkom l-ewwel paġni tal-gazzetti Taljani tal-isports tal-lum l-24 ta’ Settembru 2020.
De Sciglio mill-ġdid fil-mira ta’ Barcellona
Mattia De Sciglio jista’ jsellem daqt lil Juventus biex jingħaqad ma’ Barcellona. Fil-fatt il-klabb Spanjol jinsab fil-proċess li jbigħ lil Semedo u minfloku qed jikkunsidraw serjament li jiksbu lil De Sciglio.
Matthew Scerri
Storari lura ma’ Juventus
Wara xhur nisimgħu u naqraw dwaru, tħabbar uffiċjalment li Marco Storari se jkun qed jaħdem mill-ġdid għal Juventus b’kariga ta’ uffiċċjal tal-klabb. It-titlu tal-kariga tiegħu hi Professional’s Talent Development, li fi ftit kliem ifisser li se jkun responsabbli li jsegwi lit-talenti Juventini u jgħinhom jimmaturaw mil-lat uman u professjonali.
Matthew Scerri
Kjarifika mill-Avukatessa Turco dwar it-telefonati li ħarġu llum
L-avukatessa Maria Turco ħarġet stqarrija fejn iċċarat il-pożizzjoni tagħha dwar it-telefonati żvelati mill-Corriere della Sera. Hi spjegat li t-telefonati ma ttiħdux fil-kuntest it-tajjeb tagħhom. Hi kienet qed tassisti lill-avukati ta’ Suarez peress li hu reid jikseb iċ-ċittadinanza Taljana. It-telefonati saru bħala follow-up għall-emails bejn l-avukati ta’ Saurez u l-Università. L-avukatessa Turco sostniet li fit-telefonati hi appellat sabiex l-eżami jsir fil-preżenza fiżika ta’ Saurez u qatt ma talbet xi tip ta’ trattament privileġġat għall-attakkant Urugwajan. L-istqarrija ttemm tgħid li l-klabb li ried jirreġistra lil Suarez (tajjeb ngħidu li hi qatt ma semmiet lil Juventus fl-istqarrija) kienetbidel fehmtu u dawwar ħarstu fuq plejers oħra fil-mument li dan kollu kien qed jiġri.
Matthew Scerri
Avukatessa qrib Juventus implikata fil-każ tal-eżami ta’ Suarez
Juventus sfaw implikati fl-iskandlu marbut mal-eżami ta’ Luis Suarez. Il Corriere della Sera żvelat li l-Guardia di Finanza għandha f’idejh tliet telefonati li l-avukatessa Maria Turco kellha ma’ Simone Oivieri, li hu d-Direttur Ġenerali tal-Università per Stranieri ta’ Perugia. Allegatament fit-telefonati l-partijiet jiftehmu dwar meta u kif se jsir l-eżami ta’ Suarez. Hemm anki telefonata fejn l-avukatessa Turco twiegħed li se tieħu aktar plejers għal testijiet simili fil-futur.
U Juventus fiex jidħlu? L-avukatessa Turco taħdem fl-istudju ta’ Luigi Chiappero li ilu snin l-avukati li jużaw Juventus f’każijiet importantui. L-allegazzjonijiet huma li l-avukatessa Turco kienet qed tagħmel dat-telefonati f’isem Juventus u allura beda proċess medjatiku b’sejħa għal passi kontra Juventus.
Matthew Scerri
Aktar minn elf supporter fl-Allianz Stadium għall-partita Juventus-Napoli?
Intervistat minn Radio Kiss Kiss, il-President tar-Reġjun Piemonte, Alberto Cirio sostna li hemm pjan sabiex għall-partita Juventus-Napoli hemm pjanijiet biex jitħallew jidħlu iktar minn elf supporter fl-Allianz Stadium. Fi kliemu l-protokoll dettaljat ilu lest minn Lulju u jekk is-sitwizzjoni sanitarja tkun tippermetti, se jsir tentattiv biex jidħlu iktar nies minn kemm kien hemm fl-okkażjoni ta’ Juventus-Sampdoria.
Matthew Scerri
