Uffiċjali: Arthur misluf lil Fiorentina
Juventus ħabbru li Arthur iffirma kuntratt ġdid magħhom sal-2026. Hu ġie misluf lil Fiorentina għal sena, liema self se jkun imħallas 2 miljuni flimkien ma’ massimu ta’ 2 miljun Ewro oħra f’bonuses. Is-sena d-dieħla Fiorentina se jkunu jistgħu jixtruh għal kollox għas-somma ta’ 20 miljun.
Matthew Scerri
Tħassret Juventus-Barcellona
Dal-lejl Juventus kellhom jilagħbu l-ewwel partita ta’ ħbiberija għal dan l-istaġun. Madankollu Juventus – Barcellona tħassret minħabba li diversi plejers tal-klabb Spanjol intlaqtu minn virus tal-istonku.
Matthew Scerri
Tibda l-avventura Amerikana ta’ Juventus. Fagioli baqa’ Turin
Kmieni llum waranofsinhar Juventus telqu lejn l-Amerka fejn se jilagħbu numru ta partiti ta’ ħbiberija. Mat-tim ma telaqx Fagioli li għandu infjammazzjoni tat-tunsilli. Mhux magħruf jekk hu huwiex se jmur l-Amerka fil-jiem li ġejjien (meta jgħaddilu) jew inkella huwiex se jibqa’ Turin għal kollox. Li hu żgur hu li Fagioli għadu qed isegwi programm personalizzat biex jirkupra mill-injury li kien sofra u x’aktarx xorta ma kienx se jilgħab fil-partiti ta’ ħbiberija Amerikani.
Matthew Scerri