“Għalissa m’hemm xejn imma kollox jista’ jiġri dil-ġimgħa.” Kliem ta’ Commisso li juru biċ-ċar li verament xi ħaġa qed tinħema dwar Federico Chiesa. L-għidut hu li Juventus qed jagħmlu minn kollox biex ibigħu lil Costa u minfloku jiksbu lil Chiesa b’self għal sena u bl-obbligu ta’ xiri fl-istaġun ta’ wara.
Matthew Scerri
Allegatament West Ham għamlu kuntatt uffiċjali ma’ Juventus bil-għan li jiksbu lil Daniele Rugani. S’issa jidher li l-Hammers kienu l-uniċi li marru lil hinn minn sempliċi interess f’Rugani. Juventus qed jitolbu somma bejn 20 u 25 miljun Ewro għalih.
Matthew Scerri
Kmieni l-ġimgħa d-dieħla l-aġenti ta’ Khedira se jkunu qed jiltaqgħu ma’ Paratici f’laqgħa li qed tkun deskritta bħala deċiżiva biex jinstab il-ftehim tant mistenni biex ikun itterminat il-kuntratt tiegħu. Khedira s’issa dejjem irrifjuta li jaċċetta l-ftehim propost lilu min-naħa ta’ Juventus, forsi minħabba l-biża’ li ma jibqax fil-futbol ta’ livell għoli. Issa, però, jidher li Khedira fehem li m’għandux triq oħra ħlief li jaċċetta peress li ma tantx se jkun hemm spazju għalih ma’ Juventus.
Matthew Scerri
L-interess f’Daniele Rugani għadu ħaj iktar minn qatt qabel. Skont Tuttosport hemm tliet klabbs tal-Premier League li jriduh: Leeds, Newcastle u West Ham. Sportitalia, mill-banda l-oħra, qed isemmu lil Rennes, Fulham u Sevilla, apparti West Ham imsemmija wkoll minn Tuttosport.
Matthew Scerri
Il-plejers mgħajta minn Pirlo għall-partita kontra Roma huma:
Gowlers: Szczesny, Pinsoglio, Buffon
Difensuri: De Sciglio, Chiellini, Danilo, Cuadrado, Bonucci, Rugani, Demiral, Frabotta
Plejers ta’ nofs il-grawnd: Arthur, Ramsey, McKennie, Rabiot, Bentancur, Portanova, Kulusevski
Attakkanti: Ronaldo, Morata, Dybala, Douglas Costa, Vrioni.
Matthew Scerri
Waqt il-konferenza tal-aħbarijiet tal-lum Fonseca ħabbar liema se jkun il-ħdax-il plejer ta’ Roma li se jibdew mill-ewwel minuta kontra Juventus. Il-plejers Romanisti huma: Mirante; Santon, Mancini, Ibanez, Kumbulla, Spinazzola, Veretout, Pellegrini, Mkhitaryan , Pedro u Dzeko
Matthew Scerri
Juventus ħabbru llum li Luca Pellegrini ġie misluf lit-tim ta’ Genoa għal sena. Pirlo spjega llum li Juventus ħasbu li kien aħjar għalih li jkun misluf lil tim fejn ikun jista’ jilgħab b’mod regolari u forsi jikseb post mat-tim nazzjonali Taljan għall-Kampjonat Ewropew.
Matthew Scerri
Hans Nicolussi Caviglia x’aktarx se jkun qed iħalli lil Juventus fil-jiem li ġejjin. Fuqu hemm erba’ timijiet tas-Serie A: Parma, Genoa, Sampdoria u Spezia. Skont Calciomercato.com l-ewwel preferenza ta’ Nicolussi Caviglia qed tmur għal Parma. Daqt inkunu nafu fejn verament se jkun qed jilgħab dis-sena.
Matthew Scerri